2Hebrews 2

1Сего ради подобает нам лишше внимати слышанным, да не когда отпадем.Select Hebrews 2:1

2Аще бо глаголанное Ангелы слово бысть известно, и всяко преступление и ослушание праведное прият мздовоздаяние:Select Hebrews 2:2

3како мы убежим, о толицем нерадивше спасении, еже зачало приемь глаголатися от Господа, слышавшими в нас известися,Select Hebrews 2:3

4сосвидетелствующу Богу знаменьми же и чудесы, и различными силами, и Духа Святаго разделеньми, по Своей Ему воли?Select Hebrews 2:4

5Не Ангелом бо покори Бог вселенную грядущую, о нейже глаголем:Select Hebrews 2:5

6засвидетелствова же негде некто, глаголя: что есть человек, яко помниши его? Или сын человеческий, яко посещаеши и?Select Hebrews 2:6

7Умалил еси его малым нечим от Ангел: славою и честию венчал еси его и поставил еси его над делы руку Твоею,Select Hebrews 2:7

8вся покорил еси под нозе его. Внегда же покорити ему всяческая, ничтоже остави ему непокорено. Ныне же не у видим ему всяческая покорена:Select Hebrews 2:8

9а умаленаго малым чим от Ангел видим Иисуса, за приятие смерти славою и честию венчанна, яко да благодатию Божиею за всех вкусит смерти.Select Hebrews 2:9

10Подобаше бо ему, Егоже ради всяческая и Имже всяческая, приведшу многи сыны в славу, началника спасения их страданьми совершити.Select Hebrews 2:10

11И святяй бо и освящаемии, от Единаго вси: еяже ради вины не стыдится братию нарицати их, глаголя:Select Hebrews 2:11

12возвещу имя Твое братии Моей, посреде церкве воспою Тя.Select Hebrews 2:12

13И паки: Аз буду надеяся Нань. И паки: се, Аз и дети, яже Ми дал есть Бог.Select Hebrews 2:13

14Понеже убо дети приобщишася плоти и крови, и Той приискренне приобщися техже, да смертию упразднит имущаго державу смерти, сиречь диавола,Select Hebrews 2:14

15и избавит сих, елицы страхом смерти чрез все житие повинни беша работе.Select Hebrews 2:15

16Не от Ангел бо когда приемлет, но от семене Авраамова приемлет:Select Hebrews 2:16

17отнюдуже должен бе по всему подобитися братии, да милостив будет и верен первосвященник в тех, яже к Богу, во еже очестити грехи людския.Select Hebrews 2:17

18В немже бо пострада, Сам искушен быв, может и искушаемым помощи.Select Hebrews 2:18