8Hebrews 8

1Глава же о глаголемых: такова имамы Первосвященника, Иже седе о десную престола величествия на небесех,Select Hebrews 8:1

2святым служитель и скинии истинней, юже водрузи Господь, а не человек.Select Hebrews 8:2

3Всяк бо первосвященник, во еже приносити дары же и жертвы, поставляемь бывает: темже потреба имети что и Сему, еже принесет.Select Hebrews 8:3

4Аще бы бо был на земли, не бы был священник, сущым священником приносящым по закону дары,Select Hebrews 8:4

5иже образу и стени служат небесных, якоже глаголано бысть Моисею, хотящу сотворити скинию: виждь бо, рече, сотвориши вся по образу показанному ти на горе.Select Hebrews 8:5

6Ныне же лучшее улучи служение, по елику и лучшаго завета есть ходатай, иже на лучших обетованиих узаконися.Select Hebrews 8:6

7Аще бо бы первый он непорочен был, не бы второму искалося место.Select Hebrews 8:7

8Укоряя бо их глаголет: се, дние грядут, глаголет Господь, и совершу на дом Израилев и на дом Иудов завет нов,Select Hebrews 8:8

9не по завету, егоже сотворих отцем их в день, в оньже емшу ми их за руку, извести их от земли Египетския: зане тии не пребыша в завете Моем, и Аз нерадих о них, глаголет Господь.Select Hebrews 8:9

10Яко сей завет, егоже завещаю дому Израилеву по онех днех, глаголет Господь, дая законы Моя в мысли их, и на сердцах их напишу их, и буду им Бог, и тии будут Мне людие.Select Hebrews 8:10

11И не имать научити кийждо искренняго своего и кийждо брата своего, глаголя: познай Господа: яко вси уведят Мя от мала даже и до велика их,Select Hebrews 8:11

12зане милостив буду неправдам их и грехов их и беззаконий их не имам помянути ктому.Select Hebrews 8:12

13Внегда же глаголет нов, обветши перваго: а обветшавающее и состаревающееся близ есть истления.Select Hebrews 8:13