11Genesis 11

1И бе вся земля устне едине, и глас един всем.Select Genesis 11:1

2И бысть внегда поити им от восток, обретоша поле в земли Сеннаарстей и вселишася тамо.Select Genesis 11:2

3И рече человек ближнему своему: приидите, сотворим плинфы и испечем их огнем. И бысть им плинфа в камень, и брение вместо мела.Select Genesis 11:3

4И рекоша: приидите, созиждем себе град и столп, егоже верх будет даже до небесе: и сотворим себе имя, прежде неже разсеятися нам по лицу всея земли.Select Genesis 11:4

5И сниде Господь видети град и столп, егоже созидаша сынове человечестии.Select Genesis 11:5

6И рече Господь: се, род един, и устне едине всех, и сие начаша творити: и ныне не оскудеют от них вся, елика аще восхотят творити.Select Genesis 11:6

7Приидите, и сошедше смесим тамо язык их, да не услышат кийждо гласа ближняго (своего).Select Genesis 11:7

8И разсея их оттуду Господь по лицу всея земли: и престаша зиждуще град и столп.Select Genesis 11:8

9Сего ради наречеся имя его Смешение, яко тамо смеси Господь устна всея земли, и оттуду разсея их Господь по лицу всея земли.Select Genesis 11:9

10И сия бытия Симова: и бяше Сим сын ста лет, егда роди Арфаксада, во второе лето по потопе:Select Genesis 11:10

11и поживе Сим, повнегда родити ему Арфаксада, лет пять сот и роди сыны и дщери: и умре.Select Genesis 11:11

12И поживе Арфаксад лет сто тридесять пять и роди Каинана:Select Genesis 11:12

13и поживе Арфаксад, повнегда родити ему Каинана, лет триста тридесять и роди сыны и дщери: и умре. И поживе Каинан лет сто тридесять и роди Салу: и поживе Каинан, повнегда родити ему Салу, лет триста тридесять и роди сыны и дщери: и умре.Select Genesis 11:13

14И поживе Сала лет сто тридесять и роди Евера:Select Genesis 11:14

15и поживе Сала, повнегда родити ему Евера, лет триста тридесять и роди сыны и дщери: и умре.Select Genesis 11:15

16И поживе Евер лет сто тридесять четыри и роди Фалека:Select Genesis 11:16

17и поживе Евер, повнегда родити ему Фалека, лет триста седмьдесят и роди сыны и дщери: и умре.Select Genesis 11:17

18И поживе Фалек лет сто тридесять и роди Рагава:Select Genesis 11:18

19и поживе Фалек, повнегда родити ему Рагава, лет двесте девять и роди сыны и дщери: и умре.Select Genesis 11:19

20И поживе Рагав лет сто тридесять два и роди Серуха:Select Genesis 11:20

21и поживе Рагав, повнегда родити ему Серуха, лет двесте седмь и роди сыны и дщери: и умре.Select Genesis 11:21

22И поживе Серух лет сто тридесять и роди Нахора:Select Genesis 11:22

23и поживе Серух, повнегда родити ему Нахора, лет двесте и роди сыны и дщери: и умре.Select Genesis 11:23

24И поживе Нахор лет седмьдесят девять и роди Фарру:Select Genesis 11:24

25и поживе Нахор, повнегда родити ему Фарру, лет сто двадесять девять и роди сыны и дщери: и умре.Select Genesis 11:25

26И поживе Фарра лет седмьдесят и роди Аврама и Нахора и Аррана.Select Genesis 11:26

27Сия же бытия Фарры: Фарра роди Аврама и Нахора и Аррана. Арран же роди Лота:Select Genesis 11:27

28и умре Арран пред Фаррою отцем своим в земли, в нейже родися, в стране Халдейстей.Select Genesis 11:28

29И пояста Аврам и Нахор себе жены: и имя жене Аврамли Сара, и имя жене Нахорове Мельха, дщи Арраня: сей есть отец Мельхин и отец Есхин.Select Genesis 11:29

30Бяше же Сара неплоды и не раждаше детей.Select Genesis 11:30

31И поят Фарра Аврама сына своего и Лота сына Арраня, сына сына своего, и Сару сноху свою, жену Аврама сына своего: и изведе я из земли Халдейския ити на землю Ханаанску: и приидоша даже до Харрана и вселишася тамо.Select Genesis 11:31

32Быша же вси дние Фаррины в земли Харрани лет двесте пять: и умре Фарра в Харране.Select Genesis 11:32