9Joshua 9

1Егда же услышаша вси царие Аморрейстии, иже об ону страну Иордана, иже в горней и иже в равней, и иже во всем примории моря великаго и иже при Антиливане, и Хеттеи и Аморреи, и Гергесеи и Хананеи, и Ферезеи и Евеи и Иевусеи,Select Joshua 9:1

2снидошася вкупе сещися со Иисусом и со Израилем единомысленно.Select Joshua 9:2

3И живущии в холме в Гаваоне слышаша вся, елика сотвори Господь Иерихону и Гаю,Select Joshua 9:3

4и сотвориша и сии с лукавством, и шедше уготоваша брашна и уготовашася: и вземше вретища ветха на ослы своя, и мехи вина ветхи и разседшыяся завязаны:Select Joshua 9:4

5и сапоги ветхи и заплачены на ногу их, и ризы обветшаны на них, и хлебы брашна их беша пресохли и сплеснели и сдроблени.Select Joshua 9:5

6И приидоша ко Иисусу в полк Израилев в Галгалы, и рекоша ко Иисусу и всему Израилю: от земли дальния приидохом, и ныне завещайте нам завет.Select Joshua 9:6

7И рекоша сынове Израилевы к Хоррею: виждь, не посреде ли нас живеши, и како тебе завещаю завет?Select Joshua 9:7

8И рекоша ко Иисусу: раби есмы твои. И рече к ним Иисус: откуду есте? И откуду приидосте?Select Joshua 9:8

9И рекоша к нему: от дальния земли зело приидохом раби твои во имя Господа Бога твоего: слышахом бо имя Его и вся, елика сотвори во Египте,Select Joshua 9:9

10и вся, елика сотвори двоим царем Аморрейским, иже быша об ону страну Иордана, Сиону царю Есевонску и Огу царю Васанску, иже живяше во Астарофе и во Едраине.Select Joshua 9:10

11И слышавше рекоша к нам старцы наши и вси живущии на земли нашей, глаголюще: возмите себе брашно на путь и идите противу им, и рцыте к ним: раби есмы ваши, и ныне завещайте нам завет:Select Joshua 9:11

12сии хлебы наши, теплыя на путь взяхом их от домов наших, в оньже день изыдохом приити к вам: ныне же пресхоша и быша содроблени:Select Joshua 9:12

13и сии меси вина, ихже налияхом новы, и сии разседошася: и ризы нашя сия и обувища наша обетшаша от долгаго пути зело.Select Joshua 9:13

14И взяша князи брашно их, а Господа не вопросиша.Select Joshua 9:14

15И сотвори Иисус с ними мир, и устави к ним завет, еже снабдети их: и кляшася им князи сонма.Select Joshua 9:15

16И бысть по триех днех по завещании к ним завета, услышаша, яко близ их суть и яко посреде их живут.Select Joshua 9:16

17И восташа сынове Израилевы и внидоша во грады их в третий день: гради же их (бяху) Гаваон и Кефира, и Вирот и град Иарим.Select Joshua 9:17

18И не сотвориша с ними рати (Иисус и) сынове Израилевы, яко кляшася им вси князи сонма Господем Богом Израилевым. И ропташа весь сонм Израилев на князей.Select Joshua 9:18

19И рекоша вси князи всему сонму: мы кляхомся им Господем Богом Израилевым, и ныне не возможем коснутися их:Select Joshua 9:19

20сие сотворим им, еже живити их, и снабдим их, и не будет на нас гнева клятвы ради, еюже кляхомся им.Select Joshua 9:20

21И рекоша им князи: да живут сии, и будут древосечцы и водоносцы всему сонму. И сотвори весь сонм, якоже рекоша им князи.Select Joshua 9:21

22И созва их Иисус и рече им, глаголя: почто прельстисте мя, глаголюще: далече есмы от тебе зело? Вы же населницы есте от живущих в нас:Select Joshua 9:22

23и ныне прокляти есте: и не оскудеет от вас раб, ниже древосечец, ниже водоносец мне и Богу моему.Select Joshua 9:23

24И отвещаша Иисусу, глаголюще: понеже возвестися нам (рабом твоим), елика заповеда Господь Бог твой Моисею рабу Своему, дати вам землю сию и потребити нас и вся живущыя на ней от лица вашего, сего ради убояхомся зело от душах наших от лица вашего, и сотворихом дело сие:Select Joshua 9:24

25и ныне, се, мы подручни вам, якоже угодно есть вам, и якоже вам мнится, творите нам.Select Joshua 9:25

26И сотвориша им сице: и избави я Иисус в той день от руку сынов Израилевых, и не убиша их.Select Joshua 9:26

27И постави я Иисус в той день древосечцы и водоносцы всему сонму и олтарю Божию. Сего ради быша живущии в Гаваоне древосечцы и водоносцы олтарю Божию, даже до днешняго дне, и на месте еже аще изберет Господь.Select Joshua 9:27