13Genesis 13

1Изыде же Аврам от Египта сам и жена его, и вся, елика его, и Лот с ним в пустыню.Select Genesis 13:1

2Аврам же бяше богат зело скоты и сребром и златом.Select Genesis 13:2

3И иде отнюдуже прииде, в пустыню до Вефила, до места, идеже бе ему куща первее, между Вефилем и между Агге,Select Genesis 13:3

4на место жертвенника, идеже сотвори его первее: и призва тамо Аврам имя Господне.Select Genesis 13:4

5И Лоту ходящу со Аврамом бяху овцы, и волы, и кущы.Select Genesis 13:5

6И не вмещаше их земля жити вкупе, яко имения их бяху многа: и не можаху жити вкупе.Select Genesis 13:6

7И бысть распря между пастухи скота Аврамля и между пастухи скота Лотова: Хананее же и Ферезее тогда живяху на земли (той).Select Genesis 13:7

8Рече же Аврам Лоту: да не будет распря между мною и тобою, и между пастухи твоими и между пастухи моими, яко человецы братия мы есмы:Select Genesis 13:8

9не се ли вся земля пред тобою есть? Отлучися ты от мене: аще ты на лево, аз на десно: аще же ты на десно, аз на лево.Select Genesis 13:9

10И возвед Лот очи свои, виде всю окрестную страну Иорданскую, яко вся напаяема бяше водою, прежде неже низвратити Богу Содом и Гоморр, яко рай Божий, и яко земля Египетска, даже приити до Зогора:Select Genesis 13:10

11и избра себе Лот всю окрестную страну Иорданскую, и отиде Лот от востока: и разлучистася кийждо от брата своего.Select Genesis 13:11

12Аврам же вселися в земли Ханаанстей, Лот же вселися во граде окрестных стран и вселися в Содоме.Select Genesis 13:12

13Человецы же сущии в Содоме зли и грешни пред Богом зело.Select Genesis 13:13

14Бог же рече Авраму, повнегда разлучитися Лоту от него: воззри очима твоима и виждь от места, идеже ты ныне еси, к северу, и ливе, и к востоку, и морю:Select Genesis 13:14

15яко всю землю, юже ты видиши, тебе дам ю и семени твоему во веки,Select Genesis 13:15

16и сотворю семя твое, яко песок земный: аще кто может исчести песок земный, то и семя твое изочтет:Select Genesis 13:16

17востав проиди землю в долготу ея и в широту: яко тебе дам ю и семени твоему во век.Select Genesis 13:17

18И отселився Аврам, пришед вселися у дуба Мамврийскаго, иже бяше в Хевроне: и созда ту жертвенник Господу.Select Genesis 13:18