17John 17

1Сия глагола Иисус и возведе очи Свои на небо и рече: Отче, прииде час: прослави Сына Твоего, да и Сын Твой прославит Тя:Select John 17:1

2якоже дал еси Ему власть всякия плоти, да всяко, еже дал еси Ему, даст им живот вечный:Select John 17:2

3се же есть живот вечный, да знают Тебе единаго истиннаго Бога, и Егоже послал еси Иисус Христа.Select John 17:3

4Аз прославих Тя на земли, дело соверших, еже дал еси Мне да сотворю:Select John 17:4

5и ныне прослави Мя Ты, Отче, у Тебе Самого славою, юже имех у Тебе прежде мир не бысть.Select John 17:5

6Явих имя Твое человеком, ихже дал еси Мне от мира: Твои беша, и Мне их дал еси, и слово Твое сохраниша:Select John 17:6

7ныне разумеша, яко вся, елика дал еси Мне, от Тебе суть:Select John 17:7

8яко глаголголы, ихже дал еси Мне, дах им, и тии прияша и разумеша воистинну, яко от Тебе изыдох, и вероваша, яко Ты Мя послал еси.Select John 17:8

9Аз о сих молю: не о (всем) мире молю, но о тех, ихже дал еси Мне, яко Твои суть:Select John 17:9

10и Моя вся Твоя суть, и Твоя Моя: и прославихся в них:Select John 17:10

11и ктому несмь в мире, и сии в мире суть, и Аз к Тебе гряду. Отче Святый, соблюди их во имя Твое, ихже дал еси Мне, да будут едино, якоже (и) Мы.Select John 17:11

12Егда бех с ними в мире, Аз соблюдах их во имя Твое: ихже дал еси Мне, сохраних, и никтоже от них погибе, токмо сын погибельный, да сбудется Писание:Select John 17:12

13ныне же к Тебе гряду, и сия глаголю в мире, да имут радость Мою исполнену в себе.Select John 17:13

14Аз дах им слово Твое, и мир возненавиде их, яко не суть от мира, якоже (и) Аз от мира несмь:Select John 17:14

15не молю, да возмеши их от мира, но да соблюдеши их от неприязни:Select John 17:15

16от мира не суть, якоже (и) Аз от мира несмь:Select John 17:16

17святи их во истину Твою: слово Твое истина есть.Select John 17:17

18Якоже Мене послал еси в мир, и Аз послах их в мир,Select John 17:18

19и за них Аз свящу Себе, да и тии будут священи во истину.Select John 17:19

20Не о сих же молю токмо, но и о верующих словесе их ради в Мя,Select John 17:20

21да вси едино будут: якоже Ты, Отче, во Мне, и Аз в Тебе, да и тии в Нас едино будут: да (и) мир веру имет, яко Ты Мя послал еси:Select John 17:21

22и Аз славу, юже дал еси Мне, дах им: да будут едино, якоже Мы едино есма:Select John 17:22

23Аз в них, и Ты во Мне: да будут совершени во едино, и да разумеет мир, яко Ты Мя послал еси и возлюбил еси их, якоже Мене возлюбил еси.Select John 17:23

24Отче, ихже дал еси Мне, хощу, да идеже есмь Аз, и тии будут со Мною, да видят славу Мою, юже дал еси Мне, яко возлюбил Мя еси прежде сложения мира.Select John 17:24

25Отче праведный, и мир Тебе не позна, Аз же Тя познах, и сии познаша, яко Ты Мя послал еси:Select John 17:25

26и сказах им имя Твое, и скажу, да любы, еюже Мя еси возлюбил, в них будет, и Аз в них.Select John 17:26