31Genesis 31

1Слыша же Иаков словеса сынов Лавановых, глаголющих: взя Иаков вся яже отца нашего, и от сущих отца нашего сотвори всю славу сию.Select Genesis 31:1

2И виде Иаков лице Лаване, и се не бяше к нему, яко вчера и третияго дне.Select Genesis 31:2

3Рече же Господь ко Иакову: возвратися в землю отца твоего и в род твой, и буду с тобою.Select Genesis 31:3

4Послав же Иаков, призва Лию и Рахиль на поле, идеже бяху стада,Select Genesis 31:4

5и рече им: вижду аз лице отца вашего, яко несть ко мне, якоже вчера и третияго дне: Бог же отца моего бе со мною:Select Genesis 31:5

6и вы сами весте, яко всею силою моею работах отцу вашему:Select Genesis 31:6

7отец же ваш обиде мя и измени мзду мою десяти агнцев, но не даде ему Бог зла сотворити мне.Select Genesis 31:7

8Аще сице речет: пестрыя, будет твоя мзда: и родятся вся овцы пестрыя. Аще же речет: белыя, будет твоя мзда: и родятся вся овцы белыя.Select Genesis 31:8

9И отя Бог вся скоты отца вашего и даде я мне.Select Genesis 31:9

10И бысть егда зачинаху овцы во чреве приемлющя, и видех очима моима во сне: и се, козлы и овны восходяще бяху на овцы и козы, беловатыя и пестрыя и пепеловидныя пестрыя.Select Genesis 31:10

11И рече ми Ангел Божий во сне: Иакове. Аз же рех: что есть?Select Genesis 31:11

12И рече: воззри очима твоима и виждь козлы и овны восходящыя на овцы и козы, белыя и пестрыя и пепеловидныя пестрыя: видех бо, елика тебе Лаван творит:Select Genesis 31:12

13Аз есмь Бог явивыйся тебе на Месте Божии, идеже помазал Ми еси тамо столп, и обетовал Ми еси тамо обет: ныне убо востани и изыди от земли сея, и иди в землю рождения твоего, и буду с тобою.Select Genesis 31:13

14И отвещавши Рахиль и Лиа, рекосте ему: еда есть нам еще часть или наследие в дому отца нашего?Select Genesis 31:14

15Не яко ли чужыя вменихомся ему? Продаде бо нас и снеде снедию сребро наше:Select Genesis 31:15

16все богатство и слава, юже отя Бог от отца нашего, нам будет и чадом нашым: ныне убо, елика тебе рече Бог, твори.Select Genesis 31:16

17Востав же Иаков, взя жены своя и дети своя на велблюды,Select Genesis 31:17

18и забра вся имения своя и вся стяжания, яже притяжа в Месопотамии, и вся своя, еже отити ко Исааку отцу своему в землю Ханаанскую.Select Genesis 31:18

19Лаван же отиде острищи овцы своя: украде же Рахиль идолы отца своего.Select Genesis 31:19

20Утаи же Иаков от Лавана Сирина, не поведати ему, яко уходит,Select Genesis 31:20

21и отбеже сам, и вся яже его, и прейде реку, и взыде на гору Галаад.Select Genesis 31:21

22Поведася же Лавану Сирину в третий день, яко бежа Иаков:Select Genesis 31:22

23и поим сыны и братию свою с собою, гна вслед его путем седмь дний: и достиже его на горе Галаад.Select Genesis 31:23

24Прииде же Бог к Лавану Сирину нощию во сне и рече ему: блюди себе, да не когда возглаголеши ко Иакову зла.Select Genesis 31:24

25И постиже Лаван Иакова: Иаков же постави кущу свою на горе: Лаван же разстави братию свою на горе Галаад.Select Genesis 31:25

26Рече же Лаван Иакову: что сотворил еси? Вскую тайно ушел еси и окрал еси мя, и отвел дщери моя, яко пленницы оружием?Select Genesis 31:26

27И аще бы ми поведал еси, отпустил бых тя с веселием и с мусикиею, и тимпаны и гусльми:Select Genesis 31:27

28и не сподобихся целовати детей моих и дщерей моих: ныне же несмысленно сотворил еси:Select Genesis 31:28

29и ныне рука моя может озлобити тя. Но Бог отца твоего вчера рече ко мне, глаголя: блюди себе, да не когда возглаголеши ко Иакову зла.Select Genesis 31:29

30Ныне убо отшел еси: желанием бо возжелал еси отити в дом отца твоего: вскую украл еси боги моя?Select Genesis 31:30

31Отвещав же Иаков рече к Лавану: понеже убояхся: рех бо, да не како отимеши дщери твоя от мене, и вся моя.Select Genesis 31:31

32И рече Иаков: у негоже аще обрящеши боги твоя, да не будет жив пред братиею нашею: узнавай, что есть твоего у мене, и возми. И не позна у него ничтоже: не ведяше же Иаков, яко Рахиль жена его украде я.Select Genesis 31:32

33Вшед же Лаван, оыска в кущи Лиине, и не обрете. И изыде из кущи Лиины, и оыска кущу Иаковлю и в кущи двоих рабынь, и не обрете. Вниде же и в кущу Рахилину.Select Genesis 31:33

34Рахиль же взя идолы и положи оныя под седло велблюже и седе на них,Select Genesis 31:34

35и рече отцу своему: не имей себе тяжко, господине: не могу востати пред тобою, яко обычная женская ми суть. Иска же Лаван по всей кущи, и не обрете идолов.Select Genesis 31:35

36Разгневася же Иаков и пряшеся с Лаваном. Отвещав же Иаков рече Лавану: кая неправда моя? И кий грех мой, яко погнал еси вслед мене,Select Genesis 31:36

37и яко оыскал еси вся сосуды дому моего? Что обрел еси от всех сосудов дому твоего? Положи зде пред братиею твоею и братиею моею, и да разсудят между обема нама:Select Genesis 31:37

38се, двадесять лет аз есмь с тобою: овцы твоя и козы твоя не быша без плода: овнов овец твоих не поядох:Select Genesis 31:38

39звероядины не принесох к тебе: аз воздаях тебе от мене самаго татбины денныя и татбины нощныя:Select Genesis 31:39

40бых во дни жегомь зноем, и студению в нощи, и отхождаше сон от очию моею:Select Genesis 31:40

41се, мне двадесять лет аз есмь в дому твоем, работах тебе четыренадесять лет двух ради дщерей твоих и шесть лет за овцы твоя, и преобидел еси мзду мою десятию агницами:Select Genesis 31:41

42аще не бы Бог отца моего Авраама, и страх Исаака был мне, ныне тща отпустил бы мя еси: смирение мое и труд руку моею увиде Бог, и обличи тя вчера.Select Genesis 31:42

43Отвещав же Лаван, рече ко Иакову: дщери дщери моя и сынове сынове мои, и скоти скоти мои, и вся елика ты видиши моя суть и дщерей моих: что сотворю им днесь, или чадом их, яже родиста?Select Genesis 31:43

44Ныне убо гряди, завещаим завет аз и ты: и будет во свидетелство между мною и тобою. Рече же ему Иаков: се, никтоже с нами есть: виждь, Бог свидетель между мною и тобою.Select Genesis 31:44

45И взем Иаков камень, постави его в столп.Select Genesis 31:45

46Рече же Иаков братии своей: соберите камение. И собраша камение и сотвориша холм: и ядоша, и пиша тамо на холме. Рече же ему Лаван: холм сей свидетелствует между мною и тобою днесь.Select Genesis 31:46

47И прозва его Лаван холм Свидетелства: Иаков же прозва холм Свидетель.Select Genesis 31:47

48Рече же Лаван ко Иакову: се, холм сей и столп, егоже поставих между мною и тобою, свидетелствует холм сей и свидетелствует столп сей: сего ради прозвася имя холм Свидетелствует,Select Genesis 31:48

49и Видение, еже рече: да видит Бог между мною и тобою, яко отидем друг от друга:Select Genesis 31:49

50аще смириши дщери моя, аще поймеши жены над дщери моя виждь, никтоже с нами есть видяй: Бог свидетель между мною и между тобою.Select Genesis 31:50

51И рече Лаван Иакову: се, холм сей свидетель и столп сей:Select Genesis 31:51

52аще бо аз не прейду к тебе, ниже ты да прейдеши ко мне холма сего и столпа сего со злобою:Select Genesis 31:52

53Бог Авраамль и Бог Нахоров да судит между нама. И кляся Иаков страхом отца своего Исаака,Select Genesis 31:53

54и пожре Иаков жертву на горе и воззва братию свою: ядоша же и пиша и спаша на горе.Select Genesis 31:54

55Востав же Лаван заутра, лобыза сыны и дщери своя и благослови я: и возвратився Лаван, отиде на место свое.Select Genesis 31:55