8John 8

1Иисус же иде в гору Елеонску:Select John 8:1

2заутра же паки прииде в церковь, и вси людие идяху к Нему: и сед учаше их.Select John 8:2

3Приведоша же книжницы и фарисее к Нему жену в прелюбодеянии яту, и поставивше ю посреде,Select John 8:3

4глаголаша Ему: Учителю, сия жена ята есть ныне в прелюбодеянии:Select John 8:4

5в законе же нам Моисей повеле таковыя камением побивати: Ты же что глаголеши?Select John 8:5

6Сие же реша искушающе Его, да быша имели что глаголати Нань. Иисус же долу преклонься, перстом писаше на земли, не слагая (им).Select John 8:6

7Якоже прилежаху вопрошающе Его, восклонься рече к ним: иже есть без греха в вас, прежде верзи камень на ню.Select John 8:7

8И паки долу преклонься, писаше на земли.Select John 8:8

9Они же слышавше и совестию обличаеми, исхождаху един по единому, наченше от старец до последних: и оста един Иисус, и жена посреде сущи.Select John 8:9

10Восклонься же Иисус и ни единаго видев, точию жену, рече ей: жено, где суть, иже важдаху на тя? Ни кийже ли тебе осуди?Select John 8:10

11Она же рече: никтоже, Господи. Рече же ей Иисус: ни Аз тебе осуждаю: иди и (отселе) ктому не согрешай.Select John 8:11

12Паки же им Иисус рече глаголя: Аз есмь свет миру: ходяй по Мне не имать ходити во тме, но имать свет животный.Select John 8:12

13Реша убо Ему фарисее: Ты о Себе Сам свидетелствуеши: свидетелство Твое несть истинно.Select John 8:13

14Отвеща Иисус и рече им: аще Аз свидетелствую о Себе, истинно есть свидетелство Мое, яко вем, откуду приидох и камо иду: вы же не весте, откуду прихожду и камо гряду:Select John 8:14

15вы по плоти судите, Аз не сужду ни комуже:Select John 8:15

16и аще сужду Аз, суд Мой истинен есть, яко един несмь, но Аз и пославый Мя Отец:Select John 8:16

17и в законе же вашем писано есть, яко двою человеку свидетелство истинно есть:Select John 8:17

18Аз есмь свидетелствуяй о Мне Самем, и свидетелствует о Мне пославый Мя Отец.Select John 8:18

19Глаголаху же Ему: где есть Отец Твой? Отвеща Иисус: ни Мене весте, ни Отца Моего: аще Мя бысте ведали, и Отца Моего ведали бысте.Select John 8:19

20Сия глаголголы глагола Иисус в газофилакии, учя в церкви: и никтоже ят Его, яко не у бе пришел час Его.Select John 8:20

21Рече же им паки Иисус: Аз иду, и взыщете Мене, и во гресе вашем умрете: аможе Аз иду, вы не можете приити.Select John 8:21

22Глаголаху убо Иудее: еда Ся Сам убиет, яко глаголет: аможе Аз иду, вы не можете приити?Select John 8:22

23И рече им: вы от нижних есте, Аз от вышних есмь: вы от мира сего есте, Аз несмь от мира сего:Select John 8:23

24рех убо вам, яко умрете во гресех ваших: аще бо не имете веры, яко Аз есмь, умрете во гресех ваших.Select John 8:24

25Глаголаху убо Ему: Ты кто еси? И рече им Иисус: Начаток, яко и глаголю вам:Select John 8:25

26многа имам о вас глаголати и судити: но Пославый Мя истинен есть, и Аз, яже слышах от Него, сия глаголю в мире.Select John 8:26

27Не разумеша (убо), яко Отца им глаголаше.Select John 8:27

28Рече же им Иисус: егда вознесете Сына Человеческаго, тогда уразумеете, яко Аз есмь, и о Себе ничесоже творю, но, якоже научи Мя Отец Мой, сия глаголю:Select John 8:28

29и пославый Мя со Мною есть: не остави Мене единаго Отец, яко Аз угодная Ему всегда творю.Select John 8:29

30Сия Ему глаголющу, мнози вероваша в Него.Select John 8:30

31Глаголаше убо Иисус к веровавшым Ему Иудеом: аще вы пребудете во словеси Моем, воистинну ученицы Мои будетеSelect John 8:31

32и уразумеете истину, и истина свободит вы.Select John 8:32

33Отвещаша (и реша) Ему: семя Авраамле есмы и ни комуже работахом николиже: како Ты глаголеши, яко свободни будете?Select John 8:33

34Отвеща им Иисус: аминь, аминь глаголю вам, яко всяк творяй грех раб есть греха:Select John 8:34

35раб же не пребывает в дому во век: сын пребывает во век:Select John 8:35

36аще убо Сын вы свободит, воистинну свободни будете:Select John 8:36

37вем, яко семя Авраамле есте: но ищете Мене убити, яко слово Мое не вмещается в вы:Select John 8:37

38Аз, еже видех у Отца Моего, глаголю: и вы убо, еже видесте у отца вашего, творите.Select John 8:38

39Отвещаша и реша Ему: отец наш Авраам есть. Глагола им Иисус: аще чада Авраамля бысте были, дела Авраамля бысте творили:Select John 8:39

40ныне же ищете Мене убити, Человека, иже истину вам глаголах, юже слышах от Бога: сего Авраам несть сотворил:Select John 8:40

41вы творите дела отца вашего. Реша же Ему: мы от любодеяния несмы рождени: единаго Отца имамы, Бога.Select John 8:41

42Рече же им Иисус: аще Бог Отец ваш (бы) был, любили бысте (убо) Мене: Аз бо от Бога изыдох и приидох: не о Себе бо приидох, но Той Мя посла:Select John 8:42

43почто беседы Моея не разумеете? Яко не можете слышати словесе Моего:Select John 8:43

44вы отца (вашего) диавола есте, и похоти отца вашего хощете творити: он человекоубийца бе искони и во истине не стоит, яко несть истины в нем: егда глаголет лжу, от своих глаголет, яко ложь есть и отец лжи:Select John 8:44

45Аз же зане истину глаголю, не веруете Мне:Select John 8:45

46кто от вас обличает Мя о гресе? Аще ли истину глаголю, почто вы не веруете Мне?Select John 8:46

47Иже есть от Бога, глаголголов Божиих послушает: сего ради вы не послушаете, яко от Бога несте.Select John 8:47

48Отвещаша убо Иудее и реша Ему: не добре ли мы глаголем, яко Самарянин еси Ты и беса имаши?Select John 8:48

49Отвеща Иисус: Аз беса не имам, но чту Отца Моего, и вы не чтете Мене:Select John 8:49

50Аз же не ищу славы Моея: есть Ищя и Судя:Select John 8:50

51аминь, аминь глаголю вам: аще кто слово Мое соблюдет, смерти не имать видети во веки.Select John 8:51

52Реша убо Ему Жидове: ныне разумехом, яко беса имаши: Авраам умре и пророцы, и Ты глаголеши: аще кто слово Мое соблюдет, смерти не имать вкусити во веки:Select John 8:52

53еда Ты болий еси отца нашего Авраама, иже умре? И пророцы умроша: кого Себе Сам Ты твориши?Select John 8:53

54Отвеща Иисус: аще Аз славлюся Сам, слава Моя ничесоже есть: есть Отец Мой славяй Мя, Егоже вы глаголете, яко Бог ваш есть:Select John 8:54

55и не познасте Его, Аз же вем Его: и аще реку, яко не вем Его, буду подобен вам ложь: но вем Его и слово Его соблюдаю:Select John 8:55

56Авраам отец ваш рад бы был, дабы видел день Мой: и виде и возрадовася.Select John 8:56

57Реша убо Иудее к Нему: пятидесят лет не у имаши, и Авраама ли еси видел?Select John 8:57

58Рече (же) им Иисус: аминь, аминь глаголю вам: прежде даже Авраам не бысть, Аз есмь.Select John 8:58

59Взяша убо камение, да вергут Нань: Иисус же скрыся и изыде из церкве, прошед посреде их: и мимохождаше тако.Select John 8:59