9Hosea 9

1Не радуйся, Израилю, ни веселися якоже людие, понеже соблудил еси от Господа Бога твоего: возлюбил еси даяния на всяцем гумне пшеницы.Select Hosea 9:1

2Гумно и точило не позна их, и вино солга им.Select Hosea 9:2

3Не вселишася на земли Господни: вселися Ефрем во Египте, и во Ассириах снедят нечистая.Select Hosea 9:3

4Не возлияша Господеви вина, и не усладишася Ему требы их, яко хлеб жалости им: вси ядущии тыя осквернятся: понеже хлебы их душ их, не внидут в дом Господень.Select Hosea 9:4

5Что сотворите во днех торжества и в день праздника Господня?Select Hosea 9:5

6Сего ради, се, пойдут от труда Египетска, и приимет их Мемфис, и погребет я махмас: сребро их пагуба наследит, терние во дворех их.Select Hosea 9:6

7Приспеша дние отмщения твоего, приидоша дние воздаяния твоего, и озлобится Израиль, якоже пророк изумленный, человек духом носимый: от множества неправд твоих умножися изумление твое.Select Hosea 9:7

8Страж Ефрем с Богом, пророк пругло строптиво на всех путех его: изумление в дому Божии утвердиша.Select Hosea 9:8

9Растлешася по днем холма: воспомянет неправды их, отмстит грехи их.Select Hosea 9:9

10Якоже грезн в пустыни обретох Израиля и яко стража на смоковнице ранняго увидех отцы их: тии внидоша ко Веельфегору и отчуждишася на стыдение, и быша мерзостнии якоже возлюбленнии.Select Hosea 9:10

11Ефрем яко птица отлете, славы их от порождений и болезней и от зачатий.Select Hosea 9:11

12Темже аще и воскормят чада своя, безчадны будут от человек: понеже и люте им есть, (зане оставих я,) плоть моя от них.Select Hosea 9:12

13Ефрем, якоже видех, в ловитву предпоставиша чада своя, и Ефрем еже извести на заколение чада своя.Select Hosea 9:13

14Даждь им, Господи: что даси им? Даждь им утробу неплодящую и сосцы сухи.Select Hosea 9:14

15Вся злобы их во Галгалех, яко тамо их возненавидех за злобы начинаний их: из дому Моего изжену я, (ксему) не приложу любити их:Select Hosea 9:15

16вси князи их непокориви. Поболе Ефрем: корение его изсхоша, плода ксему да не принесет: понеже аще и породят, побию вожделенная утроб их.Select Hosea 9:16

17Отринет я Бог, яко не послушаша Его, и будут заблуждающии в языцех.Select Hosea 9:17