4Hebrews 4

1Да убоимся убо, да не когда оставлену обетованию внити в покой Его, явится кто от вас лишився.Select Hebrews 4:1

2Ибо нам благовествовано есть, якоже и онем: но не пользова онех слово слуха, не растворенное верою слышавших.Select Hebrews 4:2

3Входим бо в покой веровавшии, якоже рече: яко кляхся во гневе Моем, аще внидут в покой Мой: аще и делом от сложения мира бывшым.Select Hebrews 4:3

4Рече бо негде о седмем сице: и почи Бог в день седмый от всех дел Своих.Select Hebrews 4:4

5И в сем паки: аще внидут в покой Мой.Select Hebrews 4:5

6Понеже убо лишени нецыи внити в него, и имже прежде благовествовано бе, не внидоша за непослушание:Select Hebrews 4:6

7паки некий уставляет день, днесь, в Давиде глаголя, по толицех летех, якоже прежде глаголася: днесь, аще глас Его услышите, не ожесточите сердец ваших.Select Hebrews 4:7

8Аще бо бы онех Иисус упокоил, не бы о инем дни глаголал по сих.Select Hebrews 4:8

9Убо оставлено есть (и еще) субботство людем Божиим:Select Hebrews 4:9

10вшедый бо в покой Его, и той почи от дел своих, якоже от Своих Бог.Select Hebrews 4:10

11Потщимся убо внити во оный покой, да не кто в ту же притчу противления впадет.Select Hebrews 4:11

12Живо бо слово Божие и действенно, и острейше паче всякаго меча обоюду остра, и проходящее даже до разделения души же и духа, членов же и мозгов, и судително помышлением и мыслем сердечным.Select Hebrews 4:12

13И несть тварь неявлена пред Ним, вся же нага и объявлена пред очима Его, к Немуже нам слово.Select Hebrews 4:13

14Имуще убо Архиереа велика, прошедшаго небеса, Иисуса Сына Божия, да держимся исповедания.Select Hebrews 4:14

15Не имамы бо архиереа не могуща спострадати немощем нашым, но искушена по всяческим по подобию, разве греха.Select Hebrews 4:15

16Да приступаем убо с дерзновением к престолу благодати, да приимем милость и благодать обрящем во благовременну помощь.Select Hebrews 4:16