19John 19

1Тогда убо Пилат поят Иисуса и би (Его):Select John 19:1

2и воини сплетше венец от терния, возложиша Ему на главу, и в ризу багряну облекоша Его,Select John 19:2

3и глаголаху: радуйся, Царю Иудейский. И бияху Его по ланитома.Select John 19:3

4Изыде убо паки вон Пилат и глагола им: се, извожду Его вам вон, да разумеете, яко в Нем ни единыя вины обретаю.Select John 19:4

5Изыде же вон Иисус, нося терновен венец и багряну ризу. И глагола им: се, Человек.Select John 19:5

6Егда же видеша Его архиерее и слуги, возопиша глаголюще: распни, распни Его. Глагола им Пилат: поимите Его вы и распните, аз бо не обретаю в Нем вины.Select John 19:6

7Отвещаша ему Иудее: мы закон имамы, и по закону нашему должен есть умрети, яко Себе Сына Божия сотвори.Select John 19:7

8Егда убо слыша Пилат сие слово, паче убояся,Select John 19:8

9и вниде в претор паки и глагола Иисусови: откуду еси Ты? Иисус же ответа не даде ему.Select John 19:9

10Глагола же Ему Пилат: мне ли не глаголеши? Не веси ли, яко власть имам распяти Тя и власть имам пустити Тя?Select John 19:10

11Отвеща Иисус: не имаши власти ни единыя на Мне, аще не бы ти дано свыше: сего ради предавый Мя тебе болий грех имать.Select John 19:11

12От сего искаше Пилат пустити Его. Иудее же вопияху, глаголюще: аще Сего пустиши, неси друг кесарев: всяк, яже царя себе творит, противится кесарю.Select John 19:12

13Пилат убо слышав сие слово, изведе вон Иисуса и седе на судищи, на месте глаголемем Лифостротон, еврейски же Гаввафа.Select John 19:13

14Бе же пяток Пасце, час же яко шестый. И глагола Иудеом: се, Царь ваш.Select John 19:14

15Они же вопияху: возми, возми, распни Его. Глагола им Пилат: Царя ли вашего распну? Отвещаша архиерее: не имамы царя токмо кесаря.Select John 19:15

16Тогда убо предаде Его им, да распнется. Поемше же Иисуса и ведоша:Select John 19:16

17и нося крест Свой, изыде на глаголемое Лобное место, еже глаголется еврейски Голгофа,Select John 19:17

18идеже пропяша Его и с Ним ина два сюду и сюду, посреде же Иисуса.Select John 19:18

19Написа же и титла Пилат и положи на кресте. Бе же написано: Иисус Назорянин, Царь Иудейский.Select John 19:19

20Сего же титла мнози чтоша от Иудей, яко близ бе место града, идеже пропяша Иисуса: и бе написано еврейски, гречески, римски.Select John 19:20

21Глаголаху убо Пилату архиерее Иудейстии: не пиши: Царь Иудейский: но яко Сам рече: Царь есмь Иудейский.Select John 19:21

22Отвеща Пилат: еже писах, писах.Select John 19:22

23Воини же, егда пропяша Иисуса, прияша ризы Его и сотвориша четыри части, коемуждо воину часть, и хитон: бе же хитон нешвен, свыше исткан весь.Select John 19:23

24Реша же к себе: не предерем его, но метнем жребия о нем, кому будет: да сбудется Писание, глаголющее: разделиша ризы Моя себе и о иматисме Моей меташа жребия. Воини убо сия сотвориша.Select John 19:24

25Стояху же при кресте Иисусове Мати Его и сестра Матере Его Мариа Клеопова и Мариа Магдалина.Select John 19:25

26Иисус же видев Матерь и ученика стояща, егоже любляше, глагола Матери Своей: Жено, се, сын Твой.Select John 19:26

27Потом глагола ученику: се, Мати твоя. И от того часа поят Ю ученик во своя си.Select John 19:27

28Посем ведый Иисус, яко вся уже совершишася, да сбудется Писание, глагола: жажду.Select John 19:28

29Сосуд же стояше полн оцта. Они же исполнивше губу оцта и на трость вонзше, придеша ко устом Его.Select John 19:29

30Егда же прият оцет Иисус, рече: совершишася. И преклонь главу, предаде дух.Select John 19:30

31Иудее же, понеже пяток бе, да не останут на кресте телеса в субботу, бе бо велик день тоя субботы, молиша Пилата, да пребиют голени их и возмут.Select John 19:31

32Приидоша же воини, и первому убо пребиша голени, и другому распятому с Ним:Select John 19:32

33на Иисуса же пришедше, яко видеша Его уже умерша, не пребиша Ему голений,Select John 19:33

34но един от воин копием ребра Ему прободе, и абие изыде кровь и вода.Select John 19:34

35И видевый свидетелствова, и истинно есть свидетелство его, и той весть, яко истину глаголет, да вы веру имете:Select John 19:35

36быша бо сия, да сбудется Писание: кость не сокрушится от Него.Select John 19:36

37И паки другое Писание глаголет: воззрят Нань, Егоже прободоша.Select John 19:37

38По сих же моли Пилата Иосиф, иже от Аримафеа, сый ученик Иисусов, потаен же страха ради Иудейска, да возмет тело Иисусово: и повеле Пилат. Прииде же и взят тело Иисусово.Select John 19:38

39Прииде же и Никодим, пришедый ко Иисусови нощию прежде, нося смешение смирнено и алойно, яко литр сто.Select John 19:39

40Прияста же тело Иисусово и обвиста е ризами со ароматы, якоже обычай есть Иудеом погребати.Select John 19:40

41Бе же на месте, идеже распятся, верт, и в верте гроб нов, в немже николиже никтоже положен бе:Select John 19:41

42ту убо пятка ради Иудейска, яко близ бяше гроб, положиста Иисуса.Select John 19:42