27Genesis 27

1Бысть же, повнегда состаретися Исаакови, и притупишася очи его еже видети: и призва Исава сына своего старейшаго, и рече ему: сыне мой. И рече: се, аз.Select Genesis 27:1

2И рече Исаак: се, состарехся, и не вем дне скончания моего:Select Genesis 27:2

3ныне убо возми орудие твое, тул же и лук, и изыди на поле, и улови ми лов:Select Genesis 27:3

4и сотвори ми снеди, якоже люблю аз: и принеси ми, да ям, яко да благословит тя душа моя, прежде даже не умру.Select Genesis 27:4

5Ревекка же слыша глаголюща Исаака ко Исаву сыну своему. Изыде же Исав на поле уловити лов отцу своему.Select Genesis 27:5

6Ревекка же рече ко Иакову сыну своему меншему: се, аз слышах отца твоего беседующа ко Исаву брату твоему, глаголюща:Select Genesis 27:6

7принеси ми лов, и сотвори ми снеди, да ядый благословлю тя пред Господем, прежде неже умрети ми:Select Genesis 27:7

8ныне убо, сыне мой, послушай мене, якоже аз заповедаю ти:Select Genesis 27:8

9и шед во овцы, поими мне оттуду два козлища мягка и добра, и сотворю я снеди отцу твоему, якоже любит:Select Genesis 27:9

10и внесеши отцу твоему, и будет ясти, яко да благословит тя отец твой, прежде даже не умрет.Select Genesis 27:10

11Рече же Иаков к Ревекце матери своей: Исав брат мой есть муж космат, Аз же муж гладкий:Select Genesis 27:11

12да не како осяжет мя отец мой, и буду пред ним яко презираяй, и наведу на себе клятву, а не благословение.Select Genesis 27:12

13Рече же ему мати: на мне клятва твоя, чадо: точию послушай гласа моего, и шед принеси ми.Select Genesis 27:13

14Шед же взя и принесе матери, и сотвори мати его снеди, якоже любляше отец его.Select Genesis 27:14

15И вземши Ревекка одежду Исава сына своего старейшаго добрую, яже бысть у нея в дому, облече оною Иакова сына своего меншаго,Select Genesis 27:15

16и кожицами козлячими обложи мышцы его, и нагое выи его:Select Genesis 27:16

17и даде снеди и хлебы, яже сотвори, в руце Иакову сыну своему.Select Genesis 27:17

18И внесе отцу своему и рече: отче. Он же рече: се, аз: кто еси ты, чадо?Select Genesis 27:18

19И рече Иаков отцу: аз Исав первенец твой, сотворих, якоже рекл ми еси: востав сяди и яждь от лова моего, яко да благословит мя душа твоя.Select Genesis 27:19

20Рече же Исаак сыну своему: что сие, еже скоро обрел еси, о чадо? Он же рече: еже даде Господь Бог твой предо мною.Select Genesis 27:20

21Рече же Исаак Иакову: приближися ко мне, и осяжу тя, чадо, аще ты еси сын мой Исав, или ни.Select Genesis 27:21

22Приближися же Иаков ко Исааку отцу своему, и осяза его и рече: глас убо глас Иаковль, руце же руце Исавове.Select Genesis 27:22

23И не позна его: бесте бо руце его, яко руце Исава брата его космате. И благослови егоSelect Genesis 27:23

24и рече: ты ли еси сын мой Исав? Он же рече: аз.Select Genesis 27:24

25И рече: принеси ми, и ям от лова твоего, чадо, да благословит тя душа моя. И принесе ему, и яде, и принесе ему вино, и пи.Select Genesis 27:25

26И рече ему Исаак отец его: приближися ко мне и облобызай мя, чадо.Select Genesis 27:26

27И приближився лобыза его: и обоня воню риз его, и благослови его и рече: се, воня сына моего, яко воня нивы исполнены, юже благослови Господь:Select Genesis 27:27

28и да даст тебе Бог от росы небесныя и от тука земли, и множество пшеницы и вина:Select Genesis 27:28

29и да поработают тебе языцы, и да поклонятся тебе князи, и буди господин брату твоему, и поклонятся тебе сынове отца твоего: проклинаяй тя проклят, благословляяй же тя благословен.Select Genesis 27:29

30И бысть по еже престати Исааку благословляющу Иакова сына своего: и бысть егда изыде Иаков от лица Исаака отца своего, и Исав брат его прииде с ловитвы.Select Genesis 27:30

31Сотвори же и той снеди и принесе отцу своему, и рече отцу: да востанет отец мой, и да яст от лова сына своего, яко да благословит мя душа твоя.Select Genesis 27:31

32И рече ему Исаак отец его: кто еси ты? Он же рече: аз есмь сын твой первенец Исав.Select Genesis 27:32

33Ужасеся же Исаак ужасом велиим зело и рече: кто убо уловивый мне лов и принесый ми? И ядох от всех, прежде неже приити тебе, и благослових его, и благословен будет.Select Genesis 27:33

34Бысть же егда услыша Исав глаголы отца своего Исаака, возопи гласом велиим и горьким зело, и рече: благослови убо и мене, отче.Select Genesis 27:34

35Рече же ему: пришед брат твой с лестию, взя благословение твое.Select Genesis 27:35

36И рече (Исав): праведно наречеся имя ему Иаков: запя бо мя се уже вторицею, и первенство мое взя, и ныне взя благословение мое. И рече Исав отцу своему: не оставил ли еси (и) мне благословения, отче?Select Genesis 27:36

37Отвещав же Исаак, рече Исаву: аще господина его сотворих тебе, и всю братию его сотворих рабы ему, пшеницею и вином утвердих его: тебе же что сотворю, чадо?Select Genesis 27:37

38Рече же Исав ко отцу своему: еда едино есть благословение у тебе, отче? Благослови убо и мене, отче. Умилившуся же Исааку, возопи гласом велиим Исав и восплакася.Select Genesis 27:38

39Отвещав же Исаак отец его, рече ему: се, от тука земли будет вселение твое, и от росы небесныя свыше:Select Genesis 27:39

40и мечем твоим жити будеши, и брату твоему поработаеши: будет же (время) егда низложиши и отрешиши ярем его от выи твоея.Select Genesis 27:40

41И враждоваше Исав на Иакова о благословении, имже благослови его отец его. Рече же Исав во уме своем: да приближатся дние плача отца моего, да бых убил Иакова брата моего.Select Genesis 27:41

42Возвещена же быша Ревекце словеса Исава сына ея старейшаго: и пославши призва Иакова сына своего юнейшаго и рече ему: се, Исав брат твой грозит тебе убити тя:Select Genesis 27:42

43ныне убо, чадо, послушай моего гласа, и востав бежи в Месопотамию к Лавану брату моему в Харран,Select Genesis 27:43

44и поживи с ним дни некия, дондеже отвратится ярость и гнев брата твоего от тебе,Select Genesis 27:44

45и забудет яже ему сотворил еси, и пославши приведу тя оттуду, да не когда безчадна буду от обоих вас в день един.Select Genesis 27:45

46Рече же Ревекка ко Исааку: стужих си жизнию моею дщерей ради сынов Хеттейских: аще поймет Иаков жену от дщерей земли сея, то вскую ми жити?Select Genesis 27:46