18Joshua 18

1И собрася весь сонм сынов Израилевых в Силом, и водрузиша тамо скинию свидения: и земля одержася от них.Select Joshua 18:1

2И осташася сынове Израилевы, иже не наследиша наследия своего седмь племен.Select Joshua 18:2

3И рече Иисус сыном Израилевым: доколе вы разслабляетеся внити наследити землю, юже даде вам Господь Бог отец ваших?Select Joshua 18:3

4Дайте от вас по три мужы от племене, и послю их, и воставше да пройдут землю и да опишут ю предо мною, якоже есть лепо разделити ю. И приидоша к нему.Select Joshua 18:4

5И раздели им на седмь частей: Иуда да поставит предел своим от лива, и сынове Иосифли да поставят предел своим от севера:Select Joshua 18:5

6вы же разделите землю на седмь частей, и принесите ко мне семо, и изнесу вам жребий пред Господем Богом вашим:Select Joshua 18:6

7несть бо части у вас сыном Левииным, зане жречество Господне часть их: Гад же и Рувим и полплемене Манассиина взяша наследие свое об ону страну Иордана на востоки, еже даде им Моисей раб Господень.Select Joshua 18:7

8И воставше мужие поидоша. И заповеда Иисус мужем идущым описати землю, глаголя: идите и обыдите землю, и опишите ю, и приидите ко мне, и изнесу вам зде жребий пред Господем в Силоме.Select Joshua 18:8

9И идоша мужие, и обыдоша землю и соглядаша ю, и описаша ю по градом ея на седмь частей в книгу, и принесоша ко Иисусу в полк в Силом.Select Joshua 18:9

10И верже им Иисус жребий пред Господем в Силоме: и раздели тамо землю Иисус сыном Израилевым по разделению их.Select Joshua 18:10

11И изыде жребий племене сынов Вениаминовых первый по сонмом их: и изыдоша пределы жребия их посреде сынов Иудиных и посреде сынов Иосифовых.Select Joshua 18:11

12И быша пределы их от севера: от Иордана взыдут пределы созади Иерихона к северу и взыдут к горе к морю, и будет исход его Мавдарит Вефавн:Select Joshua 18:12

13и пройдут оттуду пределы Лузы созади Лузы от юга: сия есть Вефиль: и снидут пределы сии от Атароф-Аддар на горную, яже есть к ливу Вефорон нижний,Select Joshua 18:13

14и прейдут пределы, и обыдут к стране зрящи к морю от ливы, от горы к лицу Вефорон Лива, и будет исход его в Кариаф-Ваал: сей есть Кариафиарим, Град сынов Иудиных. Сия есть часть яже к морю.Select Joshua 18:14

15И часть яже к ливу от части Кариаф-Ваал: и пройдут пределы морския в Гаин, на источник воды Наффоновы,Select Joshua 18:15

16и снидут пределы на страну горы, яже есть пред лицем дубравы, сына Енома, яже есть от части емек Рафаин от севера, и снидут к Геенному созади Иевуса от юга, и снидут на источник Рогиль,Select Joshua 18:16

17и пройдут сквозе от севера, и пройдут на источник Самеса, и пройдут на Галилоф, иже есть прямо к восходу Едомим: и снидут на камень Ваан сынов Рувимлих,Select Joshua 18:17

18и пройдут созади вефаравы от севера, и снидут ко араве,Select Joshua 18:18

19и снидут с Аравы (на) пределы созади Вефагла от севера, и будет исход пределов на холм моря Сланаго от севера в страну Иорданову от ливы. Сии пределы суть от юга: и Иордан определит ю от страны востока.Select Joshua 18:19

20Сие наследие сынов Вениаминовых, пределы его окрест по сонмом их.Select Joshua 18:20

21И быша грады племене сынов Вениаминовых по сонмом их, Иерихо и Вифагла и Амеккасис,Select Joshua 18:21

22и Вефарава и Семрим и Вифил,Select Joshua 18:22

23и Авим и Афара, и Афра (и Екарен),Select Joshua 18:23

24и Кафираммин и Афни и Гаваа: грады дванадесять и веси их:Select Joshua 18:24

25Гаваон и Рама и Вироф,Select Joshua 18:25

26и Масфа и Хефира и Амоса,Select Joshua 18:26

27и Рекем и Иерфаил и Фарала,Select Joshua 18:27

28и Силалеф и Иевус (сей есть Иерусалим), и Гавааф и Град Иарим: грады тринадесять и веси их. Сие наследие сынов Вениаминовых по сонмом их.Select Joshua 18:28