7Hosea 7

1Егда изцелю Израиля, и открыется неправда Ефремова и злоба Самарийска, яко соделаша лжу: и тать к нему внидет, совлачаяй разбойник на пути его:Select Hosea 7:1

2яко да воспоют вкупе, аки поющии сердцем своим. Вся злобы их помянух: ныне обыдоша их совети их, противу лицу Ми быша.Select Hosea 7:2

3Злобами своими возвеселиша царя и лжами своими князей.Select Hosea 7:3

4Вси любодеющии, яко пещь жегома на печение сожжения от пламене, от примешения тука, дондеже вскиснет то все.Select Hosea 7:4

5Во дни царей ваших начаша князи яритися от вина, простроша руки своя с губительми:Select Hosea 7:5

6зане разгорешася яко пещь сердца их, внегда устремлятися им: всю нощь сна Ефрем насытися, заутра бысть, и разгореся яко пламень огненный.Select Hosea 7:6

7Вси согреяшася, яко пещь жегома, и огнь пояде судий их: вси царие их падоша, не бе в них моляйся ко Мне.Select Hosea 7:7

8Ефрем в людех своих сам смесяшеся, Ефрем бысть опреснок необращаемь.Select Hosea 7:8

9И снедоша чуждии крепость его, сей же не разуме: и седины явишася на нем, он же не позна.Select Hosea 7:9

10И смирится укоризна Израилева в лице ему: и не возвратишася ко Господу Богу своему и не взыскаша Его во всех сих.Select Hosea 7:10

11И бяше Ефрем яко голубь безумный, не имый сердца: Египта моляше, и во Ассирианы отидоша.Select Hosea 7:11

12Якоже идут, возложу на ня мрежу Мою, якоже птицы небесныя свергу я, накажу я в слух скорбения их.Select Hosea 7:12

13Горе им, яко отскочиша от Мене: боязливи суть, яко нечествоваша ко Мне: Аз же избавих я, сии же возглаголаша на Мя лжу.Select Hosea 7:13

14И не возопиша ко Мне сердца их, но плакахуся на ложах своих: о пшенице и вине сечахуся.Select Hosea 7:14

15Накажутся Мною, Аз же укрепих мышцу их, и на Мя помыслиша злая.Select Hosea 7:15

16Совратишася ни во чтоже, быша яко лук напряжен: падутся князи их мечем ради ненаказания языка своего. Сие ругание их в земли Египетстей.Select Hosea 7:16