29Jeremiah 29

1И сия словеса книги, юже посла Иеремиа из Иерусалима ко старейшинам преселеным и ко жерцем и лживым пророком и всем людем, ихже пресели Навуходоносор из Иерусалима до Вавилона,Select Jeremiah 29:1

2последи изшедшу Иехонии царю и царице, и кажеником и всякому свободну, и художнику и юзнику из Иерусалима,Select Jeremiah 29:2

3рукою Елеаса сына Сафаня и Гамариа сына Хелкиина, егоже посла Седекиа царь Иудин ко царю Вавилонску в Вавилон, глаголя:Select Jeremiah 29:3

4тако рече Господь Бог Израилев о преселеных, ихже пресели из Иерусалима в Вавилон:Select Jeremiah 29:4

5соградите храмины и вселитеся, и насадите вертограды и ядите плоды их,Select Jeremiah 29:5

6и поимите жены и чадотворите сыны и дщери, и приведите сыном вашым жены и дщери вашя дадите за мужы, и да раждают сыны и дщери, и умножайтеся, а не умаляйтеся:Select Jeremiah 29:6

7и взыщите мира земли, на нюже преселих вас тамо, и молите Господа за ня, яко в мире их будет мир вам.Select Jeremiah 29:7

8Яко тако рече Господь Сил, Бог Израилев: да не препирают вас лживии пророцы, иже в вас, и да не препирают вас волсви ваши, и не послушайте соний своих, яже вы видите во сне,Select Jeremiah 29:8

9яко неправедне тии прорицают вам во имя Мое, а не послах их, рече Господь.Select Jeremiah 29:9

10Яко тако рече Господь: егда исполнятся в Вавилоне седмьдесят лет, посещу вас и уставлю словеса Моя на вас, еже возвратити люди Моя на место сие:Select Jeremiah 29:10

11и помышлю на вы помышление мира, а не злая, еже дати вам сия:Select Jeremiah 29:11

12и помолитеся ко Мне, и послушаю вас,Select Jeremiah 29:12

13и взыщете Мене, и обрящете Мя: и егда взыщете Мене всем сердцем вашим,Select Jeremiah 29:13

14и явлюся вам, глаголет Господь, и возвращу узники вашя и соберу вас от всех стран и от всех градов, в няже изгнах вас, глаголет Господь: и возвратитися повелю вам на место откуду превести вас повелех.Select Jeremiah 29:14

15Понеже рекосте: возстави нам Господь пророки в Вавилоне.Select Jeremiah 29:15

16Тако бо рече Господь ко царю седящу на престоле Давидове и ко всем людем живущым во граде том, и братиям вашым, не изшедшым с вами в плен,Select Jeremiah 29:16

17тако глаголет Господь Вседержитель: се, Аз послю на ня мечь и глад и мор, и положу я яко смоквы худыя, ихже немощно ясти, понеже зело худы быша:Select Jeremiah 29:17

18и сотру я мечем и гладом и мором, и дам я в погубление всем царствам земным и в проклятие, и во удивление и в посмех и в поругание всем языком, к нимже извергох я:Select Jeremiah 29:18

19занеже не послушаша словес Моих, глаголет Господь, яже послах к ним рабы Моими пророки, рано востая и посылая, и не послушасте, глаголет Господь.Select Jeremiah 29:19

20Вы убо слышите слово Господне, все преселение, еже выслах из Иерусалима в Вавилон.Select Jeremiah 29:20

21Тако глаголет Господь Вседержитель Бог Израилев на Ахиава сына Колиева и на Седекию сына Маасиева, иже прорицают вам во имя Мое лживо: се, Аз предаю я в руце Навуходоносора царя Вавилонска, и побиет я пред очима вашима:Select Jeremiah 29:21

22и возмется от них проклятие всему преселению Иудину, еже в Вавилоне, глаголюще: да сотворит ти Господь якоже Седекии сотвори и якоже Ахиаву, ихже сожже царь Вавилонский во огни,Select Jeremiah 29:22

23беззакония ради, еже сотвориша во Иерусалиме, и любодеяху с женами граждан своих и слово глаголаша во имя Мое лживо, егоже не повелех им, Аз же есмь судия и послух, глаголет Господь.Select Jeremiah 29:23

24И к Самеи Еламитину речеши:Select Jeremiah 29:24

25тако глаголет Господь Вседержитель, Бог Израилев: понеже послал еси во имя твое послания ко всем людем, иже во Иерусалиме, и ко Софонии сыну Маасеову жерцу и ко всем жерцем, глаголя:Select Jeremiah 29:25

26Господь даде тя жерца вместо Иодаа жерца, быти приставнику в дому Господни, всякому человеку прорицающу и всякому человеку неистовующу, и вдаси его в затвор и в кладу.Select Jeremiah 29:26

27И ныне почто не запретисте Иеремии, иже от Анафофа, прорицающему вам?Select Jeremiah 29:27

28Яко того ради посла к нам в Вавилон, глаголя: долгое есть время, соградите храмины и вселитеся, и насадите вертограды и ядите плоды их.Select Jeremiah 29:28

29И прочте книгу сию Софониа во ушы Иеремии пророка.Select Jeremiah 29:29

30И бысть слово Господне ко Иеремии глаголя:Select Jeremiah 29:30

31посли ко преселником глаголя: тако рече Господь на Самею Еламитина: понеже прорече вам Самеа, Аз же не послах его, и сотвори вас уповати на неправду:Select Jeremiah 29:31

32того ради сице рече Господь: се, Аз посещу на Самею и на род его, и не будет ему человека посреде вас, еже видети благая, яже Аз сотворю вам, глаголет Господь, зане отступление глагола на Господа.Select Jeremiah 29:32