31Jeremiah 31

1Во время оно рече Господь, буду в Бога роду Израилеву, и тии будут Ми в люди.Select Jeremiah 31:1

2Тако рече Господь: обретох теплоту в пустыни со изгибшими от меча: идите и не потребите Израиля,Select Jeremiah 31:2

3Господь издалеча явится ему: любовию вечною возлюбих тя, того ради вовлекох тя в щедроты.Select Jeremiah 31:3

4Яко возгражду тя, и возградишися, дево Израилева: возмеши тимпаны своя и изыдеши с собором играющих.Select Jeremiah 31:4

5Еще насадите винограды в горе Самарийстей, насаждающе насадите и похвалите.Select Jeremiah 31:5

6Яко есть день воззвания отвещавающих в горах Ефремовых: востаните и взыдите в Сион ко Господеви Богу нашему:Select Jeremiah 31:6

7яко тако рече Господь Иакову: возвеселитеся веселием и воскликните на главу языков: слышано сотворите и похвалите, рцыте: спасе Господь люди Своя, останок Израилев.Select Jeremiah 31:7

8Се, Аз веду их от севера и соберу их от конец земли в праздник Пасхи: и чадородит народ мног, и возвратятся семо.Select Jeremiah 31:8

9С плачем изыдоша, а со утешением возведу я, проводя чрез ровенники вод по пути праву, и не заблудят по нему: яко Аз бех Израилеви во отца, и Ефрем первенец Ми есть.Select Jeremiah 31:9

10Слышите, языцы, слово Господне, и возвестите во островех дальних и рцыте: Развеявый Израиля соберет его и снабдит его, яко пастырь стадо свое.Select Jeremiah 31:10

11Яко избави Господь Иакова и изят его от руки сильнейших его.Select Jeremiah 31:11

12И приидут и возвеселятся в горе Сион, и приидут ко благотам Господним, на землю пшеницы и вина и плодов, и скотов и овнов: и будет душа их якоже древо плодовито, и не взалчут ктому.Select Jeremiah 31:12

13Тогда возрадуются девицы в собрании юношей, и старцы возрадуются: и обращу плачь их на радость, и утешу их, и сотворю их веселы.Select Jeremiah 31:13

14Возвеличу и упою душу жерцев сынов Левииных, и людие Мои благот Моих насытятся.Select Jeremiah 31:14

15Тако рече Господь: глас в Раме слышан бысть плача и рыдания и вопля: Рахиль плачущися чад своих, и не хотяше утешитися, яко не суть.Select Jeremiah 31:15

16Тако рече Господь: да почиет глас твой от плача и очи твои от слез, яко есть мзда делом твоим, глаголет Господь, и возвратятся от земли вражия:Select Jeremiah 31:16

17и есть надежда последним твоим, (глаголет Господь,) и возвратятся сынове твои в пределы своя.Select Jeremiah 31:17

18Слышя слышах Ефрема плачуща: наказал мя еси, (Господи,) и наказахся: аз якоже телец не научихся: обрати мя, и обращуся, яко Ты еси Господь Бог мой:Select Jeremiah 31:18

19понеже последи пленения моего покаяхся и последи разумения моего возстенах в день посрамления и показах тебе, яко приях укоризну от юности моея.Select Jeremiah 31:19

20Сын любезен Мне, Ефрем, отроча питеющееся, понеже словеса Моя в нем, памятию воспомяну и: того ради потщахся о нем, милуяй помилую его, рече Господь.Select Jeremiah 31:20

21Постави себе самого, Сионе, стражу, сотвори мучение, направи сердце твое на путь прав, имже ходил еси: возвратися, девице Израилева, обратися во грады твоя рыдающи.Select Jeremiah 31:21

22Доколе отвращаешися, дщи обезчествованая? Яко созда Господь спасение в насаждение ново, в немже спасении обыдут человецы.Select Jeremiah 31:22

23Яко тако рече Господь: еще рекут слово сие в земли Иудейстей и во градех ея, егда возвращу преселение его: благословен Господь на праведней горе святей своей:Select Jeremiah 31:23

24и живущии во градех Иудиных и во всей земли его, купно со земледельцем, и вознесется во стаде.Select Jeremiah 31:24

25Яко упоих всяку душу жаждущу и всяку душу алчущу насытих.Select Jeremiah 31:25

26Того ради востах от сна и видех, и сон ми сладок бысть.Select Jeremiah 31:26

27Се, дние грядут, глаголет Господь, и всею Израиля и Иуду семя человечо и семя скотское.Select Jeremiah 31:27

28И будет, якоже бдех на ня потребити и озлобити, тако бдети буду о них, еже созидати и насаждати, рече Господь.Select Jeremiah 31:28

29В тыя дни не рекут ктому: отцы ядоша кислая, а зубы детем оскомнишася:Select Jeremiah 31:29

30но кийждо своим грехом умрет, и ядшему кислая оскоменятся зубы его.Select Jeremiah 31:30

31Се, дние грядут, глаголет Господь, и завещаю дому Израилеву и дому Иудину завет нов,Select Jeremiah 31:31

32не по завету, егоже завещах отцем их в день, в оньже емшу ми за руку их, извести я от земли Египетския, яко тии не пребыша в завете Моем, и Аз небрегох их, глаголет Господь.Select Jeremiah 31:32

33Яко сей завет, егоже завещаю дому Израилеву по днех онех, глаголет Господь: дая законы Моя в мысли их, и на сердцах их напишу я, и буду им в Бога, и тии будут Ми в люди:Select Jeremiah 31:33

34и не научит кийждо ближняго своего и кийждо брата своего, глаголя: познай Господа: яко вси познают Мя от мала даже и до великаго их: яко милостив буду неправдам их и грехов их не помяну ктому.Select Jeremiah 31:34

35Аще возиесется небо на высоту, рече Господь, и аще смирится испод земли низу, и Аз не отвергу рода Израилева о всех, яже сотвориша, глаголет Господь.Select Jeremiah 31:35

36Тако рече Господь, давый солнце во свет дне, луну и звезды на свет нощи, и вопль на мори, и возшумеша волны его, Господь Вседержитель имя Ему.Select Jeremiah 31:36

37Аще премолкнут законы сии от лица Моего, рече Господь, то и род Израилев престанет быти язык пред лицем Моим во вся дни.Select Jeremiah 31:37

38Се, дние грядут, рече Господь, и созиждется град Господеви от столпа Анамеиля до врат уголных:Select Jeremiah 31:38

39и изыдет размерение его противу ему до могил Гарив, и оымется окрест избранным камением,Select Jeremiah 31:39

40и всю юдоль мертвых и пепела, и весь Ассаримоф даже до водотечи Кедрския, даже до угла коний врат восточных, освящение Господеви, и ктому не исторгнется и не потребится даже до века.Select Jeremiah 31:40