46Ezekiel 46

1Сия глаголет Господь Бог: врата, яже во дворе внутреннем зрящая на восток, да будут затворена на шесть дний делных: в день же субботный да отверзаются, и в день новомесячия да отверзутся.Select Ezekiel 46:1

2И внидет старейшина по пути елама врат внешних и да станет у преддверия врат, и да сотворят жерцы всесожжения его и яже спасения его:Select Ezekiel 46:2

3и да поклонится у преддверия врат и изыдет, врата же да не заключатся до вечера, и да покланяются людие земли у преддверия врат тех в субботы и в новомесячия пред Господем.Select Ezekiel 46:3

4И всесожжения да принесет старейшина в день субботный Господеви, шесть агнцев непорочных и овна непорочна,Select Ezekiel 46:4

5и манау, опреснок овну, и агнцем жертву, дар руки своея, и елеа ин опресноку.Select Ezekiel 46:5

6И в день новомесячия телец от стада непорочен и шесть агнцев и овен непорочен да будет,Select Ezekiel 46:6

7и опреснок телцу и опреснок овну да будет манаа, и агнцем, якоже постигнет рука его, и масла ин опресноку.Select Ezekiel 46:7

8И егда входит старейшина, по пути елама врат да внидет и по пути врат да изыдет.Select Ezekiel 46:8

9И егда входят людие земли пред Господа в праздники, входящии по пути врат зрящих на север поклонитися, да исходят по пути врат яже на юг: и иже входят по пути врат яже на юг, да исходят по пути врат яже на север, да не возвращаются во врата, имиже внидоша, но прямо им да изыдут.Select Ezekiel 46:9

10И старейшина посреде их, егда тии входят, да внидет с ними, и егда исходят, да изыдет.Select Ezekiel 46:10

11И в праздники и в торжества да будет манаа опреснок телцу и опреснок овну, и агнцем, якоже постигнет рука его, и елеа ин опресноку.Select Ezekiel 46:11

12Аще же сотворит старейшина исповедание, всесожжение спасения Господеви, и отворит себе врата зрящая на восток и сотворит всесожжение свое и яже спасения своего, якоже есть обычай творити в день субботный: и да изыдет и затворит двери по исхождении своем:Select Ezekiel 46:12

13агнца же единолетнаго непорочна да сотворит во всесожжение на всяк день Господеви, заутра да сотворит его.Select Ezekiel 46:13

14И манаа да сотворит над ним заутра заутра, шестую часть меры, и елеа третию часть ина, еже смесити семидал манаа Господеви, заповедь вечная присно.Select Ezekiel 46:14

15Да сотворите агнца, и манаа, и масло древяно да сотворите заутра всесожжение присно.Select Ezekiel 46:15

16Сия глаголет Господь Бог: аще даст старейшина даяние единому от сынов своих от наследия своего, сие сыном его да будет: одержание их сие в наследие.Select Ezekiel 46:16

17Аще же даст даяние единому от раб своих, да будет ему до лета отпущения, и да воздаст старейшине: обаче наследие сынов его им да будет.Select Ezekiel 46:17

18И да не вземлет старейшина от наследия людий еже насилити им, от одержания своего даст наследие сыном своим: яко да не расточатся людие Мои кийждо от одержания своего.Select Ezekiel 46:18

19И введе мя во вход врат, яже к югу, в преграду святых жерцев, зрящую на север: и се, тамо место отлучено.Select Ezekiel 46:19

20И рече ко мне: сие место есть, идеже варят жерцы, яже за неведение и яже за грехи, и тамо да пекут манау весьма, еже не износити во двор внешний освящати люди.Select Ezekiel 46:20

21И изведе мя во двор внешний и обведе мя на четыри части двора: и се, двор по углам двора.Select Ezekiel 46:21

22По углу двор, на четырех углех двора, двор малый в долготу лактей четыредесять, а в широту лактей тридесять, мера едина четырем.Select Ezekiel 46:22

23И преграды окрест в них, окрест четырем: и поварни устроеныя под преградами окрест.Select Ezekiel 46:23

24И рече ко мне: сии домове поваров, идеже варят служащии храму заколения людская.Select Ezekiel 46:24