4Joshua 4

1И егда скончаша вси людие преходяще Иордан, и рече Господь к Иисусу, глаголя:Select Joshua 4:1

2поими дванадесять мужей от людий, мужа единаго от коегождо племене,Select Joshua 4:2

3повели им, глаголя: возмите от среды Иордана, идеже стояша нози жречестии, готовых дванадесять каменей, и изнесше я с собою, положите в полце вашем, идеже станете тамо в нощи.Select Joshua 4:3

4И призвав Иисус дванадесять мужей славных от сынов Израилевых, единаго от коегождо племене, рече им:Select Joshua 4:4

5идите предо мною пред лицем Господним в средину Иордана: и взем оттуду кийждо камень един да возложит на рамена своя, по числу племен (сынов) Израилевых:Select Joshua 4:5

6да будут вам сии в знамение посреде вас лежаще всегда, да егда вопросит тебе утро сын твой, глаголя: что суть камение сие вам?Select Joshua 4:6

7И ты возвестиши сыну твоему, глаголя: яко оскуде Иордан река от лица кивота завета Господа всея земли, егда прехождаше его, и изсяче вода Иорданова: и будут вам камение сие в память сынов Израилевых даже до века.Select Joshua 4:7

8И сотвориша тако сынове Израилевы, якоже заповеда Господь Иисусу: и вземше дванадесять каменей от среды Иордана, якоже заповеда Господь Иисусу в скончании прехождения сынов Израилевых, и принесоша их с собою в полк, и положиша их тамо.Select Joshua 4:8

9Постави же Иисус и другия дванадесять каменей в самем Иордане на месте, идеже стояху нози жерцев воздвизающих кивот завета Господня, и суть тамо даже до сего дне.Select Joshua 4:9

10Стояху же жерцы воздвизающии кивот завета Господня во Иордане, дондеже сконча Иисус вся, елика заповеда Господь Иисусу поведати людем, по всем, елика заповеда Моисей Иисусу: и потщашася людие, и преидоша.Select Joshua 4:10

11И бысть егда скончаша вси людие преходити (Иордан), прейде и кивот завета Господня, и камение пред ними.Select Joshua 4:11

12И преидоша сынове Рувимли и сынове Гадовы и пол племене Манассиина устроены пред сынми Израилевы, якоже заповеда им Моисей:Select Joshua 4:12

13четыредесять тысящ вооружени на рать преидоша пред Господем на брань ко граду Иерихону.Select Joshua 4:13

14В той день возвеличи Господь Иисуса пред всем родом Израилевым: и бояхуся его, якоже бояхуся Моисеа, елико время поживе.Select Joshua 4:14

15И рече Господь ко Иисусу, глаголя:Select Joshua 4:15

16заповеждь жерцем, воздвизающым кивот завета свидения, изступити из Иордана.Select Joshua 4:16

17И заповеда Иисус жерцем, глаголя: изыдите из Иордана.Select Joshua 4:17

18И бысть егда изыдоша жерцы воздвизающии кивот завета Господня от среды Иордана, и поставиша ноги на сусе, и устремися вода Иорданова на место и пойде якоже вчера и третияго дне по всему краю.Select Joshua 4:18

19И людие взыдоша от Иордана в десятый день перваго месяца: и ополчишася сынове Израилевы в Галгалех на стране, яже на восток солнца от Иерихона.Select Joshua 4:19

20И дванадесять камения сия, яже взя от Иордана, постави Иисус в Галгалех, и рече к сыном Израилевым, глаголя:Select Joshua 4:20

21егда вопросят вас сынове ваши, глаголюще: что суть камение сие?Select Joshua 4:21

22Возвестите сыном вашым: яко по суху прейде Израиль Иордан сей,Select Joshua 4:22

23изсушившу Господу Богу вашему воду Иорданю пред ними, дондеже преидоша, якоже сотвори Господь Бог ваш Чермному морю, еже изсуши Господь Бог ваш пред вами, дондеже преидохом:Select Joshua 4:23

24да уведят вси языцы земнии, яко рука Господня крепка есть, и вы да чтете Господа Бога вашего во всякое время.Select Joshua 4:24