44Genesis 44

1И заповеда Иосиф домостроителю своему, глаголя: наполните вретища мужем пищи, елико могут понести: и вложите комуждо сребро верху устия вретища:Select Genesis 44:1

2и чашу мою сребряную вложите во вретище меншаго, и цену пшеницы его. Бысть же по словеси Иосифову, якоже рече.Select Genesis 44:2

3Утро возсия, и мужие отпустишася сами, и ослята их.Select Genesis 44:3

4Изшедше же они из града, не отидоша далече: и рече Иосиф домостроителю своему: востав гони вслед мужей и постигни их, и рцы им: что яко воздасте (ми) злая за благая?Select Genesis 44:4

5Вскую украдосте чашу мою сребряну? Не сия ли есть, из неяже пиет господин мой? Он же и волхвованием волхвует в ней: злая совершисте, яже сотвористе.Select Genesis 44:5

6Обрет же их, рече им по словесем сим.Select Genesis 44:6

7Они же реша ему: вскую глаголет господин словеса сия? Не буди рабом твоим сотворити по словеси сему:Select Genesis 44:7

8аще сребро, еже обретохом во вретищах наших, возвратихом к тебе от земли Ханаани, како быхом украли из дому господина твоего сребро или злато?Select Genesis 44:8

9У негоже аще обрящеши чашу от раб твоих, да умрет: и мы будем раби господину нашему.Select Genesis 44:9

10Он же рече: и ныне, якоже глаголете, тако будет: у негоже аще обрящется чаша, будет мой раб, вы же будете чисти.Select Genesis 44:10

11И потщашася, и сверже кийждо вретище свое на землю, и отверзоша кийждо вретище свое.Select Genesis 44:11

12Изыска же от старейшаго зачен, дондеже прииде до меншаго, и обрете чашу во вретищи Вениамини.Select Genesis 44:12

13И растерзаша ризы своя, и возложиша кийждо вретище свое на осля свое, и возвратишася во град.Select Genesis 44:13

14Вниде же Иуда и братия его ко Иосифу, еще ему сущу ту, и падоша пред ним на землю.Select Genesis 44:14

15Рече же им Иосиф: что дело сие сотвористе? Не ведасте ли, яко несть волхвователь человек, якоже аз?Select Genesis 44:15

16Рече же Иуда: что отвещаем господину, или что возглаголем, или чим оправдимся? Бог же обрете неправду рабов твоих: се, мы есмы раби господину нашему, и мы, и у негоже обретеся чаша.Select Genesis 44:16

17Рече же Иосиф: не буди ми сотворити глагол сей: муж, у негоже обретеся чаша, той будет ми раб: вы же поидите в целости ко отцу своему.Select Genesis 44:17

18Приступив же к нему Иуда, рече: молю тя, господине, да речет раб твой слово пред тобою, и не прогневайся на раба твоего, яко ты еси по фараоне:Select Genesis 44:18

19господине, ты вопрошал еси рабов твоих, глаголя: аще имате отца, или брата?Select Genesis 44:19

20И рехом господину: есть нам отец стар, и отрочищь на старость менший ему, а брат его умре, он же един остася у матере своея, отец же возлюби его.Select Genesis 44:20

21Ты же рекл еси рабом твоим: приведите его ко мне, да вижду его.Select Genesis 44:21

22И рехом господину: не возможет отрочищь оставити отца своего: аще же оставит отца, умрет.Select Genesis 44:22

23Ты же рекл еси рабом твоим: аще не приидет брат ваш менший с вами, не приложите ктому видети лица моего.Select Genesis 44:23

24Бысть же егда приидохом к рабу твоему отцу нашему, поведахом ему словеса господина нашего,Select Genesis 44:24

25рече же нам отец наш: идите паки и купите нам мало пищи.Select Genesis 44:25

26Мы же рекохом: не возможем ити: но аще брат наш менший идет с нами, пойдем: ибо не возможем видети лице мужа, брату нашему меншему не сущу с нами.Select Genesis 44:26

27Рече же раб твой, отец наш к нам: вы весте, яко двоих роди мне жена:Select Genesis 44:27

28и отиде един от мене, и рекосте, яко зверем снеден бысть, и не видех его даже до ныне:Select Genesis 44:28

29аще убо поймете и сего от лица моего, и случится ему зло на пути, и сведете старость мою с печалию во ад.Select Genesis 44:29

30Ныне убо аще пойду к рабу твоему, отцу же нашему, и отрочища не будет с нами: (душа же его связана есть с душею сего,)Select Genesis 44:30

31и будет егда увидит он не суща отрочища с нами, умрет: и сведут раби твои старость раба твоего, отца же нашего, с печалию во ад:Select Genesis 44:31

32раб бо твой от отца взя отрочища, глаголя: аще не приведу его к тебе и поставлю его пред тобою, грешен буду ко отцу вся дни.Select Genesis 44:32

33Ныне убо пребуду тебе раб вместо отрочища, раб господину: отрочищь же да идет с братиею своею:Select Genesis 44:33

34како бо пойду ко отцу, отрочищу не сущу с нами? Да не вижду злых, яже обрящут отца моего.Select Genesis 44:34