1Jeremiah 1

1Слово Божие, еже бысть ко Иеремии сыну Хелкиеву от священник, иже обиташе во Анафофе, в земли Вениаминове,Select Jeremiah 1:1

2якоже бысть слово Господне к нему, во дни Иосии сына Амоса царя Иудина, в третиенадесять лето царства его,Select Jeremiah 1:2

3и бысть во дни Иоакима сына Иосии царя Иудина, даже до первагонадесять лета Седекии сына Иосии царя Иудина, даже до пленения Иерусалимскаго в месяц пятый.Select Jeremiah 1:3

4И бысть слово Господне ко мне глаголя:Select Jeremiah 1:4

5прежде неже мне создати тя во чреве, познах тя, и прежде неже изыти тебе из ложесн, освятих тя, пророка во языки поставих тя.Select Jeremiah 1:5

6И рекох: о, Сый Владыко Господи, се, не вем глаголати, яко отрок аз есмь.Select Jeremiah 1:6

7И рече Господь ко мне: не глаголи, яко отрок аз есмь, ибо ко всем, к нимже послю тя, пойдеши, и вся, елика повелю тебе, возглаголеши:Select Jeremiah 1:7

8не убойся от лица их, яко с тобою Аз есмь, еже избавити тя, глаголет Господь.Select Jeremiah 1:8

9И простре Господь руку Свою ко мне и прикоснуся устом моим, и рече Господь ко мне: се, дах словеса Моя во уста твоя:Select Jeremiah 1:9

10се, поставих тя днесь над языки и над царствы, да искорениши и разориши, и расточиши и разрушиши, и паки созиждеши и насадиши.Select Jeremiah 1:10

11И бысть слово Господне ко мне глаголя: что ты видиши Иеремие? И рекох: жезл ореховый (аз вижду).Select Jeremiah 1:11

12И рече Господь ко мне: благо видел еси, понеже бдех Аз над словесы Моими, еже сотворити я.Select Jeremiah 1:12

13И бысть слово Господне вторицею ко мне глаголя: что ты видиши? И рекох: коноб поджигаемый (аз вижду) и лице его от лица севера.Select Jeremiah 1:13

14И рече Господь ко мне: от лица севера возгорятся злая на всех обитающих на земли,Select Jeremiah 1:14

15зане се, Аз созову вся царства земная от севера, рече Господь и приидут и поставят кийждо престол свой в преддвериих врат Иерусалимских и на всех стенах окрест его и на всех градех Иудиных:Select Jeremiah 1:15

16и возглаголю к ним с судом о всяцей злобе их, како оставиша Мя и пожроша богом чуждим и поклонишася делом рук своих.Select Jeremiah 1:16

17Ты же препояши чресла твоя, и востани и глаголи к ним вся, елика заповедаю тебе: не убойся от лица их, ниже устрашися пред ними, яко с тобою есмь, еже избавити тя, глаголет Господь:Select Jeremiah 1:17

18се, положих тя днесь аки град тверд и в столп железный, и аки стену медяну, крепку всем царем Иудиным и князем его, и священником его и людем земли:Select Jeremiah 1:18

19и ратовати будут на тя и не премогут тя, понеже с тобою Аз есмь, да избавлю тя, рече Господь.Select Jeremiah 1:19