10John 10

1Аминь, аминь глаголю вам: не входяй дверьми во двор овчий, но прелазя инуде, той тать есть и разбойник:Select John 10:1

2а входяй дверьми пастырь есть овцам:Select John 10:2

3сему дверник отверзает, и овцы глас его слышат, и своя овцы глашает по имени, и изгонит их:Select John 10:3

4и егда своя овцы ижденет, пред ними ходит: и овцы по нем идут, яко ведят глас его:Select John 10:4

5по чуждем же не идут, но бежат от него, яко не знают чуждаго гласа.Select John 10:5

6Сию притчу рече им Иисус: они же не разумеша, что бяше, яже глаголаше им.Select John 10:6

7Рече же паки им Иисус: аминь, аминь глаголю вам, яко Аз есмь дверь овцам.Select John 10:7

8Вси, елико (их) прииде прежде Мене, татие суть и разбойницы: но не послушаша их овцы.Select John 10:8

9Аз есмь дверь: Мною аще кто внидет, спасется, и внидет и изыдет, и пажить обрящет.Select John 10:9

10Тать не приходит, разве да украдет и убиет и погубит: аз приидох, да живот имут и лишше имут.Select John 10:10

11Аз есмь пастырь добрый: пастырь добрый душу свою полагает за овцы:Select John 10:11

12а наемник, иже несть пастырь, емуже не суть овцы своя, видит волка грядуща и оставляет овцы и бегает, и волк расхитит их и распудит овцы:Select John 10:12

13а наемник бежит, яко наемник есть и нерадит о овцах.Select John 10:13

14Аз есмь пастырь добрый: и знаю Моя, и знают Мя Моя:Select John 10:14

15якоже знает Мя Отец, и Аз знаю Отца: и душу Мою полагаю за овцы.Select John 10:15

16И ины овцы имам, яже не суть от двора сего, и тыя Ми подобает привести: и глас Мой услышат, и будет едино стадо (и) един Пастырь.Select John 10:16

17Сего ради Мя Отец любит, яко Аз душу Мою полагаю, да паки прииму ю:Select John 10:17

18никтоже возмет ю от Мене, но Аз полагаю ю о Себе: область имам положити ю и область имам паки прияти ю: сию заповедь приях от Отца Моего.Select John 10:18

19Распря же паки бысть во Иудеех за словеса сия.Select John 10:19

20Глаголаху же мнози от них: беса имать и неистов есть: что Его послушаете?Select John 10:20

21Инии глаголаху: сии глаголголи не суть беснующагося: еда может бес слепым очи отверсти?Select John 10:21

22Быша же (тогда) обновления во Иерусалимех, и зима бе.Select John 10:22

23И хождаше Иисус в церкви, в притворе Соломони.Select John 10:23

24Обыдоша же Его Иудее и глаголаху Ему: доколе душы нашя вземлеши? Аще Ты еси Христос, рцы нам не обинуяся.Select John 10:24

25Отвеща им Иисус: рех вам, и не веруете: дела, яже Аз творю о имени Отца Моего, та свидетелствуют о Мне:Select John 10:25

26но вы не веруете, несте бо от овец Моих, якоже рех вам:Select John 10:26

27овцы Моя гласа Моего слушают, и Аз знаю их, и по Мне грядут:Select John 10:27

28и Аз живот вечный дам им, и не погибнут во веки, и не восхитит их никтоже от руки Моея:Select John 10:28

29Отец Мой, Иже даде Мне, болий всех есть, и никтоже может восхитити их от руки Отца Моего:Select John 10:29

30Аз и Отец едино есма.Select John 10:30

31Взяша же камение паки Иудее, да побиют Его.Select John 10:31

32Отвеща им Иисус: многа добра дела явих вам от Отца Моего: за кое их дело камение мещете на Мя?Select John 10:32

33Отвещаша Ему Иудее, глаголюще: о добре деле камение не мещем на Тя, но о хуле, яко Ты, человек сый, твориши Себе Бога.Select John 10:33

34Отвеща им Иисус: несть ли писано в законе вашем: Аз рех: бози есте?Select John 10:34

35Аще оных рече богов, к нимже слово Божие бысть, и не может разоритися Писание:Select John 10:35

36Егоже Отец святи и посла в мир, вы глаголете, яко хулу глаголеши, зане рех: Сын Божий есмь.Select John 10:36

37Аще не творю дела Отца Моего, не имите Ми веры:Select John 10:37

38аще ли творю, аще и Мне не веруете, делом (Моим) веруйте: да разумеете и веруете, яко во Мне Отец, и Аз в Нем.Select John 10:38

39Искаху убо паки яти Его: и изыде от рук их,Select John 10:39

40и иде паки на он пол Иордана, на место, идеже бе Иоанн прежде крестя, и пребысть ту.Select John 10:40

41И мнози приидоша к Нему и глаголаху, яко Иоанн убо знамения не сотвори ни единаго: вся же, елика рече Иоанн о Сем, истинна бяху.Select John 10:41

42И мнози вероваша в Него ту.Select John 10:42