8Hosea 8

1В недре их, яко земля непроходима, яко орел в дому Господни: понеже преступиша завет Мой и на закон Мой нечествоваша.Select Hosea 8:1

2Ко Мне воззовут: Боже, познахом Тя,Select Hosea 8:2

3яко Израиль отвратися благих, врага прогнаша.Select Hosea 8:3

4Сами себе царя поставиша, а не Мною, началствоваша, и не явиша Ми: от сребра своего и от злата своего сотвориша себе кумиры, яко да потребятся.Select Hosea 8:4

5Сокруши телца твоего, Самарие, разгневася ярость Моя на ня: доколе не могут очиститися, иже во Израили?Select Hosea 8:5

6И то древодель сотвори, и несть бог: зане льстяй бяше телец твой, Самарие.Select Hosea 8:6

7Яко ветром истлено всеяша, и разрушение их приимет я: рукоять не имущая силы еже сотворити муку, аще же и сотворит, то чуждии поядят ю.Select Hosea 8:7

8Поглощен бысть Израиль, ныне бысть во языцех яко сосуд непотребен,Select Hosea 8:8

9понеже тии взыдоша ко Ассирианом: процвете о себе Ефрем, дары возлюби.Select Hosea 8:9

10Сего ради предадутся во языки: ныне восприиму их, и почиют мало еже помазати царя и князи.Select Hosea 8:10

11Яко умножи Ефрем требища, во грехи быша ему требища возлюбленная.Select Hosea 8:11

12Впишу ему множество, и законная его в чуждая вменишася требища возлюбленная.Select Hosea 8:12

13Темже аще и пожрут жертву и снедят мяса, Господь не приимет их: ныне помянет неправды их и отмстит грехи их: тии во Египет возвратишася и во Ассирии нечистая снедят.Select Hosea 8:13

14И забы Израиль Сотворшаго и и возгради требища, и Иуда умножи грады утверждены: но послю огнь на грады его, и потребит основания его.Select Hosea 8:14