24Genesis 24

1Авраам же бяше стар, заматеревший во днех: и Господь благослови Авраама во всех.Select Genesis 24:1

2И рече Авраам рабу своему старейшему дому своего, обладающему всеми его: положи руку твою под стегно мое,Select Genesis 24:2

3и заклену тя Господем Богом небесе и Богом земли, да не поймеши сыну моему Исааку жены от дщерей Хананейских, с нимиже аз живу в них:Select Genesis 24:3

4но токмо на землю мою, идеже родихся, пойдеши, и ко племени моему, и поймеши жену сыну моему Исааку оттуду.Select Genesis 24:4

5Рече же к нему раб: еда убо не восхощет ити жена вслед со мною на землю сию, возвращу ли сына твоего в землю, от неяже изшел еси?Select Genesis 24:5

6Рече же к нему Авраам: внемли себе, да не возвратиши сына моего онамо.Select Genesis 24:6

7Господь Бог небесе и Бог земли, Иже поя мя из дому отца моего и от земли, в нейже родихся, Иже глагола мне и Иже кляся мне, глаголя: тебе дам землю сию и семени твоему, Той послет Ангела Своего пред тобою, и поймеши жену сыну моему Исааку оттуду:Select Genesis 24:7

8аще же не восхощет жена поити с тобою в землю сию, чист будеши от заклятия моего: точию сына моего не возврати тамо.Select Genesis 24:8

9И положи раб руку свою под стегно Авраама господина своего, и кляся ему о словеси сем.Select Genesis 24:9

10И взя раб десять велблюд от велблюд господина своего, и от всех благ господина своего с собою, и востав иде в Месопотамию во град Нахоров:Select Genesis 24:10

11и постави велблюды вне града у кладязя воднаго под вечер, егда исходят (жены) почерпати воды,Select Genesis 24:11

12и рече: Господи, Боже господина моего Авраама, благоустрой предо мною днесь, и сотвори милость с господином моим Авраамом:Select Genesis 24:12

13се, аз стах у кладязя воднаго, дщери же живущих во граде исходят почерпати воды:Select Genesis 24:13

14и будет девица, ейже аз реку: преклони водонос твой, да пию, и речет ми: пий ты, и велблюды твоя напою, дондеже напиются: сию уготовал еси рабу Твоему Исааку: и по сему увем, яко сотворил еси милость с господином моим Авраамом.Select Genesis 24:14

15И бысть прежде неже скончати ему глаголющу во уме своем, и се, Ревекка исхождаше, яже родися Вафуилу, сыну Мелхи жены Нахора, брата же Авраамля, держащи водонос на рамех своих:Select Genesis 24:15

16девица же бяше доброзрачна зело: дева бе, муж не позна ея. Сошедши же на кладязь, наполни водонос свой и взыде.Select Genesis 24:16

17Тече же раб во сретение ей и рече: напой мя мало водою от водоноса твоего.Select Genesis 24:17

18Сия же рече: пий, господине. И потщася, и сня водонос на мышца своя, и напои его, дондеже напися.Select Genesis 24:18

19И рече: и велблюдом твоим налию, дондеже вси напиются.Select Genesis 24:19

20И потщася, и испраздни водонос в поило: и тече паки на кладязь почерпнути воды, и влия велблюдом всем.Select Genesis 24:20

21Человек же выразумеваше ю и помолчеваше, да уразумеет, аще благоустрои Бог путь ему, или ни.Select Genesis 24:21

22Бысть же егда престаша вси велблюды пиюще, взя человек усерязи златы весом по драхме и два запястия на руки ея: десять златниц вес их.Select Genesis 24:22

23И вопроси ю и рече: чия еси дщерь? Повеждь ми, аще есть у отца твоего место нам витати?Select Genesis 24:23

24Она же рече ему: дщерь Вафуилева есмь (сына) Мелхина, егоже роди Нахору.Select Genesis 24:24

25И рече ему: и плевы и сена много у нас, и место витати.Select Genesis 24:25

26И благословив человек, поклонися ГосподуSelect Genesis 24:26

27и рече: благословен Господь Бог господина моего Авраама, Иже не остави правды Своея и истины от господина моего: и мене благоустрои Господь в дом брата господина моего.Select Genesis 24:27

28И текши девица в дом матере своея, поведа по глаголом сим.Select Genesis 24:28

29Ревекце же бяше брат, емуже имя Лаван: и тече Лаван к человеку вон на кладязь.Select Genesis 24:29

30И бысть егда виде усерязи, и запястия на руку сестры своея, и егда слыша словеса Ревекки сестры своея, глаголющия: сице глагола мне человек: и прииде к человеку, стоящу ему у велблюд у кладязя,Select Genesis 24:30

31и рече ему: гряди, вниди благословенный от Господа, почто стоиши вне? Аз же уготовах храмину и место велблюдом.Select Genesis 24:31

32И вниде человек в дом, и разседла велблюды, и даде плевы и сено велблюдом, и воду умыти нозе его, и ноги мужем, иже бяху с ним:Select Genesis 24:32

33и предложи им хлебы ясти, и рече: не ям, дондеже возглаголю словеса моя. И рече: глаголи.Select Genesis 24:33

34И рече: раб Авраамль есмь аз:Select Genesis 24:34

35Господь же благослови господина моего зело, и возвысися: и даде ему овцы и телцы, сребро и злато, рабы и рабыни, и велблюды и ослы:Select Genesis 24:35

36и роди Сарра, жена господина моего, сына единаго господину моему, состаревшемуся ему, и даде ему елика имяше:Select Genesis 24:36

37и закля мя господин мой, глаголя: не поймеши жены сыну моему от дщерей Хананейских, в нихже аз обитаю в земли их:Select Genesis 24:37

38но в дом отца моего пойдеши, и в племя мое, и поймеши жену сыну моему оттуду:Select Genesis 24:38

39рех же (аз) господину моему: а егда не восхощет жена со мною ити?Select Genesis 24:39

40И рече ми: Господь Бог, Емуже благоугодих пред ним, он послет Ангела Своего с тобою и благоустроит путь твой, и поймеши жену сыну моему от племене моего и от дому отца моего:Select Genesis 24:40

41тогда будеши чист от заклинания моего: егда бо дойдеши в племя мое, и не дадят ти, и будеши чист от заклинания моего:Select Genesis 24:41

42и пришед днесь на кладязь, рекох: Господи, Боже господина моего Авраама, аще Ты благоустрояеши путь мой, в оньже ныне аз иду:Select Genesis 24:42

43се, аз стах у кладязя воднаго, и дщери граждан исходят почерпати воды: и будет девица, ейже аще аз реку: напой мя от водоноса твоего мало водою:Select Genesis 24:43

44и речет ми: и ты пий, и велблюдом твоим влию: сия (будет) жена, юже уготова Господь рабу Своему Исааку: и по сему уразумею, яко сотворил еси милость господину моему Аврааму.Select Genesis 24:44

45И бысть прежде неже скончати мне глаголющу во уме своем, абие Ревекка исхождаше держащи водонос на раму, и сниде на кладязь, и почерпе воды: и рекох ей: напой мя.Select Genesis 24:45

46И потщавшися сня водонос с себе на мышцу свою и рече: пий ты, и велблюды твоя напою. И напихся, и велблюды моя напои.Select Genesis 24:46

47И вопросих ю и рекох: чия еси дщерь? Повеждь ми. Она же рече: дщерь Вафуилева есмь сына Нахорова, егоже роди ему Мелха. И дах ей усерязи, и запястия на руце ея,Select Genesis 24:47

48и благоволив поклонихся Господу: и благослових Господа Бога господина моего Авраама, Иже благоустрои мя на пути истины пояти дщерь брата господина моего сыну его:Select Genesis 24:48

49аще убо сотворите вы милость и правду к господину моему: аще же ни, поведите ми: да обращуся или на десно, или на лево.Select Genesis 24:49

50Отвещавша же Лаван и Вафуил, рекоста: от Господа прииде дело сие: не возможем ти противу рещи зло или благо:Select Genesis 24:50

51се, Ревекка пред тобою: поемь ю, иди: и да будет жена сыну господина твоего, якоже глагола Господь.Select Genesis 24:51

52Бысть же егда услыша раб Авраамль словеса сия, поклонися до земли Господу.Select Genesis 24:52

53И изнес раб сосуды златы и сребряны и ризы, даде Ревекце: и дары даде брату ея и матери ея.Select Genesis 24:53

54И ядоша и пиша и той и мужие, иже бяху с ним, и почиша. И востав заутра, рече: отпустите мя, да отиду к господину моему.Select Genesis 24:54

55Реша же братия ея и мати: да пребудет девица с нами яко десять дний, и посем пойдет.Select Genesis 24:55

56Он же рече к ним: не держите мя, Господь бо благоустрои путь мой во мне: отпустите мя, да иду к господину моему.Select Genesis 24:56

57Они же реша: призовем девицу и вопросим ея изоуст.Select Genesis 24:57

58И призваша Ревекку и реша ей: пойдеши ли с человеком сим? Она же рече: пойду.Select Genesis 24:58

59И отпустиша Ревекку сестру свою, и имения ея, и раба Авраамля, и иже с ним быша.Select Genesis 24:59

60И благословиша Ревекку и реша ей: сестра наша еси, буди в тысящы тем, и да наследит семя твое грады супостат.Select Genesis 24:60

61Воставши же Ревекка и рабыни ея, вседоша на велблюды и поидоша с человеком. И поим раб Ревекку, отиде.Select Genesis 24:61

62Исаак же прехождаше сквозе пустыню у кладязя Видения: сам же живяше на земли на полудне.Select Genesis 24:62

63И изыде Исаак поглумитися на поле к вечеру, и воззрев очима своима, виде велблюды идущыя.Select Genesis 24:63

64И воззревши Ревекка очима своима, виде Исаака: и изскочи с велблюда.Select Genesis 24:64

65И рече рабу: кто есть человек оный, иже идет по полю во сретение нам? Рече же раб: сей есть господин мой. Она же вземши ризу летнюю, облечеся.Select Genesis 24:65

66И поведа раб Исааку вся словеса, яже сотвори.Select Genesis 24:66

67Вниде же Исаак в дом матере своея, и поя Ревекку, и бысть ему жена: и возлюби ю, и утешися Исаак по Сарре матери своей.Select Genesis 24:67