3James 3

1Не мнози учителие бывайте, братие моя, ведяще, яко болшее осуждение приимем,Select James 3:1

2много бо согрешаем вси. Аще кто в слове не согрешает, сей совершен муж, силен обуздати и все тело.Select James 3:2

3Се бо и конем узды во уста влагаем, да повинуются нам, и все тело их обращаем:Select James 3:3

4се, и корабли велицы суще и от жестоких ветров заточаеми, обращаются малым кормилцем, аможе стремление правящаго хощет:Select James 3:4

5такожде же и язык мал уд есть, и вельми хвалится. Се мал огнь, и коль велики вещи сожигает.Select James 3:5

6И язык огнь, лепота неправды: сице и язык водворяется во удех наших, скверня все тело, и паля коло рождения нашего, и опаляяся от геенны:Select James 3:6

7всяко бо естество зверей же и птиц, гад же и рыб, укрощается и укротится естеством человеческим,Select James 3:7

8языка же никтоже может от человек укротити: не удержимо бо зло, исполнь яда смертоносна.Select James 3:8

9Тем благословляем Бога и Отца, и тем кленем человеки бывшыя по подобию Божию:Select James 3:9

10от техже уст исходит благословение и клятва. Не подобает, братие моя возлюбленная, сим тако бывати.Select James 3:10

11Еда ли источник от единаго устия источает сладкое и горькое?Select James 3:11

12Еда может, братие моя, смоковница маслины творити, или виноградная лоза смоквы? Такожде ни един источник слану и сладку творит воду.Select James 3:12

13Кто премудр и худог в вас, да покажет от добраго жития дела своя в кротости и премудрости.Select James 3:13

14Аще же зависть горьку имате и рвение в сердцах ваших, не хвалитеся, ни лжите на истину:Select James 3:14

15несть сия премудрость свыше низходящи, но земна, душевна, бесовска:Select James 3:15

16идеже бо зависть и рвение, ту нестроение и всяка зла вещь.Select James 3:16

17А яже свыше премудрость, первее убо чиста есть, потом же мирна, кротка, благопокорлива, исполнь милости и плодов благих, несуменна и нелицемерна.Select James 3:17

18Плод же правды в мире сеется творящым мир.Select James 3:18