22Genesis 22

1И бысть по глаголех сих, Бог искушаше Авраама и рече ему: Аврааме, Аврааме. И рече: се аз.Select Genesis 22:1

2И рече: поими сына твоего возлюбленнаго, егоже возлюбил еси, Исаака, и иди на землю Высоку и вознеси его тамо во всесожжение, на едину от гор, ихже ти реку.Select Genesis 22:2

3Востав же Авраам утро, оседла осля свое: поят же с собою два отрочища и Исаака сына своего: и растнив дрова во всесожжение, востав иде, и прииде на место, еже рече ему Бог, в третий день.Select Genesis 22:3

4И воззрев Авраам очима своима, виде место издалече.Select Genesis 22:4

5И рече Авраам отроком своим: сядите зде со ослятем: аз же и детищь пойдем до онде, и поклонившеся возвратимся к вам.Select Genesis 22:5

6Взя же Авраам дрова всесожжения и возложи на Исаака сына своего: взя же в руки и огнь, и ножь, и идоста оба вкупе.Select Genesis 22:6

7Рече же Исаак ко Аврааму отцу своему: отче. Он же рече: что есть, чадо? Рече же: се, огнь и дрова, где есть овча еже во всесожжение?Select Genesis 22:7

8Рече же Авраам: Бог узрит Себе овча во всесожжение, чадо. Шедша же оба вкупе,Select Genesis 22:8

9приидоста на место, еже рече ему Бог: и созда тамо Авраам жертвенник и возложи дрова: и связав Исаака сына своего, возложи его на жертвенник верху дров.Select Genesis 22:9

10И простре Авраам руку свою, взяти ножь, заклати сына своего.Select Genesis 22:10

11И воззва и Ангел Господень с небесе, и рече: Аврааме, Аврааме. Он же рече: се, аз.Select Genesis 22:11

12И рече: да не возложиши руки твоея на отрочища, ниже да сотвориши ему что: ныне бо познах, яко боишися ты Бога, и не пощадел еси сына твоего возлюбленнаго Мене ради.Select Genesis 22:12

13И воззрев Авраам очима своима виде, и се, овен един держимый рогама в саде савек: и иде Авраам, и взя овна, и вознесе его во всесожжение вместо Исаака сына своего.Select Genesis 22:13

14И нарече Авраам имя месту тому: Господь виде: да рекут днесь: на горе Господь явися.Select Genesis 22:14

15И воззва Ангел Господень Авраама вторицею с небесе,Select Genesis 22:15

16глаголя: Мною Самем кляхся, глаголет Господь, егоже ради сотворил еси глагол сей и не пощадел еси сына твоего возлюбленнаго Мене ради:Select Genesis 22:16

17воистинну благословя благословлю тя, и умножая умножу семя твое, яко звезды небесныя, и яко песок вскрай моря: и наследит семя твое грады супостатов,Select Genesis 22:17

18и благословятся о семени твоем вси языцы земнии, занеже послушал еси гласа Моего.Select Genesis 22:18

19Возвратися же Авраам ко отроком своим, и воставше идоша купно ко кладязю Клятвенному: и вселися Авраам у кладязя Клятвеннаго.Select Genesis 22:19

20Бысть же по глаголех сих, и поведаша Аврааму, глаголюще: се, роди Мелха и та сыны брату твоему Нахору,Select Genesis 22:20

21Окса первенца, и Вавкса брата его, и Камуила отца Сирска,Select Genesis 22:21

22и Хазада, и Азава, и Фалдеса, и Елдафа, и Вафуила:Select Genesis 22:22

23Вафуил же роди Ревекку: осмь сии сынове, ихже роди Мелха Нахору брату Авраамлю:Select Genesis 22:23

24и наложница его, ейже имя Ревма, роди и сия Тавека, и Таама, и Тохоса, и Моха.Select Genesis 22:24