21Genesis 21

1И Господь посети Сарру, якоже рече: и сотвори Господь Сарре, якоже глагола.Select Genesis 21:1

2И заченши Сарра роди Аврааму сына в старости, во время, якоже глагола ему Господь:Select Genesis 21:2

3и нарече Авраам имя сыну своему рождшемуся ему, егоже роди ему Сарра, Исаак:Select Genesis 21:3

4обреза же Авраам Исаака во осмый день, якоже заповеда ему Бог.Select Genesis 21:4

5Авраам же бе ста лет, егда бысть ему Исаак сын его.Select Genesis 21:5

6Рече же Сарра: смех мне сотвори Господь: иже бо аще услышит, обрадуется со Мною.Select Genesis 21:6

7И рече: кто возвестит Аврааму, яко млеком питает отроча Сарра, яко родих сына в старости моей?Select Genesis 21:7

8И возрасте отроча, и отдоено бысть: и сотвори Авраам учреждение велие, в оньже день отдоися Исаак сын его.Select Genesis 21:8

9Видевши же Сарра сына Агари Египтяныни, иже бысть Аврааму, играюща со Исааком сыном своим,Select Genesis 21:9

10и рече Аврааму: изжени рабу сию и сына ея: не наследит бо сын рабы сея с сыном моим Исааком.Select Genesis 21:10

11Жесток же явися глагол сей зело пред Авраамом о сыне его Исмаиле.Select Genesis 21:11

12И рече Бог Аврааму: да не будет жестоко пред тобою о отроце и о рабыни: вся елика аще речет тебе Сарра, слушай гласа ея: яко во Исааце наречется тебе семя:Select Genesis 21:12

13сына же рабыни сея в язык велик сотворю его, яко семя твое есть.Select Genesis 21:13

14Воста же Авраам заутра и взя хлебы и мех воды, и даде Агари: и возложи на плещы ея отроча и отпусти ю. Отшедши же заблуждаше в пустыни, у кладязя Клятвеннаго:Select Genesis 21:14

15оскуде же вода из меха: и поверже отроча под елию единою.Select Genesis 21:15

16Отшедши же седяше прямо ему издалече, якоже дострелити из лука: рече бо: да не вижду смерти детища моего. И седе прямо ему издалече. Воскричав же отроча, восплакася:Select Genesis 21:16

17услыша же Бог глас отрочате от места, идеже бяше: и воззва Ангел Божий Агарь с небесе и рече ей: что есть, Агарь? Не бойся: услыша бо Бог глас отрочища от места, идеже есть:Select Genesis 21:17

18востани и поими отроча, и ими рукою твоею его: в язык бо велик сотворю его.Select Genesis 21:18

19И отверзе Бог очи ея, и узре кладязь воды живы: и иде, и налия мех воды, и напои отроча.Select Genesis 21:19

20И бяше Бог со отрочатем, и возрасте, и вселися в пустыни, и бысть стрелец.Select Genesis 21:20

21И поселися в пустыни Фаран: и поят ему мати его жену от земли Египетския.Select Genesis 21:21

22Бысть же в то время, и рече Авимелех, и Охозаф невестоводитель его, и Фихол воевода силы его, ко Аврааму, глаголя: Бог с тобою во всех, яже твориши:Select Genesis 21:22

23ныне убо кленися ми Богом, не обидети мене, ниже семене моего, ниже имене моего: но по правде, юже сотворих с тобою, сотвориши со мною и земли, идеже ты вселился еси на ней.Select Genesis 21:23

24И рече Авраам: аз кленуся.Select Genesis 21:24

25И обличи Авраам Авимелеха о кладязех водных, яже отяша отроцы Авимелеховы.Select Genesis 21:25

26И рече ему Авимелех: не ведех, кто сотвори тебе вещь сию: ниже ты ми поведал еси, ниже аз слышах, токмо днесь.Select Genesis 21:26

27И взя Авраам овцы и юнцы и даде Авимелеху: и завещаста оба завет.Select Genesis 21:27

28И постави Авраам седмь агниц овчих единых.Select Genesis 21:28

29И рече Авимелех Аврааму: что суть седмь агницы овец сих, яже поставил еси едины?Select Genesis 21:29

30И рече Авраам: яко седмь сих агниц возмеши у мене, да будут ми во свидетелство, яко аз ископах кладязь сей.Select Genesis 21:30

31Сего ради наименова имя месту тому кладязь Клятвенный: яко тамо клястася обаSelect Genesis 21:31

32и завещаста завет у кладязя Клятвеннаго. Воста же Авимелех, и Охозаф невестоводитель его, и Фихол воевода силы его, и возвратишася в землю Филистимску.Select Genesis 21:32

33И насади Авраам ниву у кладязя Клятвеннаго, и призва ту имя Господа, Бога вечнаго.Select Genesis 21:33

34Обита же Авраам в земли Филистимстей дни многи.Select Genesis 21:34