1Leviticus 1

1И воззва Господь Моисеа, и рече ему из скинии свидения, глаголя:Select Leviticus 1:1

2глаголи сыном Израилевым, и речеши к ним: человек от вас аще принесет дары Господу, от скотов и от говяд и от овец да принесете дары вашя:Select Leviticus 1:2

3аще всесожжение дар его, от говяд мужеск пол непорочен принесет, пред двери скинии свидения да принесет е приятно пред Господем,Select Leviticus 1:3

4и да возложит руку на главу приношения, приятно ему, умилостивити о нем:Select Leviticus 1:4

5и да заколют телца пред Господем: и да принесут сынове Аароновы жерцы кровь, и да пролиют кровь на олтарь окрест, иже у дверий скинии свидения,Select Leviticus 1:5

6и одравше всесожжение, да раздробят е на уды,Select Leviticus 1:6

7и да возложат сынове Аарони жерцы огнь на олтарь, и да вскладут дрова на огнь:Select Leviticus 1:7

8и да вскладут сынове Аарони жерцы раздробленая, и главу, и тук на дрова сущая на огни яже на олтари,Select Leviticus 1:8

9утробу же и ноги да измыют водою: и да возложит жрец вся на олтарь: приношение есть жертва, воня благоухания Господу.Select Leviticus 1:9

10Аще же от овец дар свой Господви (принесет) от агнец и от козлищ во всесожжение, мужеск пол непорочен да принесет и,Select Leviticus 1:10

11и да возложит руку на главу его, и да заколют е в стране олтаря к северу пред Господем: и да пролиют сынове Аарони жерцы кровь его на олтарь окрест:Select Leviticus 1:11

12и да раздробят его на уды, и главу, и тук его, и да вскладут я жерцы на дрова сущая на огни яже на олтари,Select Leviticus 1:12

13и утробу и ноги измыют водою: и принесет жрец вся, и да возложит на олтарь: приношение есть жертва, воня благоухания Господу.Select Leviticus 1:13

14Аще же от птиц приношение принесет дар свой Господу, и принесет от горлиц или от голубов дар свой,Select Leviticus 1:14

15и да принесет и жрец ко олтарю, и да отторгнет главу его, и да возложит жрец на олтарь и исцедит кровь у стояла олтаря:Select Leviticus 1:15

16и да отлучит гортань с перием, и извергнет ю от олтаря на восток на место пепела:Select Leviticus 1:16

17и да изломит его от крил, и да не разделит: и да возложит е жрец на олтарь на дрова, яже на огни: приношение есть жертва, воня благоухания Господу:Select Leviticus 1:17