7Genesis 7

1И рече Господь Бог к Ною: вниди ты и весь дом твой в ковчег, яко тя видех праведна предо Мною в роде сем:Select Genesis 7:1

2от скотов же чистых введи к себе седмь седмь, мужеский пол и женский: от скотов же нечистых два два, мужеский пол и женский:Select Genesis 7:2

3и от птиц небесных чистых седмь седмь, мужеский пол и женский: и от всех птиц нечистых две две, мужеский пол и женский, препитати семя по всей земли:Select Genesis 7:3

4еще бо дний седмь, Аз наведу дождь на землю четыредесять дний и четыредесять нощей: и потреблю всякое востание, еже сотворих, от лица всея земли.Select Genesis 7:4

5И сотвори Ное вся, елика заповеда ему Господь Бог.Select Genesis 7:5

6Ное же бе лет шести сот, и потоп водный бысть на земли.Select Genesis 7:6

7Вниде же Ное и сынове его, и жена его и жены сынов его с ним в ковчег, воды ради потопа.Select Genesis 7:7

8И от птиц чистых и от птиц нечистых, и от скот чистых и от скот нечистых, (и от зверей,) и от всех гадов пресмыкающихся по земли,Select Genesis 7:8

9два два внидоша к Ною в ковчег, мужеский пол и женский, якоже заповеда (Господь) Бог Ною.Select Genesis 7:9

10И бысть по седми днех, и вода потопная бысть на земли.Select Genesis 7:10

11В шестьсотное лето в житии Ноеве, втораго месяца, в двадесять седмый день месяца, в день той разверзошася вси источницы бездны, и хляби небесныя отверзошася:Select Genesis 7:11

12и бысть дождь на землю четыредесять дний и четыредесять нощей.Select Genesis 7:12

13В день той вниде Ное, Сим, Хам, Иафеф, сынове Ноевы, и жена Ноева, и три жены сынов его с ним в ковчег.Select Genesis 7:13

14И вси зверие земнии по роду, и вси скоти по роду, и всякий гад движущийся на земли по роду, и всякая птица пернатая по роду своему,Select Genesis 7:14

15внидоша к Ною в ковчег два два, мужеский пол и женский, от всякия плоти, в нейже есть дух животный:Select Genesis 7:15

16и входящая мужеский пол и женский от всякия плоти, внидоша к Ною в ковчег, якоже заповеда Господь Бог Ною: и затвори Господь Бог ковчег отвне его.Select Genesis 7:16

17И бысть потоп четыредесять дний и четыредесять нощей на земли, и умножися вода и взя ковчег, и возвысися от земли:Select Genesis 7:17

18и возмогаше вода, и умножашеся зело на земли, и ношашеся ковчег верху воды.Select Genesis 7:18

19Вода же возмогаше зело зело на земли: и покры вся горы высокия, яже бяху под небесем:Select Genesis 7:19

20пятьнадесять лактей горе возвысися вода, и покры вся горы высокия.Select Genesis 7:20

21И умре всякая плоть движущаяся по земли птиц и скотов и зверей, и всякий гад движущийся на земли, и всякий человек,Select Genesis 7:21

22и вся елика имут дыхание жизни, и все еже бе на суши умре.Select Genesis 7:22

23И потребися всякое востание, еже бяше на лицы всея земли, от человека даже до скота и гадов и птиц небесных, и потребишася от земли: и оста Ное един, и иже с ним в ковчезе.Select Genesis 7:23

24И возвысися вода над землею дний сто пятьдесят.Select Genesis 7:24