18Genesis 18

1Явися же ему Бог у дуба Мамврийска, седящу ему пред дверми сени своея в полудни.Select Genesis 18:1

2Воззрев же очима своима, виде, и се, трие мужие стояху над ним: и видев притече в сретение им от дверей сени своея: и поклонися до землиSelect Genesis 18:2

3и рече: Господи, аще убо обретох благодать пред Тобою, не мини раба Твоего:Select Genesis 18:3

4да принесется вода и омыются ноги ваши, и прохладитеся под древом:Select Genesis 18:4

5и принесу хлеб, да ясте, и посем пойдете в путь свой, егоже ради уклонистеся к рабу вашему. И рекоша: тако сотвори, якоже глаголал еси.Select Genesis 18:5

6И потщася Авраам в сень к Сарре и рече ей: ускори и смеси три меры муки чисты, и сотвори потребники.Select Genesis 18:6

7И тече Авраам ко кравам, и взя телца млада и добра, и даде рабу, и ускори приготовити е.Select Genesis 18:7

8И взя масло, и млеко, и телца, егоже приготова: и предложи им, и ядоша: сам же стояше пред ними под древом.Select Genesis 18:8

9Рече же к нему: где Сарра жена твоя? Он же отвещав, рече: се, в сени.Select Genesis 18:9

10Рече же: (се) возвращаяся прииду к тебе во время сие в часы, и родит сына Сарра жена твоя. Сарра же услыша пред дверми сени сущи за ним.Select Genesis 18:10

11Авраам же и Сарра стара (беста,) заматеревшая во днех: и престаша Сарре бывати женская.Select Genesis 18:11

12Разсмеяся же Сарра в себе, глаголющи: не у было ми убо доселе, господин же мой стар.Select Genesis 18:12

13И рече Господь ко Аврааму: что яко разсмеяся Сарра в себе, глаголющи: еда истинно рожду? Аз же состарехся.Select Genesis 18:13

14Еда изнеможет у Бога слово? В сие время возвращуся к тебе в часы, и будет Сарре сын.Select Genesis 18:14

15Отречеся же Сарра, глаголющи: не разсмеяхся: убояся бо. И рече ей: ни, но разсмеялася еси.Select Genesis 18:15

16Воставше же оттуду мужие, воззреша на лице Содома и Гоморра: Авраам же идяше с ними, провождая их.Select Genesis 18:16

17Господь же рече: еда утаю Аз от Авраама раба Моего, яже Аз творю?Select Genesis 18:17

18Авраам же бывая будет в язык велик и мног, и благословятся о нем вси языцы земнии:Select Genesis 18:18

19вем бо, яко заповесть сыном своим и дому своему по себе, и сохранят пути Господни творити правду и суд, яко да наведет Господь на Авраама вся, елика глагола к нему.Select Genesis 18:19

20Рече же Господь: вопль Содомский и Гоморрский умножися ко Мне, и греси их велицы зело:Select Genesis 18:20

21сошед убо узрю, аще по воплю их грядущему ко Мне совершаются: аще же ни, да разумею.Select Genesis 18:21

22И обратившеся оттуду мужие, приидоша в Содом: Авраам же еще бяше стояй пред Господем.Select Genesis 18:22

23И приближився Авраам, рече: погубиши ли праведнаго с нечестивым, и будет праведник яко нечестивый?Select Genesis 18:23

24Аще будут пятьдесят праведницы во граде, погубиши ли я? Не пощадиши ли всего места пятидесяти ради праведных, аще будут в нем?Select Genesis 18:24

25Никакоже Ты сотвориши по глаголу сему, еже убити праведника с нечестивым, и будет праведник яко нечестивый: никакоже, Судяй всей земли, не сотвориши ли суда?Select Genesis 18:25

26Рече же Господь: аще будут в Содомех пятьдесят праведницы во граде, оставлю весь град и все место их ради.Select Genesis 18:26

27И отвещав Авраам, рече: ныне начах глаголати ко Господу моему, аз же есмь земля и пепел:Select Genesis 18:27

28аще же умалятся пятьдесят праведницы в четыредесять пять, погубиши ли четыредесяти пятих ради весь град? И рече: не погублю, аще обрящу тамо четыредесять пять.Select Genesis 18:28

29И приложи еще глаголати к Нему, и рече: аще же обрящутся тамо четыредесять? И рече: не погублю ради четыредесяти.Select Genesis 18:29

30И рече: что, Господи, аще возглаголю? Аще же обрящется тамо тридесять? И рече: не погублю тридесятих ради.Select Genesis 18:30

31И рече: понеже имам глаголати ко Господу: аще же обрящутся тамо двадесять? И рече: не погублю, аще обрящутся тамо двадесять.Select Genesis 18:31

32И рече: что, Господи, аще возглаголю еще единою? Аще же обрящутся тамо десять? И рече: не погублю десятих ради.Select Genesis 18:32

33Отиде же Господь, яко преста глаголя ко Аврааму: и Авраам возвратися на место свое.Select Genesis 18:33