21Jeremiah 21

1Слово, еже бысть от Господа ко Иеремии, егда посла к нему царь Седекиа Пасхора сына Мелхиина и Софонию сына Васаиева, священника, глаголя:Select Jeremiah 21:1

2вопроси о нас Господа, яко Навуходоносор царь Вавилонский воста на нас: сотворит ли Господь с нами по всем чудесем Своим, и отидет от нас?Select Jeremiah 21:2

3И рече Иеремиа к ним: тако рцыте Седекии: сия глаголет Господь Бог Израилев:Select Jeremiah 21:3

4се, Аз обращаю оружия бранная, яже суть в руках ваших, имиже вы ополчаетеся на царя Вавилонска и Халдейска, иже обстоят вас окрест вне стен: и соберу та посреде града сего,Select Jeremiah 21:4

5и поборю Аз по вас рукою простертою и мышцею крепкою с яростию и гневом великим,Select Jeremiah 21:5

6и побию всех обитающих во граде сем, человеки и скоты, губителством великим, и измрут.Select Jeremiah 21:6

7И по сих, тако глаголет Господь, дам Седекию царя Иудина и рабы его, и люди его и оставльшыяся во граде сем от губителства и глада и меча, в руку Навуходоносора царя Вавилонска и в руку врагов их и в руку ищущих душ их, и побиет их острием меча: и не пощажу их, ниже милостив буду им.Select Jeremiah 21:7

8И к людем сим речеши: сия глаголет Господь: се, Аз даю пред вами путь живота и путь смерти:Select Jeremiah 21:8

9иже обитает во граде сем, умрет мечем и гладом и губителством, а исходяй, иже прибежит ко Халдеом обстоящым вас, жив будет, и будет душа его в плен, и жив будет.Select Jeremiah 21:9

10Утвердих бо лице Мое на град сей во злая, а не во благая, рече Господь: в руки царя Вавилонска предастся, и сожжет его огнем.Select Jeremiah 21:10

11Доме царя Иудина, слышите слово Господне:Select Jeremiah 21:11

12доме Давидов, сия глаголет Господь: судите заутра суд и исправите, и избавите силою угнетенаго от руки обидящаго и, да не зажжется яко огнь ярость Моя и возгорится, и не будет угашающаго, ради лукавых умышлений ваших.Select Jeremiah 21:12

13Се, Аз к тебе обитающему во крепце и польне удолии, рече Господь, иже глаголете: кто побиет нас? Или кто внидет в домы нашя?Select Jeremiah 21:13

14И посещу на вас по лукавым начинанием вашым, рече Господь, и возжгу огнь в лесе его, и пояст вся, яже окрест его.Select Jeremiah 21:14