34Genesis 34

1Изыде же Дина дщи Лиина, юже роди Иакову, познати дщери обитателей.Select Genesis 34:1

2И виде ю Сихем сын Емморов Хорреанин, князь тоя земли: и поим ю, бысть с нею и смири ю:Select Genesis 34:2

3и внят душею Дине дщери Иаковли, и возлюби девицу, и глагола к ней по мысли девицы.Select Genesis 34:3

4Рече же Сихем ко Еммору отцу своему, глаголя: поими мне отроковицу сию в жену.Select Genesis 34:4

5Иаков же слыша, яко оскверни сын Емморов Дину дщерь его: сынове же его бяху со скоты его на поли: премолча же Иаков, дондеже приити им.Select Genesis 34:5

6Изыде же Еммор отец Сихемль ко Иакову глаголати к нему.Select Genesis 34:6

7Сынове же Иаковли приидоша с поля: егда же услышаша, смутишася мужие, и жалостно им бысть зело, яко не лепо сотвори во Израили, быв со дщерию Иаковлею: и не будет сице.Select Genesis 34:7

8И рече им Еммор, глаголя: Сихем сын мой избра душею дщерь вашу: дадите убо ю в жену ему:Select Genesis 34:8

9и сосватайтеся с нами: дщери вашя дадите нам, и дщери нашя поимите сыновом своим,Select Genesis 34:9

10и у нас населитеся: и се, земля пространна пред вами: населитеся и куплю дейте на ней, и притяжите на ней.Select Genesis 34:10

11Рече же Сихем ко отцу ея и ко братиям ея: да обрящу благодать пред вами, и еже аще речете, дадим:Select Genesis 34:11

12умножите вено зело, и дам, якоже речете ми: и дасте ми отроковицу сию в жену.Select Genesis 34:12

13Отвещаша же сынове Иаковли Сихему и Еммору отцу его с лестию, и глаголаша к ним, яко оскверниша Дину сестру их.Select Genesis 34:13

14И рекоста им Симеон и Левий, братия Динины (сынове Лии): не возможем сотворити глагола сего, дати сестру нашу человеку, иже имать крайнюю плоть необрезанну: есть бо укоризна нам:Select Genesis 34:14

15токмо в сем уподобимся вам и вселимся у вас, аще будете якоже мы и вы, егда обрежете весь мужеск пол:Select Genesis 34:15

16и дадим дщери нашя вам, и от дщерей ваших поймем себе жены и вселимся у вас, и будем яко един род:Select Genesis 34:16

17аще же не послушаете нас, еже обрезатися, поимше дщерь нашу отидем.Select Genesis 34:17

18И угодна быша словеса пред Еммором и пред Сихемом сыном Емморовым:Select Genesis 34:18

19и не премедли юноша сотворити глагол сей: любяше бо дщерь Иаковлю. Сей же бяше славнейший всех, иже в дому отца его.Select Genesis 34:19

20Прииде же Еммор и Сихем сын его пред врата града своего и глаголаста к мужем града своего, рекуще:Select Genesis 34:20

21человецы сии мирни суть, с нами да населятся на земли и да куплю деют на ней: земля же се пространна пред ними: дщери их да поймем себе в жены, и дщери нашя дадим им:Select Genesis 34:21

22в сем точию уподобятся нам человецы, еже жити с нами, яко быти людем единем: внегда обрезати нам весь мужеск пол, якоже и тии обрезани суть:Select Genesis 34:22

23и скоти их и четвероногая, и имения их не наша ли будут? Точию в сем уподобимся им, и вселятся с нами.Select Genesis 34:23

24И послушаша Еммора и Сихема сына его вси исходящии из врат града своего и обрезаша плоть крайнюю свою, всяк мужеск пол.Select Genesis 34:24

25Бысть же в третий день, егда бяху в болезни, взяша два сына Иаковля Симеон и Левий, братия Динины, кийждо свой мечь, и внидоша во град безопасно и изсекоша весь мужеск пол:Select Genesis 34:25

26Еммора же и Сихема сына его усекнуша острием меча, и взяша Дину от дому Сихема и изыдоша.Select Genesis 34:26

27Сынове же Иаковли внидоша к побиенным и разграбиша град, в немже оскверниша Дину сестру их:Select Genesis 34:27

28и овцы их и говяда их и ослы их, и елика бяху во граде, и елика бяху на поли, взяша:Select Genesis 34:28

29и вся чада их и вся сосуды их и жены их плениша: и разграбиша, елика бяху во граде, и елика бяху в домех.Select Genesis 34:29

30Рече же Иаков к Симеону и Левии: ненавистна мя сотвористе, яко злу мне быти всем живущым на земли, в Хананеах и Ферезеах, аз же мал есмь числом: и собравшеся на мя изсекут мя, и истреблен буду аз и дом мой.Select Genesis 34:30

31Они же рекоша: аки блудницу ли возимеют сестру нашу?Select Genesis 34:31