2James 2

1Братие моя, не на лица зряще имейте веру Господа нашего Иисуса Христа славы.Select James 2:1

2Аще бо внидет в сонмище ваше муж, злат перстень нося, в ризе светле, внидет же и нищь в худе одежди,Select James 2:2

3и воззрите на носящаго ризу светлу, и речете ему: ты сяди зде добре: и нищему речете: ты стани тамо, или сяди зде на подножии моем:Select James 2:3

4и не разсмотристе в себе, и бысте судии помышлений злых.Select James 2:4

5Слышите, братие моя возлюбленная, не Бог ли избра нищыя мира сего богаты в вере и наследники Царствия, еже обеща любящым Его?Select James 2:5

6Вы же укористе нищаго. Не богатии ли насилуют вам, и тии влекут вы на судища?Select James 2:6

7Не тии ли хулят доброе имя нареченное на вас?Select James 2:7

8Аще убо закон совершаете царский, по Писанию: возлюбиши искренняго своего якоже себе самаго, добре творите:Select James 2:8

9аще же на лица зрите, то грех содеваете, обличаеми от закона якоже преступницы.Select James 2:9

10Иже бо весь закон соблюдет, согрешит же во единем, бысть всем повинен.Select James 2:10

11Рекий бо: не прелюбы сотвориши, рекл есть и: не убиеши. Аще же не прелюбы сотвориши, убиеши же, был еси преступник закона.Select James 2:11

12Тако глаголите и тако творите, яко законом свободным имущии суд прияти.Select James 2:12

13Суд бо без милости не сотворшему милости: и хвалится милость на суде.Select James 2:13

14Кая польза, братие моя, аще веру глаголет кто имети, дел же не имать? Еда может вера спасти его?Select James 2:14

15Аще же брат или сестра нага будета и лишена будета дневныя пищи,Select James 2:15

16речет же има кто от вас: идита с миром, грейтася и насыщайтася? Не даст же има требования телеснаго: кая польза?Select James 2:16

17Такожде и вера, аще дел не имать, мертва есть о себе.Select James 2:17

18Но речет кто: ты веру имаши, аз же дела имам: покажи ми веру твою от дел твоих, и аз тебе покажу от дел моих веру мою.Select James 2:18

19Ты веруеши, яко Бог един есть: добре твориши: и беси веруют, и трепещут.Select James 2:19

20Хощеши же ли разумети, о, человече суетне, яко вера без дел мертва есть?Select James 2:20

21Авраам отец наш не от дел ли оправдася, вознес Исаака сына своего на жертвенник?Select James 2:21

22Видиши ли, яко вера поспешествоваше делом его, и от дел совершися вера?Select James 2:22

23И совершися Писание глаголющее: верова же Авраам Богови, и вменися ему в правду, и друг Божий наречеся.Select James 2:23

24Зрите ли убо, яко от дел оправдается человек, а не от веры единыя?Select James 2:24

25Такожде же и Раав блудница не от дел ли оправдася, приемши сходники и иным путем изведши их?Select James 2:25

26Якоже бо тело без духа мертво есть, тако и вера без дел мертва есть.Select James 2:26