25Genesis 25

1Приложив же Авраам, поя жену, ейже имя Хеттура:Select Genesis 25:1

2роди же ему Зомврана и Иезана, и Мадала и Мадиама, и Иесвока и Соиена.Select Genesis 25:2

3Иезан же роди Савана и Фамана и Дедана. Сынове же Дедани быша: Рагуил и Навдеил, и Асуриим и Латусиим и Лаомим.Select Genesis 25:3

4Сынове же Мадиамли: Ефар и афир, и Енох и Авида и Елдага. Вси сии быша сынове Хеттурины.Select Genesis 25:4

5Даде же Авраам вся своя имения Исааку сыну своему:Select Genesis 25:5

6сыном же наложниц своих даде Авраам дары и отпусти я от Исаака сына своего, еще жив сый, к востоку на землю восточную.Select Genesis 25:6

7Сия же лета дний жития Авраамля, елика поживе, лет сто седмьдесят пять:Select Genesis 25:7

8и ослабев умре Авраам в старости добрей, старец исполнен дний, и приложися к людем своим.Select Genesis 25:8

9И погребоша его Исаак и Исмаил два сынове его в пещере Сугубей, на селе Ефронове сына Саарова Хеттеанина, еже есть прямо Мамврии,Select Genesis 25:9

10на селе и в пещере, юже притяжа Авраам от сынов Хеттеовых: тамо погребоша Авраама и Сарру жену его.Select Genesis 25:10

11Бысть же по умертвии Авраамли, благослови Бог Исаака сына его: и вселися Исаак у кладязя Видения.Select Genesis 25:11

12Сия же бытия Исмаила сына Авраамля, егоже роди Агарь Египтяныня, раба Саррина, Аврааму:Select Genesis 25:12

13и сия имена сынов Исмаилих, по именом родов его: первенец Исмаилов Наваиоф, и Кидар и Навдеил, и МассамSelect Genesis 25:13

14и Масма, и Дума и Масси,Select Genesis 25:14

15и Ходдан и Феман, и Иетур и Нафес и Кедма.Select Genesis 25:15

16Сии суть сынове Исмаили: и сия имена их в скиниях их и в селех их: дванадесять князи в языцех их.Select Genesis 25:16

17И сия лета жития Исмаилова, сто тридесять седмь лет: и ослабев умре, и приложися к роду своему.Select Genesis 25:17

18Вселися же от Евилата даже до Сура, иже есть в лице Египту, даже доити ко Ассириом: пред лицем всех братий своих вселися.Select Genesis 25:18

19И сия бытия Исаака сына Авраамля: Авраам роди Исаака.Select Genesis 25:19

20Бяше же Исаак лет четыредесяти, егда поя Ревекку дщерь Вафуила Сирина от Месопотамии Сирския, сестру Лавана Сирина, себе в жену.Select Genesis 25:20

21Моляшеся же Исаак Господеви о Ревекце жене своей, яко неплоды бяше: послуша же его Бог, и зачат во утробе Ревекка жена его.Select Genesis 25:21

22Играста же младенца в ней, и рече: аще тако ми хощет быти, почто ми сие? И иде вопрошати Господа.Select Genesis 25:22

23И рече ей Господь: два языка во утробе твоей суть, и двои людие от утробы твоея разлучатся: и людие людий превзыдут, и болший поработает меншему.Select Genesis 25:23

24И исполнишася дние родити ей, и бяху сей близнята во утробе ея:Select Genesis 25:24

25изыде же сын первенец чермен, весь, яко кожа, космат: и нарече имя ему Исав:Select Genesis 25:25

26и посем изыде брат его, рука же его придержася пяте Исавове: и нарече имя ему Иаков. Исааку же бе шестьдесят лет, егда роди их Ревекка.Select Genesis 25:26

27Возрастоша же юноши: и бысть Исав человек ведый ловити, селный: Иаков же бысть человек нелукав, живый в дому.Select Genesis 25:27

28И возлюби Исаак Исава, яко ловитва его бяше брашно ему: Ревекка же любляше Иакова.Select Genesis 25:28

29Свари же Иаков варение: и прииде Исав с поля изнемог,Select Genesis 25:29

30и рече Исав Иакову: напитай мя варением сочива сего, яко изнемогаю. Сего ради прозвася имя ему Едом.Select Genesis 25:30

31И рече Иаков Исаву: отдаждь ми днесь первенство свое.Select Genesis 25:31

32Рече же Исав: се, аз иду умрети, и вскую ми первенство сие?Select Genesis 25:32

33И рече Иаков ему: кленися ми днесь. И кляся ему, и отдаде Исав Иакову первенство свое.Select Genesis 25:33

34Иаков же даде Исаву хлеб и варение сочевно: яде же и пи, и востав отиде: и нивочтоже вмени себе Исав первенство.Select Genesis 25:34