10Hebrews 10

1Сень бо имый закон грядущих благ, (а) не самый образ вещей, на всякое лето темиже жертвами, ихже приносят выну, никогдаже может приступающих совершити.Select Hebrews 10:1

2Понеже престали бы быти приносимы, ни едину ктому имущым совесть о гресех служащым, единою очищенным.Select Hebrews 10:2

3Но в них воспоминание грехов на коеждо лето бывает,Select Hebrews 10:3

4невозможно бо крови юнчей и козлей отпущати грехи.Select Hebrews 10:4

5Темже входя в мир, глаголет: жертвы и приношения не восхотел еси, тело же совершил Ми еси:Select Hebrews 10:5

6всесожжений и о гресе не благоволил еси.Select Hebrews 10:6

7Тогда рех: се, иду: в главизне книжней написася о Мне, еже сотворити волю Твою, Боже.Select Hebrews 10:7

8Выше глаголя: яко жертвы и приношения и всесожжений и о гресех не восхотел еси, ниже благоволил еси: яже по закону приносятся:Select Hebrews 10:8

9тогда рече: се, иду сотворити волю Твою, Боже. Отемлет первое, да второе поставит.Select Hebrews 10:9

10О нейже воли освящени есмы принесением тела Иисус Христова единою.Select Hebrews 10:10

11И всяк убо священник стоит на всяк день служя и тыяжде множицею принося жертвы, яже никогдаже могут отяти грехов.Select Hebrews 10:11

12Он же едину о гресех принес жертву, всегда седит о десную Бога,Select Hebrews 10:12

13прочее ожидая, дондеже положатся врази Его подножие ног Его:Select Hebrews 10:13

14единем бо приношением совершил есть во веки освящаемых.Select Hebrews 10:14

15Свидетелствует же нам и Дух Святый, по реченному бо прежде:Select Hebrews 10:15

16сей завет, егоже завещаю к ним по днех онех, глаголет Господь, дая законы Моя на сердца их, и в помышлениих их напишу их:Select Hebrews 10:16

17(таже глаголет Господь:) и грехов их и беззаконий их не имам помянути ктому.Select Hebrews 10:17

18А идеже отпущение сих, ктому несть приношения о гресех.Select Hebrews 10:18

19Имуще убо дерзновение, братие, входити во святая Кровию Иисус Христовою, путем новым и живым,Select Hebrews 10:19

20егоже обновил есть нам завесою, сиречь плотию Своею,Select Hebrews 10:20

21и Иереа велика над домом Божиим,Select Hebrews 10:21

22да приступаем со истинным сердцем во извещении веры, окроплени сердцы от совести лукавыя и измовени телесы водою чистою:Select Hebrews 10:22

23да держим исповедание упования неуклонное, верен бо есть Обещавый:Select Hebrews 10:23

24и да разумееваем друг друга в поощрении любве и добрых дел,Select Hebrews 10:24

25не оставляюще собрания своего, якоже есть неким обычай, но (друг друга) подвизающе, и толико паче, елико видите приближающийся день (судный).Select Hebrews 10:25

26Волею бо согрешающым нам по приятии разума истины, ктому о гресех не обретается жертва,Select Hebrews 10:26

27страшно же некое чаяние суда и огня ревность, поясти хотящаго сопротивныя.Select Hebrews 10:27

28Отверглся кто закона Моисеова, без милосердия при двоих или триех свидетелех умирает:Select Hebrews 10:28

29колико мните горшия сподобится муки, иже Сына Божия поправый, и Кровь заветную скверну возмнив, еюже освятися, и Духа благодати укоривый?Select Hebrews 10:29

30Вемы бо Рекшаго: Мне отмщение, Аз воздам, глаголет Господь. И паки: яко судит Господь людем Своим.Select Hebrews 10:30

31Страшно (есть) еже впасти в руце Бога живаго.Select Hebrews 10:31

32Воспоминайте же первыя дни вашя, в нихже просветившеся, многия страсти претерпесте страданий,Select Hebrews 10:32

33ово убо, поношеньми и скорбьми позор бывше, ово же, общницы бывше живущым тако:Select Hebrews 10:33

34ибо узам моим спострадасте и разграбление имений ваших с радостию приясте, ведяще имети себе имение на небесех пребывающее и лучшее.Select Hebrews 10:34

35Не отлагайте убо дерзновения вашего, еже имать мздовоздаяние велико.Select Hebrews 10:35

36Терпения бо имате потребу, да волю Божию сотворше, приимете обетование:Select Hebrews 10:36

37еще бо мало елико елико, Грядый приидет и не укоснит.Select Hebrews 10:37

38А праведный от веры жив будет: и аще обинется, не благоволит душа Моя о нем.Select Hebrews 10:38

39Мы же (братие) несмы обиновения в погибель, но веры в снабдение души.Select Hebrews 10:39