49Jeremiah 49

1К сыном Аммоним тако глаголет Господь: еда не суть сынове Израилевы, или наследника несть им? Почто убо прия наследие Мелхом Гада, и людие его во градех его живяху?Select Jeremiah 49:1

2Сего ради, се, дние грядут, глаголет Господь, и оглашу на Равваф сынов Аммоних ратный звук, и будет в непроходная и в пагубу, и требища его огнем сожжена будут, и восприимет Израиль власть свою, глаголет Господь.Select Jeremiah 49:2

3Возопий, Есевоне, яко погибе Гай: возопийте, дщери Раввафски, препояшитеся вретищами, рыдайте и бегайте по забралом, яко Мелхом во плен отведется, священницы и князи его вкупе.Select Jeremiah 49:3

4Что хвалишися во удолиих? Стече удолие твое, дщи безстудная, уповающая на богатства своя, глаголющи: кто приидет на мя?Select Jeremiah 49:4

5Се, Аз наведу на тя страх, глаголет Господь Вседержитель, от всех сущих окрест тебе: и разсеетеся вси от лица его, и не будет собирающаго бежащих.Select Jeremiah 49:5

6И посем возвращу пленники сынов Аммоних, глаголет Господь.Select Jeremiah 49:6

7Ко Идумеи сия глаголет Господь Вседержитель: еда есть ктому мудрость во Фемане? Погибе совет от разумных, непотребна бысть мудрость их,Select Jeremiah 49:7

8попрано бысть место их: снидите в пропасть к седению, живущии во Дедане: яко жестокая сотвори: (погибель Исавлю) наведох нань во время, в неже посетих его.Select Jeremiah 49:8

9Яко оымателие вина приидоша на тя, не оставят тебе останков: аки татие в нощи возложат руки своя.Select Jeremiah 49:9

10Яко (Аз) обнажих Исава, открых тайная его, не возможет утаитися, погибе рукою брата своего и соседа своего,Select Jeremiah 49:10

11и несть остатися сироте твоей, да живет: Аз же сотворю жити, и вдовицы на Мя уповаша.Select Jeremiah 49:11

12Тако бо глаголет Господь: се, имже не бе закона пити чашу, пиюще испиют: и ты ли аки неповинный останешися? Не будеши неповинен, но пия испиеши.Select Jeremiah 49:12

13Собою бо кляхся, глаголет Господь, яко в пустыню и в поругание и в посмех и в проклятие будеши посреде его, и вси гради его будут в пустыню вечную.Select Jeremiah 49:13

14Слух слышах от Господа, и послов во языки посла: соберитеся и идите противу ему и востаните на ополчение.Select Jeremiah 49:14

15Се, мала дах тя во языцех и поругаема в людех.Select Jeremiah 49:15

16Играние твое прельсти тя, безстудие сердца твоего обиташе в разселинах каменных, похити крепость холма высокаго: егда вознесеши яко орел гнездо свое, оттоле свергу тя, глаголет Господь.Select Jeremiah 49:16

17И будет Идумеа в запустение, всяк ходяй чрез ню подивится и позвиждет над всякою язвою ея.Select Jeremiah 49:17

18Якоже превращена есть Содома и Гоморра и соседи ея, глаголет Господь, не поживет тамо муж, ниже пребудет тамо сын человечь.Select Jeremiah 49:18

19Се, якоже лев изыдет от среды Иордана на место сильнаго, яко скоро сотворю им бежати от него, и кто будет избран, егоже поставлю над ним? Кто бо подобен Мне? И кто противостанет Ми? И кто есть сей пастырь, иже сопротивится лицу Моему?Select Jeremiah 49:19

20Сего ради слышите совет Господень, егоже совеща на Едома, и умышление Его, еже умысли на живущих во Фемане, не свергут ли их малая от стад, и не разметано ли будет на них жилище их?Select Jeremiah 49:20

21От гласа бо падения их потрясеся земля, и вопль на мори Чермнем слышася гласа их.Select Jeremiah 49:21

22Се, яко орел взыдет и возлетит и прострет криле свои над твердыньми его: и будет сердце сильных Идумейских в той день, яко сердце жены родящия.Select Jeremiah 49:22

23К Дамаску: посрамися Емаф и Арфаф, яко слух зол слышаша, ужасошася, возмутишася на мори, (за попечение) упокоитися не могут.Select Jeremiah 49:23

24Расторжеся Дамаск, обратися на бежание, трепет объят и, скорбь и болезнь одержаша его яко раждающую.Select Jeremiah 49:24

25Како не оставиша града славнаго, крепости любезныя?Select Jeremiah 49:25

26Сего ради падут юноши на стогнах твоих, и вси мужие воинстии падут в той день, глаголет Господь Вседержитель.Select Jeremiah 49:26

27И возжгу огнь на стене Дамаска, и пожжет стены сына Адерова.Select Jeremiah 49:27

28К Кидару, царице двора, егоже порази Навуходоносор царь Вавилонский, тако глаголет Господь: востаните и взыдите на Кидар и погубите сыны восточныя.Select Jeremiah 49:28

29Селения их и стада их возмут: одежды их и вся сосуды их и велблюды их возмут себе, и призовут на ня страх окрест.Select Jeremiah 49:29

30Бежите и отидите вскоре, в пропастех сядите, живущии во дворе, глаголет Господь: яко совеща на вы Навуходоносор царь Вавилонский совет и помысли на вас умышление.Select Jeremiah 49:30

31Востаните и внидите к людем упокоеным, живущым в прохладе, глаголет Господь: иже ни дверий, ниже заворов имут, едини обитают.Select Jeremiah 49:31

32И будут велблюды их в расхищение и множество скота их в разграбление, и развею я всяким ветром остриженых окрест, и от всех окрестных их приведу на ня погибель, глаголет Господь.Select Jeremiah 49:32

33И будет двор в жилище змием и пуст даже до века, не поживет тамо муж, ниже будет живяй в нем сын человечь.Select Jeremiah 49:33

34Слово Господне, еже бысть ко Иеремии пророку на Елам, в начале царства Седекии царя Иудина, глаголя:Select Jeremiah 49:34

35тако глаголет Господь Вседержитель: се, Аз сокрушу лук Еламль, начало силы их,Select Jeremiah 49:35

36и наведу на Елам четыри ветры от четырех стран небесных и развею я во вся ветры тыя, и не будет языка, в оньже бы не пришли бежащии Еламитяне.Select Jeremiah 49:36

37И устрашу их пред враги их и пред лицем ищущих души их, и наведу на ня злая, по гневу ярости Моея, глаголет Господь: и послю вслед их мечь Мой, дондеже сотру их:Select Jeremiah 49:37

38и поставлю престол Мой во Еламе, и иждену оттуду царя и князи, глаголет Господь:Select Jeremiah 49:38

39и будет в последния дни, возвращу плен Еламль, глаголет Господь.Select Jeremiah 49:39