11Leviticus 11

1И рече Господь к Моисею и Аарону, глаголя:Select Leviticus 11:1

2рцыте сыном Израилевым, глаголюще: сии скоти, ихже имате ясти от всех скотов, иже на земли:Select Leviticus 11:2

3всяк скот раздвояющь копыто и пазнокти имеющь на двое, и отрыгаяй жвание в скотех, сия да ясте:Select Leviticus 11:3

4токмо от сих да не снесте от отрыгающих жвание и от раздвояющих копыта и делящих пазнокти: велблюда, яко сей износит жвание, но пазноктей не делит на двое, нечист сей вам:Select Leviticus 11:4

5и хирогриля, яко износит жвание, а пазноктей не делит, нечист сей вам:Select Leviticus 11:5

6и заяца, иже отрыгает жвание, но пазноктей не делит на двое, нечист сей вам:Select Leviticus 11:6

7и свинии, яко делит пазнокти на двое и копыто раздвояет, но не отрыгает жвания, нечиста сия вам:Select Leviticus 11:7

8от мяс их да не ясте и мертвечине их да не прикасаетеся, нечиста сия вам.Select Leviticus 11:8

9И сия да ясте от всех, яже в водах: вся, имже суть перия и чешуя в водах, и в морях и в езерах, сия да ясте:Select Leviticus 11:9

10и всем, Имже несть перие ни чешуи в водах, и в морях и в езерах, от всех, яже износят воды, и всяка душа живущая в воде, скверна есть, и скверна да будут вам:Select Leviticus 11:10

11от мяс их да не ядите и мертвечины их гнушайтеся:Select Leviticus 11:11

12и вся, имже несть перия и чешуи, иже в водах, скверна сия суть вам.Select Leviticus 11:12

13И сих гнушайтеся от птиц, и да не ясте их, гнусни суть: орла и грифа и морскаго орла,Select Leviticus 11:13

14и неясыти и иктина и подобных сим:Select Leviticus 11:14

15и струфа и совы, и сухолапля и подобных им:Select Leviticus 11:15

16и всякаго врана и подобных ему: и ястреба и подобных ему:Select Leviticus 11:16

17и врана нощнаго и лилика и ивина,Select Leviticus 11:17

18и порфириона и пелекана и лебедя,Select Leviticus 11:18

19и еродиа и харадриона и подобных ему: и вдода и нощнаго нетопыря.Select Leviticus 11:19

20И вся гады птичия, иже ходят на четырех, мерзость есть вам:Select Leviticus 11:20

21но сия да ясте от всех гад птичных, иже ходят четвероножны, иже имут голени выше плесну своею, скакати ими по земли:Select Leviticus 11:21

22и сия да ясте от сих: вруха и подобная ему, и аттака и подобная ему, офиомаха и еже подобно к нему, и акриду и подобная ей:Select Leviticus 11:22

23и всяк гад от птиц, имже суть четыри ноги, мерзость есть вам, и в сих да не осквернитеся:Select Leviticus 11:23

24всяк прикасаяйся мертвечине их нечист будет до вечера:Select Leviticus 11:24

25и всяк вземляй мертвечину их да измыет ризы своя и нечист будет до вечера.Select Leviticus 11:25

26Во всех скотех, иже раздвояет копыто и пазнокти имеет, а жвания не отрыгает, нечиста да будут вам: всяк прикасаяйся мертвечине их нечист будет даже до вечера:Select Leviticus 11:26

27и всяк иже ходит на лапах, во всех зверех, иже ходят на четырех, нечиста будут вам: всяк прикасаяйся мертвечине их нечист будет до вечера:Select Leviticus 11:27

28и вземляй мертвечину их да исперет ризы своя и нечист будет до вечера: нечиста сия будут вам.Select Leviticus 11:28

29И сия вам нечиста от гад плежущих по земли: ласица и мыш и крокодил земный,Select Leviticus 11:29

30мигали и хамелеон, и халавотис и ящер и кроторыя:Select Leviticus 11:30

31сии нечисти вам от всех гад плежущих по земли: всяк прикасаяйся мертвечине их нечист будет до вечера.Select Leviticus 11:31

32И всяко, в неже аше впадет от них нечто от мертвечины их, нечист будет всяк сосуд древян, или риза, или кожа, или вретище: всякий сосуд, в немже творится дело, в воде погрузится и нечист будет до вечера, и по сих чист будет:Select Leviticus 11:32

33и всяк сосуд глинян, в оньже аще впадет от сих внутрь, елика суть в нем, нечиста будут, и сосуд да разбиется.Select Leviticus 11:33

34И всяка снедь юже ясте, на нюже аще возлиется вода, нечиста будет вам: и всякое питие, еже пиете во всяком сосуде, нечисто будет (вам):Select Leviticus 11:34

35и все, еже аще впадет в не от мертвечины их, нечисто будет: пещи и огнища да сокрушатся, нечиста сия суть и нечиста будут вам.Select Leviticus 11:35

36Кроме источник водных и поток, и собраний водных, будут чисти: а иже прикасается мертвечинам их, нечист будет.Select Leviticus 11:36

37Аще же впадет от мертвечины их на всяко семя семянное, еже сеется, чисто будет:Select Leviticus 11:37

38аще же возлиется вода на всяко семя, и впадет от мертвечины их на не, нечисто будет вам.Select Leviticus 11:38

39Аще же умрет от скота, егоже вам ясти, прикасаяйся мертвечине его, нечист будет до вечера:Select Leviticus 11:39

40и ядый от мертвечин сих да исперет ризы своя и нечист будет до вечера: и вземляй мертвечину их да измыет ризы своя и измыется водою, и нечист будет до вечера.Select Leviticus 11:40

41И всяк гад плежущий по земли мерзость вам есть сие, да не снестся.Select Leviticus 11:41

42И всяко ходящее на чреве, и всяко ходящее на четырех всегда, и (всяко) многоножное во всех гадех, иже плежут по земли, да не снесте е, яко мерзость вам есть:Select Leviticus 11:42

43и да не омерзите душ ваших во всех гадех плежущих по земли, и да не осквернитеся ими, и да не будете нечисти в них,Select Leviticus 11:43

44яко Аз есмь Господь Бог ваш: и да освятитеся и будете святи, яко свят есмь Аз Господь Бог ваш: и да не оскверните душ ваших во всех гадех движущихся по земли,Select Leviticus 11:44

45яко Аз есмь Господь, изведый вас из земли Египетския, да буду вам Бог, и будете святи, яко свят есмь Аз Господь.Select Leviticus 11:45

46Сей закон о скотех и о птицах, и всякой души движущейся в водах и всякой души пресмыкающейся по земли,Select Leviticus 11:46

47разлучити между нечистыми и между чистыми, и научити сыны Израилевы между оживляющими ядомая и между оживляющими не ядомая.Select Leviticus 11:47