1Galatians 1

1Павел, Апостол ни от человек, ни человеком, но Иисус Христом и Богом Отцем воскресившим Его из мертвых,Select Galatians 1:1

2и иже со мною вся братия, церквам Галатийским:Select Galatians 1:2

3благодать вам и мир от Бога Отца и Господа нашего Иисуса Христа,Select Galatians 1:3

4давшаго Себе по гресех наших, яко да избавит нас от настоящаго века лукаваго, по воли Бога и Отца нашего,Select Galatians 1:4

5Емуже слава во веки веков. Аминь.Select Galatians 1:5

6Чуждуся, яко тако скоро прелагаетеся от звавшаго вы благодатию Христовою, во ино благовествование:Select Galatians 1:6

7еже несть ино, точию нецыи суть смущающии вы и хотящии превратити благовествование Христово.Select Galatians 1:7

8Но и аще мы, или Ангел с небесе благовестит вам паче, еже благовестихом вам, анафема да будет.Select Galatians 1:8

9Якоже предрекохом, и ныне паки глаголю: аще кто вам благовестит паче, еже приясте, анафема да будет.Select Galatians 1:9

10Ныне бо человеки препираю, или Бога, или ищу человеком угождати? Аще бо бых еще человеком угождал, Христов раб не бых убо был.Select Galatians 1:10

11Сказую же вам, братие, Благовествование благовещенное от мене, яко несть по человеку:Select Galatians 1:11

12ни бо аз от человека приях е, ниже научихся, но явлением Иисус Христовым.Select Galatians 1:12

13Слышасте бо мое житие иногда в Жидовстве, яко по премногу гоних Церковь Божию и разрушах ю,Select Galatians 1:13

14и преспевах в Жидовстве паче многих сверстник моих в роде моем, излиха ревнитель сый отеческих моих преданий.Select Galatians 1:14

15Егда же благоволи Бог, избравый мя от чрева матере моея и призвавый благодатию Своею,Select Galatians 1:15

16явити Сына Своего во мне, да благовествую Его во языцех, абие не приложихся плоти и крови,Select Galatians 1:16

17ни взыдох во Иерусалим к первейшым мене Апостолом, но идох во Аравию, и паки возвратихся в Дамаск.Select Galatians 1:17

18Потом же по триех летех взыдох во Иерусалим соглядати Петра, и пребых у него дний пятьнадесять.Select Galatians 1:18

19Иного же от Апостол не видех, токмо Иакова брата Господня.Select Galatians 1:19

20А яже пишу вам, се пред Богом, яко не лгу.Select Galatians 1:20

21Потом же приидох в страны Сирския и Киликийския.Select Galatians 1:21

22Бех же не знаемь лицем церквам Иудейским, яже о Христе,Select Galatians 1:22

23точию же слышаще бяху, яко гоняй нас иногда, ныне благовествует веру, юже иногда разрушаше:Select Galatians 1:23

24и славляху о мне Бога.Select Galatians 1:24