1John 1

1В начале бе Слово, и Слово бе к Богу, и Бог бе Слово.Select John 1:1

2Сей бе искони к Богу:Select John 1:2

3вся Тем быша, и без Него ничтоже бысть, еже бысть.Select John 1:3

4В Том живот бе, и живот бе свет человеком:Select John 1:4

5и свет во тме светится, и тма его не объят.Select John 1:5

6Бысть человек послан от Бога, имя ему Иоанн:Select John 1:6

7Сей прииде во свидетелство, да свидетелствует о Свете, да вси веру имут ему.Select John 1:7

8Не бе той свет, но да свидетелствует о Свете:Select John 1:8

9бе Свет истинный, Иже просвещает всякаго человека грядущаго в мир:Select John 1:9

10в мире бе, и мир Тем бысть, и мир Его не позна:Select John 1:10

11во своя прииде, и свои Его не прияша.Select John 1:11

12Елицы же прияша Его, даде им область чадом Божиим быти, верующым во имя Его,Select John 1:12

13иже не от крове, ни от похоти плотския, ни от похоти мужеския, но от Бога родишася.Select John 1:13

14И Слово плоть бысть и вселися в ны, и видехом славу Его, славу яко Единороднаго от Отца, исполнь благодати и истины.Select John 1:14

15Иоанн свидетелствует о Нем и воззва глаголя: Сей бе, Егоже рех, Иже по мне Грядый, предо мною бысть, яко первее мене бе.Select John 1:15

16И от исполнения Его мы вси прияхом и благодать воз благодать:Select John 1:16

17яко закон Моисеом дан бысть, благодать (же) и истина Иисус Христом бысть.Select John 1:17

18Бога никтоже виде нигдеже: Единородный Сын, сый в лоне Отчи, Той исповеда.Select John 1:18

19И сие есть свидетелство Иоанново, егда послаша Жидове от Иерусалима иереев и левитов, да вопросят его: ты кто еси?Select John 1:19

20И исповеда и не отвержеся: и исповеда, яко несмь аз Христос.Select John 1:20

21И вопросиша его: что убо? Илиа ли еси ты? И глагола: несмь. Пророк ли еси? И отвеща: ни.Select John 1:21

22Реша же ему: кто еси? Да ответ дамы пославшым ны: что глаголеши о тебе самем?Select John 1:22

23Рече: аз глас вопиющаго в пустыни: исправите путь Господень, якоже рече Исаиа пророк.Select John 1:23

24И посланнии беху от фарисей:Select John 1:24

25и вопросиша его и реша ему: что убо крещаеши, аще ты неси Христос, ни Илиа, ни пророк?Select John 1:25

26Отвеща им Иоанн, глагола: аз крещаю водою: посреде же вас стоит, Егоже вы не весте:Select John 1:26

27Той есть Грядый по мне, Иже предо мною бысть, Емуже несмь аз достоин, да отрешу ремень сапогу Его.Select John 1:27

28Сия в Вифаваре быша об он пол Иордана, идеже бе Иоанн крестя.Select John 1:28

29Во утрий (же) виде Иоанн Иисуса грядуща к себе и глагола: се, Агнец Божий, вземляй грехи мира:Select John 1:29

30Сей есть, о Немже аз рех: по мне грядет Муж, Иже предо мною бысть, яко первее мене бе:Select John 1:30

31и аз не ведех Его: но да явится Израилеви, сего ради приидох аз водою крестя.Select John 1:31

32И свидетелствова Иоанн, глаголя, яко видех Духа сходяща яко голубя с небесе, и пребысть на Нем:Select John 1:32

33и аз не ведех Его: но Пославый мя крестити водою, Той мне рече: над Негоже узриши Духа сходяща и пребывающа на Нем, Той есть крестяй Духом Святым:Select John 1:33

34и аз видех и свидетелствовах, яко Сей есть Сын Божий.Select John 1:34

35Во утрий (же) паки стояше Иоанн, и от ученик его два.Select John 1:35

36И узрев Иисуса грядуща, глагола: се, Агнец Божий.Select John 1:36

37И слышаста его оба ученика глаголющаго, и по Иисусе идоста.Select John 1:37

38Обращься же Иисус и видев я по Себе идуща, глагола има: чесо ищета? Она же реста Ему: Равви, еже глаголется сказаемо учителю, где живеши?Select John 1:38

39(И) глагола има: приидита и видита. Приидоста и видеста, где живяше, и у Него пребыста день той. Бе же час яко десятый.Select John 1:39

40Бе (же) Андрей, брат Симона Петра, един от обою слышавшею от Иоанна и по Нем шедшею.Select John 1:40

41Обрете сей прежде брата своего Симона и глагола ему: обретохом Мессию, еже есть сказаемо Христос.Select John 1:41

42И приведе его ко Иисусови. Воззрев же нань Иисус рече: ты еси Симон сын Ионин: ты наречешися Кифа, еже сказается Петр.Select John 1:42

43Во утрий (же) восхоте изыти в Галилею: и обрете Филиппа и глагола ему: гряди по Мне.Select John 1:43

44Бе (же) Филипп от Вифсаиды, от града Андреова и Петрова.Select John 1:44

45Обрете Филипп Нафанаила и глагола ему: Егоже писа Моисей в законе и пророцы, обретохом Иисуса сына Иосифова, иже от Назарета.Select John 1:45

46И глагола ему Нафанаил: от Назарета может ли что добро быти? Глагола ему Филипп: прииди и виждь.Select John 1:46

47Виде (же) Иисус Нафанаила грядуща к Себе и глагола о нем: се, воистинну Израилтянин, в немже льсти несть.Select John 1:47

48Глагола Ему Нафанаил: како мя знаеши? Отвеща Иисус и рече ему: прежде даже не возгласи тебе Филипп, суща под смоковницею видех тя.Select John 1:48

49Отвеща Нафанаил и глагола Ему: Равви, Ты еси Сын Божий, Ты еси Царь Израилев.Select John 1:49

50Отвеща Иисус и рече ему: зане рех ти, яко видех тя под смоковницею, веруеши: болша сих узриши.Select John 1:50

51И глагола ему: аминь, аминь глаголю вам, отселе узрите небо отверсто и Ангелы Божия восходящыя и нисходящыя над Сына Человеческаго.Select John 1:51