7Hebrews 7

1Сей бо Мелхиседек, царь Салимский, священник Бога Вышняго, иже срете Авраама возвращшася от сеча царей и благослови его,Select Hebrews 7:1

2емуже и десятину от всех отдели Авраам, первее убо сказуется царь правды, потом же царь Салимский, еже есть, царь мира,Select Hebrews 7:2

3без отца, без матере, без причта рода, ни начала днем, ни животу конца имея, уподоблен же Сыну Божию, пребывает священник выну.Select Hebrews 7:3

4Видите же, елик сей, емуже и десятину дал есть Авраам патриарх от избранных.Select Hebrews 7:4

5И приемлющии убо священство от сынов Левиин заповедь имут одесятствовати люди по закону, сиречь, братию свою, аще и от чресл Авраамовых изшедшую:Select Hebrews 7:5

6не причитаемый же родом к ним, одесятствова Авраама и имущаго обетования благослови:Select Hebrews 7:6

7без всякаго же прекословия меншее от болшаго благословляется.Select Hebrews 7:7

8И зде убо десятины человецы умирающии приемлют: тамо же свидетелствуемый, яко жив есть.Select Hebrews 7:8

9И да сице реку, Авраамом и Левий, приемляй десятины, десятины дал есть:Select Hebrews 7:9

10еще бо в чреслех отчиих бяше, егда срете его Мелхиседек.Select Hebrews 7:10

11Аще убо совершенство левитским священством было, людие бо на нем взаконени быша: кая еще потреба по чину Мелхиседекову иному востати священнику, а не по чину Ааронову глаголатися?Select Hebrews 7:11

12Прелагаему бо священству, по нужди и закону пременение бывает.Select Hebrews 7:12

13О Немже бо глаголются сия, колену иному причастися, от негоже никтоже приступи ко олтарю:Select Hebrews 7:13

14яве бо, яко от колена Иудова возсия Господь наш, о немже колене Моисей о священстве ничесоже глагола.Select Hebrews 7:14

15И лишше еще яве есть, яко по подобию Мелхиседекову востает Священник ин,Select Hebrews 7:15

16Иже не по закону заповеди плотския бысть, но по силе живота неразрушаемаго.Select Hebrews 7:16

17Свидетелствует бо, яко Ты еси священник во век по чину Мелхиседекову.Select Hebrews 7:17

18Отлагание убо бывает прежде бывшия заповеди за немощное ея и неполезное:Select Hebrews 7:18

19ничтоже бо совершил закон: привведение же есть лучшему упованию, имже приближаемся к Богу.Select Hebrews 7:19

20И по елику не без клятвы:Select Hebrews 7:20

21они бо без клятвы священницы быша, Сей же с клятвою чрез глаголющаго к Нему: клятся Господь и не раскается: Ты еси священник во век по чину Мелхиседекову:Select Hebrews 7:21

22по толику лучшаго завета бысть испоручник Иисус.Select Hebrews 7:22

23И они множайши священницы быша, зане смертию возбранени суть пребывати:Select Hebrews 7:23

24Сей же, занеже пребывает во веки, непреступное имать священство,Select Hebrews 7:24

25темже и спасти до конца может приходящих чрез Него к Богу, всегда жив сый, во еже ходатайствовати о них.Select Hebrews 7:25

26Таков бо нам подобаше Архиерей: преподобен, незлобив, безсквернен, отлучен от грешник и вышше небес бывый,Select Hebrews 7:26

27Иже не имать по вся дни нужды, якоже первосвященницы, прежде о своих гресех жертвы приносити, потом же о людских: сие бо сотвори единою, Себе принес.Select Hebrews 7:27

28Закон бо человеки поставляет первосвященники, имущыя немощь: слово же клятвенное, еже по законе, Сына во веки совершенна.Select Hebrews 7:28