50Genesis 50

1И припад Иосиф на лице отца своего, плакася (горько) о нем и облобыза его:Select Genesis 50:1

2и повеле Иосиф рабом своим погребателем погребсти отца своего. И погребоша погребателие Израиля.Select Genesis 50:2

3И исполнишася ему четыредесять дний: тако бо исчисляются дние погребения: и плакася его Египет седмьдесят дний.Select Genesis 50:3

4Егда же преидоша дние плача, глагола Иосиф ко вельможам фараоновым, глаголя: аще обретох благодать пред вами, рцыте о мне во ушы фараону, глаголюще:Select Genesis 50:4

5отец мой закля мя прежде скончания (своего), глаголя: во гробе, егоже ископах себе в земли Ханаани, тамо мя погреби: ныне убо возшед погребу отца моего и возвращуся. И рекоша фараону по словеси Иосифову.Select Genesis 50:5

6И рече фараон ко Иосифу: взыди, погреби отца твоего, якоже закля тя.Select Genesis 50:6

7И взыде Иосиф погребсти отца своего. И совзыдоша с ним вси раби фараони и старейшины дому его, и вси старейшины земли Египетския,Select Genesis 50:7

8и весь дом Иосифов и братия его, и весь дом отца его и сродницы его: овцы же и волы оставиша в земли Гесем.Select Genesis 50:8

9И совзыдоша с ним и колесницы и конницы, и бысть полк велик зело.Select Genesis 50:9

10И приидоша на Гумно Атадово, еже есть об он пол Иордана, и рыдаша его рыданием велиим и крепким зело: и сотвори плачь отцу своему седмь дний.Select Genesis 50:10

11И видеша жителие земли Ханаанския плачь на Гумне Атадове и реша: плачь велик сей есть Египтяном. Сего ради наречеся имя месту тому плачь Египетск, еже есть об он пол Иордана.Select Genesis 50:11

12И сотвориша ему тако сынове его, якоже заповеда им.Select Genesis 50:12

13И взяша его сынове его в землю Ханааню и погребоша его в пещере Сугубей, юже стяжа Авраам пещеру в стяжание гроба от Ефрона Хеттеанина, прямо Мамврии.Select Genesis 50:13

14И возвратися Иосиф во Египет, сам и братия его и вси совозшедшии погребсти отца его.Select Genesis 50:14

15Видевше же братия Иосифовы, яко умре отец их, реша: да не когда воспомянет злобу нашу Иосиф и воздаянием воздаст нам за вся злая, яже показахом ему.Select Genesis 50:15

16И пришедше ко Иосифу рекоша: отец твой закля прежде кончины своея, глаголя:Select Genesis 50:16

17тако рцыте Иосифу: остави им неправду и грех их, яко лукавая тебе показаша: и ныне приими неправду рабов Бога отца твоего. И плакася Иосиф, глаголющим им к нему.Select Genesis 50:17

18И пришедше к нему рекоша: се, мы тебе раби.Select Genesis 50:18

19И рече к ним Иосиф: не бойтеся, Божий бо есмь аз:Select Genesis 50:19

20вы совещасте на мя злая, Бог же совеща о мне благая, дабы было якоже днесь, и препиталися бы людие мнози.Select Genesis 50:20

21И рече им: не бойтеся, аз препитаю вас и домы вашя. И утеши их, и глагола им по сердцу их.Select Genesis 50:21

22И вселися Иосиф во Египте сам и братия его и весь дом отца его: и поживе Иосиф лет сто десять.Select Genesis 50:22

23И виде Иосиф Ефремли дети до третияго рода: и сынове Махира сына Манассиина родишася при бедрех Иосифовых.Select Genesis 50:23

24И рече Иосиф братии своей, глаголя: аз умираю, посещением же посетит вас Бог и изведет вас от земли сея в землю, о нейже клятся Бог отцем нашым Аврааму, Исааку и Иакову.Select Genesis 50:24

25И закля Иосиф сыны Израилевы, глаголя: в посещении, имже посетит вас Бог, совознесите и кости моя отсюду с вами.Select Genesis 50:25

26И скончася Иосиф сый лет ста десяти: и погребоша его, и положиша в раце во Египте.Select Genesis 50:26