40Genesis 40

1Бысть же по словесех сих, согреши старейшина винарск царя Египетска и старейшина житарск господину своему царю Египетскому.Select Genesis 40:1

2И разгневася фараон на оба евнухи своя, на старейшину винарска и на старейшину житарска,Select Genesis 40:2

3и вверже их в темницу во узилище, в место, идеже Иосиф ввержен бяше.Select Genesis 40:3

4И вручи их старейшина темницы Иосифу, и предста им: и беста дни (некия) в темнице,Select Genesis 40:4

5и видеста оба сон во едину нощь: видение же сонное старейшины винарска и старейшины житарска, иже беста царя Египетска, суще в темнице, бяше сие.Select Genesis 40:5

6Вниде же к ним Иосиф заутра и виде их, и бяху смущени:Select Genesis 40:6

7и вопрошаше евнухов фараоних, иже быша с ним в темнице, у господина своего, глаголя: что, яко лица ваша уныла днесь?Select Genesis 40:7

8Они же реша ему: сон видехом, и разсуждаяй его несть. Рече же им Иосиф: еда не Богом изявление их есть? Поведите убо мне.Select Genesis 40:8

9И поведа старейшина винарск сон свой Иосифу и рече: во сне моем бяше виноград предо мною:Select Genesis 40:9

10в винограде же три леторасли, и той цветущь произнесе отрасли, зрелы грозды лозныя:Select Genesis 40:10

11и чаша фараонова в руце моей: и взях грезн, и изжах оный в чашу, и дах чашу в руку фараоню.Select Genesis 40:11

12И рече ему Иосиф: сие разсуждение сему: три леторасли три дни суть:Select Genesis 40:12

13еще три дни, и помянет фараон сан твой, и паки поставит тя в старейшинство твое винарско, и подаси чашу фараону в руку его по сану твоему первому, якоже был еси виночерпчий:Select Genesis 40:13

14но помяни мя тобою, егда благо ти будет, и сотвориши надо мною милость, и да помянеши о мне фараону, и изведеши мя от твердыни сея:Select Genesis 40:14

15яко татьбою украден бых из земли Еврейския, и зде ничто зло сотворих, но ввергоша мя в ров сей.Select Genesis 40:15

16И виде старейшина житарск, яко прямо разсуди, и рече Иосифу: и аз видех сон, и мняхся три кошницы хлебов держати на главе моей:Select Genesis 40:16

17в кошнице же верхней от всех родов, яже фараон яст, дело хлебенное, и птицы небесныя ядяху тая от кошницы, яже на главе моей.Select Genesis 40:17

18Отвещав же Иосиф, рече ему: сие разсуждение его: три кошницы три дние суть:Select Genesis 40:18

19еще три дние, и отимет фараон главу твою от тебе и повесит тя на древе, и изядят птицы небесныя плоть твою от тебе.Select Genesis 40:19

20Бысть же в день третий, день рождения бяше фараоня, и творяше пир всем отроком своим: и помяну старейшинство старейшины винарска и старейшинство старейшины житарска, посреде отрок своих:Select Genesis 40:20

21и постави старейшину винарска в старейшинство его: и подаде чашу в руку фараоню:Select Genesis 40:21

22старейшину же житарска повеси (на древе), якоже сказа има Иосиф.Select Genesis 40:22

23И не помяну старейшина винарск Иосифа, но забы его.Select Genesis 40:23