37Jeremiah 37

1И царствова Седекиа сын Иосиин вместо Иехонии сына Иоакимова, егоже постави Навуходоносор царь Вавилонский царствовати во Иудеи.Select Jeremiah 37:1

2И не послуша той и отроцы его и людие земли словес Господних, яже глагола рукою Иеремииною.Select Jeremiah 37:2

3И посла царь Седекиа Иоахала сына Селемиина и Софонию сына Массеа жерца ко Иеремии пророку, глаголя: молися за ны ко Господу Богу нашему.Select Jeremiah 37:3

4Иеремиа же свободен прихождаше и прохождаше среде града, не введоша бо его во храмину темничную.Select Jeremiah 37:4

5И сила фараоня изыде из Египта, и слышавше Халдее облегшии Иерусалим слух их, отступиша от Иерусалима.Select Jeremiah 37:5

6И бысть слово Господне ко Иеремии глаголя:Select Jeremiah 37:6

7тако рече Господь Бог Израилев: тако речеши царю Иудину, пославшему к тебе вопросити Мя: се, сила фараоня, изшедшая вам на помощь, возвратится паки до земли Египетския,Select Jeremiah 37:7

8и возвратятся Халдее и повоюют град сей, и возмут его и пожгут его огнем.Select Jeremiah 37:8

9Яко тако рече Господь: не прельщайте душ своих, глаголюще: отходяше отидут от нас Халдее: яко не отидут.Select Jeremiah 37:9

10И аще побиете всю силу Халдеев воюющих на вы, и останут нецыи язвени, кийждо на месте своем, сии востанут и пожгут град сей огнем.Select Jeremiah 37:10

11И бысть егда взыде сила Халдейска от Иерусалима, от лица силы фараони,Select Jeremiah 37:11

12изыде Иеремиа из Иерусалима ити в землю Вениаминю, еже купити оттуду посреде людий.Select Jeremiah 37:12

13Внегда же быти ему во вратех Вениаминих, и (бысть) тамо человек, у негоже обита Саруиа сын Селемиин, сына Ананиина, и взя Иеремию, глаголя: ко Халдеем ты бежиши.Select Jeremiah 37:13

14И рече Иеремиа: лжа, не ко Халдеем аз бегу. И не послуша его. И взя Саруиа Иеремию и приведе его ко князем.Select Jeremiah 37:14

15И разгневашася князи на Иеремию и биша его, и послаша его в дом Ионафана книгочия, яко той сотвориша храминою темничною.Select Jeremiah 37:15

16И прииде Иеремиа в дом рва и в херет, и седе ту дни многи.Select Jeremiah 37:16

17И посла Седекиа царь и призва его, и вопрошаше его царь отай, аще есть слово от Господа? И рече ему Иеремиа: есть. И рече: в руце царя и Вавилонска предан будеши.Select Jeremiah 37:17

18И рече Иеремиа царю: чим преобидех тя и отроки твоя и люди сия, яко ты вдаеши мя в дом темничный?Select Jeremiah 37:18

19И где суть пророцы ваши прорицавшии вам, глаголюще, яко не приидет царь Вавилонский на вас и на землю сию?Select Jeremiah 37:19

20Ныне же послушай, молютися, господи мой, царю, да падет моление мое пред лицем твоим: и не посылай мя паки в дом Ионафана книгочия, да не умру тамо.Select Jeremiah 37:20

21И повеле царь, и ввергоша его во храмину темничную, и даяху ему хлеб един на день извне, идеже пекут, дондеже скончашася хлебы из града. И седяше Иеремиа во дворе темничнем.Select Jeremiah 37:21