1James 1

1Иаков, Богу и Господу Иисусу Христу раб, обеманадесяте коленома, иже в разсеянии, радоватися.Select James 1:1

2Всяку радость имейте, братие моя, егда во искушения впадаете различна,Select James 1:2

3ведяще, яко искушение вашея веры соделовает терпение:Select James 1:3

4терпение же дело совершенно да имать, яко да будете совершенни и всецели, ни в чемже лишени.Select James 1:4

5Аще же кто от вас лишен есть премудрости, да просит от дающаго Бога всем нелицеприемне и не поношающаго, и дастся ему.Select James 1:5

6Да просит же верою, ничтоже сумняся: сумняйся бо уподобися волнению морскому, ветры возметаему и развеваему.Select James 1:6

7Да не мнит бо человек он, яко приимет что от Бога.Select James 1:7

8Муж двоедушен неустроен во всех путех своих.Select James 1:8

9Да хвалится же брат смиренный в высоте своей,Select James 1:9

10богатый же во смирении своем, зане якоже цвет травный мимоидет:Select James 1:10

11возсия бо солнце со зноем, и изсуши траву, и цвет ея отпаде, и благолепие лица ея погибе: сице и богатый в хождении своем увядает.Select James 1:11

12Блажен муж, иже претерпит искушение: зане искусен быв, приимет венец жизни, егоже обеща Бог любящым Его.Select James 1:12

13Никтоже искушаемь да глаголет, яко от Бога искушаемь есмь: Бог бо несть искуситель злым, не искушает же Той ни когоже,Select James 1:13

14кийждо же искушается, от своея похоти влекомь и прельщаемь:Select James 1:14

15таже похоть заченши раждает грех, грех же содеян раждает смерть.Select James 1:15

16Не льститеся, братие моя возлюбленная:Select James 1:16

17всяко даяние благо и всяк дар совершен свыше есть, сходяй от Отца светов, у Негоже несть пременение, или преложения стень.Select James 1:17

18Восхотев бо породи нас словом истины, во еже быти нам начаток некий созданием Его.Select James 1:18

19Темже, братие моя возлюбленная, да будет всяк человек скор услышати и косен глаголати, косен во гнев,Select James 1:19

20гнев бо мужа, правды Божия не соделовает.Select James 1:20

21Сего ради отложше всяку скверну и избыток злобы, в кротости приимите всажденное слово, могущее спасти душы вашя.Select James 1:21

22Бывайте же творцы слова, а не точию слышатели, прельщающе себе самех.Select James 1:22

23Зане аще кто есть слышатель слова, а не творец, таковый уподобися мужу смотряющу лице бытия своего в зерцале:Select James 1:23

24усмотри бо себе и отиде, и абие забы, каков бе.Select James 1:24

25Приникий же в закон совершен свободы, и пребыв, сей не слышатель забытлив быв, но творец дела, сей блажен в делании своем будет.Select James 1:25

26Аще кто мнится верен быти в вас, и не обуздовает языка своего, но льстит сердце свое, сего суетна есть вера.Select James 1:26

27Вера бо чиста и нескверна пред Богом и Отцем сия есть, еже посещати сирых и вдовиц в скорбех их, (и) нескверна себе блюсти от мира.Select James 1:27