6Hebrews 6

1Темже оставльше начала Христова слово, на совершение да ведемся, не паки основание покаяния полагающе от мертвых дел, и веры в Бога,Select Hebrews 6:1

2крещений учения, возложения же рук, воскресения же мертвых и суда вечнаго.Select Hebrews 6:2

3И сие сотворим, аще Бог повелит.Select Hebrews 6:3

4Невозможно бо просвещенных единою и вкусивших дара небеснаго, и причастников бывших Духа Святаго,Select Hebrews 6:4

5и добраго вкусивших Божия глаголгола и силы грядущаго века,Select Hebrews 6:5

6и отпадших, паки обновляти в покаяние, второе распинающих Сына Божия себе и обличающих.Select Hebrews 6:6

7Земля бо пившая сходящий на ню множицею дождь и раждающая былия добрая оным, имиже и делаема бывает, приемлет благословение от Бога:Select Hebrews 6:7

8а износящая терния и волчец непотребна есть и клятвы близ, еяже кончина в пожжение.Select Hebrews 6:8

9Надеемся же о вас, возлюбленнии, лучших и придержащихся спасения, аще и тако глаголем.Select Hebrews 6:9

10Не обидлив бо Бог, забыти дела вашего и труда любве, юже показасте во имя Его, послуживше святым и служаще.Select Hebrews 6:10

11Желаем же, да кийждо вас являет тожде тщание ко извещению упования даже до конца,Select Hebrews 6:11

12да не лениви будете, но подражателе наследствующих обетования верою и долготерпением.Select Hebrews 6:12

13Аврааму бо обетовая Бог, понеже ни единем имяше болшим клятися, клятся Собою,Select Hebrews 6:13

14глаголя: воистинну благословя благословлю тя и умножая умножу тя.Select Hebrews 6:14

15И тако долготерпев, получи обетование.Select Hebrews 6:15

16Человецы бо болшим кленутся, и всякому их прекословию кончина во извещение клятва (есть).Select Hebrews 6:16

17В немже лишше хотя Бог показати наследником обетования непреложное совета Своего, ходатайствова клятвою:Select Hebrews 6:17

18да двема вещьми непреложными, в нихже невозможно солгати Богу, крепкое утешение имамы прибегшии ятися за предлежащее упование,Select Hebrews 6:18

19еже аки котву имамы души, тверду же и известну, и входящую во внутреннейшее завесы,Select Hebrews 6:19

20идеже предтеча о нас вниде Иисус, по чину Мелхиседекову Первосвященник быв во веки.Select Hebrews 6:20