20Genesis 20

1И пойде оттуду Авраам на землю полуденную и вселися между Кадисом и между Суром: и обита в Герарех.Select Genesis 20:1

2Рече же Авраам о Сарре жене своей, яко сестра ми есть: убояся бо рещи, яко жена ми есть, да не когда убиют его мужие градстии ея ради. Посла же Авимелех царь Герарский и взя Сарру.Select Genesis 20:2

3И прииде Бог ко Авимелеху нощию во сне и рече ему: се, ты умираеши жены ради сея, юже поял еси: сия же есть сожителствующая мужу.Select Genesis 20:3

4Авимелех же не прикоснуся ей и рече: Господи, язык неведущий и праведен погубиши ли?Select Genesis 20:4

5Не сам ли ми рече: сестра ми есть? И сия ми рече: брат ми есть? Чистым сердцем и в правде рук сотворих сие.Select Genesis 20:5

6Рече же ему Бог во сне: и Аз познах, яко чистым сердцем сотворил еси сие, и пощадех тя, да не согрешиши ко Мне: сего ради не попустих ти коснутися ея:Select Genesis 20:6

7ныне же отдаждь жену мужу, яко пророк есть, и помолится о тебе, и жив будеши: аще же не отдаси, веждь, яко умреши ты и вся твоя.Select Genesis 20:7

8И воста рано Авимелех, и призва вся отроки своя, и глагола словеса сия вся во ушы их: убояшася же вси человецы зело.Select Genesis 20:8

9И призва Авимелех Авраама и рече ему: что сие сотворил еси нам? Еда что согрешихом тебе, яко навел еси на мя и на царство мое грех велик? Дело, еже никтоже сотвори, сотворил еси мне.Select Genesis 20:9

10И рече Авимелех Аврааму: что умыслив, сотворил еси сие?Select Genesis 20:10

11Рече же Авраам: рекох бо: негли несть благочестия на месте сем: и убиют мя жены ради моея:Select Genesis 20:11

12ибо истинно сестра ми есть по отцу, а не по матери: бысть же ми в жену:Select Genesis 20:12

13и бысть егда изведе мя Бог от дому отца моего, и рех ей: правду сию сотвориши ми: во всяко место, идеже аще приидем, тамо рцы о мне, яко брат ми есть.Select Genesis 20:13

14Взя же Авимелех тысящу дидрахм (сребра), и овцы, и телцы, и рабы, и рабыни, и даде Аврааму: и отдаде ему Сарру жену его.Select Genesis 20:14

15И рече Авимелех Аврааму: се, земля моя пред тобою: идеже аще тебе угодно есть, вселися.Select Genesis 20:15

16Сарре же рече: се, дах тысящу дидрахм брату твоему: сия будут тебе в честь лица твоего, и всем, яже суть с тобою, и во всем истинствуй.Select Genesis 20:16

17Помолися же Авраам Богу, и исцели Бог Авимелеха и жену его и рабыни его, и начаша раждати:Select Genesis 20:17

18яко заключая заключи Господь от внеуду всяка ложесна в дому Авимелеха, Сарры ради жены Авраамли.Select Genesis 20:18