4Galatians 4

1Глаголю же: в елико время наследник млад есть, ничимже лучший есть раба, господь сый всех:Select Galatians 4:1

2но под повелители и приставники есть даже до нарока отча.Select Galatians 4:2

3Такожде и мы, егда бехом млади, под стихиами бехом мира порабощени:Select Galatians 4:3

4егда же прииде кончина лета, посла Бог Сына Своего Единороднаго, Раждаемаго от жены, бываема под законом,Select Galatians 4:4

5да подзаконныя искупит, да всыновление восприимем.Select Galatians 4:5

6И понеже есте сынове, посла Бог Духа Сына Своего в сердца ваша, вопиюща: Авва Отче.Select Galatians 4:6

7Темже уже неси раб, но сын: аще ли же сын, и наследник Божий Иисус Христом.Select Galatians 4:7

8Но тогда убо, не ведуще Бога, служисте не по естеству сущым богом:Select Galatians 4:8

9ныне же, познавше Бога, паче же познани бывше от Бога, како возвращаетеся паки на немощныя и худыя стихии, имже паки свыше служити хощете?Select Galatians 4:9

10Дни смотряете, и месяцы, и времена, и лета.Select Galatians 4:10

11Боюся о вас, еда како всуе трудихся в вас.Select Galatians 4:11

12Будите якоже аз, зане и аз, якоже вы: братие, молю вы. Ничимже мене обидесте:Select Galatians 4:12

13весте же, яко за немощь плоти благовестих вам первее.Select Galatians 4:13

14И искушения моего, еже во плоти моей, не уничижисте, ни оплевасте, но якоже Ангела Божия приясте мя, яко Христа Иисуса.Select Galatians 4:14

15Кое убо бяше блаженство ваше, свидетельствую бо вам, яко, аще бы было мощно, очеса ваша извертевше дали бысте ми.Select Galatians 4:15

16Темже враг вам бых, истину вам глаголя?Select Galatians 4:16

17Ревнуют по вас не добре, но отлучити вас хотят, да им ревнуете.Select Galatians 4:17

18Добро же, еже ревновати всегда в добрем, и не точию внегда приходити ми к вам.Select Galatians 4:18

19Чадца моя, имиже паки болезную, дондеже вообразится Христос в вас:Select Galatians 4:19

20хотел же бых приити к вам ныне и изменити глас мой, яко не домышляюся о вас.Select Galatians 4:20

21Глаголите ми, иже под законом хощете быти: закона ли не слушаете?Select Galatians 4:21

22Писано бо есть, яко Авраам два сына име: единаго от рабы, а другаго от свободныя.Select Galatians 4:22

23Но иже от рабы, по плоти родися: а иже от свободныя, по обетованию.Select Galatians 4:23

24Иже суть иносказаема: сия бо еста два завета: един убо от горы Синайския, в работу раждаяй, иже есть Агарь:Select Galatians 4:24

25Агарь бо, Сина гора есть во Аравии, прилагается же нынешнему Иерусалиму, работает же с чады своими:Select Galatians 4:25

26а вышний Иерусалим свободь есть, иже есть мати всем нам.Select Galatians 4:26

27Писано бо есть: возвеселися, неплоды, не раждающая: расторгни и возопи, неболящая: яко многа чада пустыя паче, нежели имущия мужа.Select Galatians 4:27

28Мы же, братие, по Исааку обетования чада есмы.Select Galatians 4:28

29Но якоже тогда по плоти родивыйся гоняше духовнаго, тако и ныне.Select Galatians 4:29

30Но что глаголет Писание? Изжени рабу и сына ея, не имать бо наследовати сын рабынин с сыном свободныя.Select Galatians 4:30

31Темже, братие, несмы рабынина чада, но свободныя.Select Galatians 4:31