4Lamentations 4

1Алеф. Како потемне злато, изменися сребро доброе: разсыпашася камыцы святыни в начале всех исходов.Select Lamentations 4:1

2Беф. Сынове Сиони честнии, одеянии златом чистым, како вменишася в сосуды глиняны, дела рук скудельничих.Select Lamentations 4:2

3Гимель. Еще же змиеве обнажиша сосцы, воздоиша скимни их дщерей людий моих в неизцеление, якоже птица во пустыни.Select Lamentations 4:3

4Далеф. Прильпе язык ссущаго к гортани его в жажди, младенцы просиша хлеба, и несть им разломляющаго.Select Lamentations 4:4

5Ге. Ядуще сладостная погибоша во исходех, питаемии на багряницах одеяшася в гной.Select Lamentations 4:5

6Вав. И возвеличися беззаконие дщере людий моих паче беззакония Содомска, превращенныя во окомгновении, и не поболеша о ней руками.Select Lamentations 4:6

7Заин. Очистишася назорее ея паче снега и просветишася паче млека, чермни быша, паче камене сапфира усечение их.Select Lamentations 4:7

8Иф. Потемне паче сажи вид их, не познани быша во исходех: прильпе кожа их костем их, изсхоша, быша яко древо.Select Lamentations 4:8

9Теф. Лучше быша язвении мечем, нежели погублени гладом: сии бо истлеша от неплодности земли.Select Lamentations 4:9

10Иод. Руце жен милосердых свариша дети своя, быша в ядь им, в сокрушении дщере людий моих.Select Lamentations 4:10

11Каф. Сконча Господь ярость Свою, излия ярость гнева Своего и возжже огнь в Сионе, и пояде основания его.Select Lamentations 4:11

12Ламед. Не вероваша царие земстии и вси живущии во вселенней, яко внидет враг и стужаяй сквозе врата Иерусалимская,Select Lamentations 4:12

13мем. Ради грех пророков его и неправд жерцев его, проливающих кровь праведну посреде его.Select Lamentations 4:13

14Нун. Поколебашася бодрии его на стогнах, осквернишася в крови, внегда немощи им, прикоснушася одежд своих.Select Lamentations 4:14

15Самех. Отступите от нечистых, призовите их: отступите, отступите, не прикасайтеся, яко возжгошася и восколебашася: рцыте во языцех: не приложат, еже обитати (с ними).Select Lamentations 4:15

16Аин. Лице Господне часть их, не приложит призрети на них: лица жреческа не устыдешася, старых не помиловаша.Select Lamentations 4:16

17Фи. Еще сущым нам оскудеша очи наши, на помощь нашу всуе смотрящым нам, внегда надеяхомся на язык не спасающь.Select Lamentations 4:17

18Цади. Уловиша малых наших еже не ходити на стогнах наших, приближися время наше, исполнишася дние наши, настоит конец наш.Select Lamentations 4:18

19Коф. Скорейшии быша гонящии ны паче орлов небесных, на горах гоняху нас, в пустыни приседоша нам.Select Lamentations 4:19

20Реш. Дух лица нашего, помазанный Господь ят бысть в растлениих их, о немже рехом: в сени его поживем во языцех.Select Lamentations 4:20

21Шин. Радуйся и веселися, дщи Идумейска, живущая на земли, и на тебе приидет чаша Господня, и упиешися и излиеши.Select Lamentations 4:21

22Фав. Скончася беззаконие твое, дщи Сионя, не приложит ктому преселити тя: посетил есть беззакония твоя, дщи Едомля, откры нечестия твоя.Select Lamentations 4:22