3John 3

1Бе же человек от фарисей, Никодим имя ему, князь Жидовский:Select John 3:1

2сей прииде ко Иисусу нощию и рече Ему: Равви, вем, яко от Бога пришел еси учитель: никтоже бо может знамений сих творити, яже Ты твориши, аще не будет Бог с ним.Select John 3:2

3Отвеща Иисус и рече ему: аминь, аминь глаголю тебе: аще кто не родится свыше, не может видети Царствия Божия.Select John 3:3

4Глагола к Нему Никодим: како может человек родитися стар сый? Еда может второе внити во утробу матере своея и родитися?Select John 3:4

5Отвеща Иисус: аминь, аминь глаголю тебе: аще кто не родится водою и Духом, не может внити во Царствие Божие:Select John 3:5

6рожденное от плоти плоть есть, и рожденное от Духа дух есть.Select John 3:6

7Не дивися, яко рех ти: подобает вам родитися свыше.Select John 3:7

8Дух, идеже хощет, дышет, и глас его слышиши, но не веси, откуду приходит и камо идет: тако есть всяк (человек) рожденный от Духа.Select John 3:8

9Отвеща Никодим и рече Ему: како могут сия быти?Select John 3:9

10Отвеща Иисус и рече ему: ты еси учитель Израилев, и сих ли не веси?Select John 3:10

11Аминь, аминь глаголю тебе, яко, еже вемы, глаголем, и еже видехом, свидетелствуем, и свидетелства Нашего не приемлете:Select John 3:11

12аще земная рекох вам, и не веруете: како, аще реку вам небесная, уверуете?Select John 3:12

13И никтоже взыде на небо, токмо сшедый с небесе Сын Человеческий, сый на небеси:Select John 3:13

14и якоже Моисей вознесе змию в пустыни, тако подобает вознестися Сыну Человеческому,Select John 3:14

15да всяк веруяй в Онь не погибнет, но имать живот вечный.Select John 3:15

16Тако бо возлюби Бог мир, яко и Сына Своего Единороднаго дал есть, да всяк веруяй в Онь не погибнет, но имать живот вечный.Select John 3:16

17Не посла бо Бог Сына Своего в мир, да судит мирови, но да спасется Им мир.Select John 3:17

18Веруяй в Онь не будет осужден: а не веруяй уже осужден есть, яко не верова во имя Единороднаго Сына Божия.Select John 3:18

19Сей же есть суд, яко свет прииде в мир, и возлюбиша человецы паче тму, неже свет: беша бо их дела зла.Select John 3:19

20Всяк бо делаяй злая ненавидит света и не приходит к свету, да не обличатся дела его, яко лукава суть:Select John 3:20

21творяй же истину грядет к свету, да явятся дела его, яко о Бозе суть соделана.Select John 3:21

22По сих (же) прииде Иисус и ученицы Его в Жидовскую землю: и ту живяше с ними и крещаше.Select John 3:22

23Бе же Иоанн крестя во Еноне близ Салима, яко воды многи бяху ту: и прихождаху и крещахуся:Select John 3:23

24не у бо бе всажден в темницу Иоанн.Select John 3:24

25Бысть же стязание от ученик Иоанновых со Иудеи о очищении:Select John 3:25

26и приидоша ко Иоанну и рекоша ему: равви, Иже бе с тобою об он пол Иордана, Емуже ты свидетелствовал еси, се, Сей крещает, и вси грядут к Нему.Select John 3:26

27Отвеща Иоанн и рече: не может человек приимати ничесоже, аще не будет дано ему с небесе.Select John 3:27

28Вы сами мне свидетелствуете, яко рех: несмь аз Христос, но яко послан есмь пред Ним.Select John 3:28

29Имеяй невесту жених есть: а друг женихов, стоя и послушая его, радостию радуется за глас женихов: сия убо радость моя исполнися:Select John 3:29

30оному подобает расти, мне же малитися.Select John 3:30

31Грядый свыше над всеми есть: сый от земли от земли есть и от земли глаголет: Грядый с небесе над всеми есть,Select John 3:31

32и еже виде и слыша, сие свидетелствует: и свидетелства Его никтоже приемлет.Select John 3:32

33Приемый Его свидетелство верова, яко Бог истинен есть.Select John 3:33

34Егоже бо посла Бог, глаголголы Божия глаголет: не в меру бо Бог дает Духа.Select John 3:34

35Отец (бо) любит Сына и вся даде в руце Его.Select John 3:35

36Веруяй в Сына имать живот вечный: а иже не верует в Сына, не узрит живота, но гнев Божий пребывает на нем.Select John 3:36