12Genesis 12

1И рече Господь Авраму: изыди от земли твоея, и от рода твоего, и от дому отца твоего, и иди в землю, юже ти покажу:Select Genesis 12:1

2и сотворю тя в язык велий, и благословлю тя, и возвеличу имя твое, и будеши благословен:Select Genesis 12:2

3и благословлю благословящыя тя, и кленушыя тя проклену: и благословятся о тебе вся племена земная.Select Genesis 12:3

4И иде Аврам, якоже глагола ему Господь, и идяше с ним Лот: Аврам же бе лет седмидесяти пяти, егда изыде от (земли) Харран.Select Genesis 12:4

5И поят Аврам Сару жену свою, и Лота сына брата своего, и вся имения своя, елика стяжаша, и всякую душу, юже стяжаша в Харране: и изыдоша поити в землю Ханааню.Select Genesis 12:5

6И пройде Аврам землю в долготу ея даже до места Сихем, до дуба Высокаго: Хананее же тогда живяху на земли (той).Select Genesis 12:6

7И явися Господь Авраму и рече ему: семени твоему дам землю сию. И созда тамо Аврам жертвенник Господу явльшемуся ему.Select Genesis 12:7

8И отступи оттуду в гору на восток (лицем) прямо Вефилю, и постави тамо кущу свою в Вефили при мори, и Агге к востоком: и созда тамо жертвенник Господу, и призва во имя Господа (явльшася ему).Select Genesis 12:8

9И воздвижеся Аврам, и шед ополчися в пустыни.Select Genesis 12:9

10И бысть глад на земли: и сниде Аврам во Египет вселитися тамо, яко одоле глад на земли.Select Genesis 12:10

11Бысть же егда приближися Аврам внити во Египет, рече Аврам Саре жене своей: вем аз, яко жена добролична еси:Select Genesis 12:11

12будет убо егда увидят тя Египтяне, рекут, яко жена его есть сия: и убиют мя, тебе же снабдят:Select Genesis 12:12

13рцы убо, яко сестра ему есмь, да добро мне будет тебе ради, и будет жива душа моя тебе ради.Select Genesis 12:13

14Бысть же егда вниде Аврам во Египет, видевше Египтяне жену его, яко добра бяше зело,Select Genesis 12:14

15и видеша ю князи фараони и похвалиша ю пред фараоном, и введоша ю в дом фараонов.Select Genesis 12:15

16И Авраму добре бяше ея ради: и быша ему овцы и телцы и ослы, и рабы и рабыни, и мски и велблюды.Select Genesis 12:16

17И мучи Господь казньми великими и лютыми фараона и дом его Сары ради жены Аврамли.Select Genesis 12:17

18Призвав же фараон Аврама, рече ему: что сие сотворил еси мне, яко не поведал ми еси, яко жена твоя есть?Select Genesis 12:18

19Вскую рекл еси, яко сестра ми есть? И поях ю себе в жену. И ныне се, жена твоя пред тобою: поемь ю отиди.Select Genesis 12:19

20И заповеда фараон мужем о Авраме, проводити его и жену его, и вся, елика быша его, и Лота с ним.Select Genesis 12:20