16Leviticus 16

1И глагола Господь к Моисею, по умертвии двух сынов Аароних, егда принесоста огнь чуждий пред Господа и скончастася.Select Leviticus 16:1

2И рече Господь к Моисею: глаголи Аарону, брату твоему, да не входит по вся часы в святое внутрь завесы, пред лице очистилища, еже есть над кивотом свидения, и да не умрет: во облаце бо явлюся над очистилищем:Select Leviticus 16:2

3сице внидет Аарон в святое: с телцем от говяд греха ради, и со овном на всесожжение,Select Leviticus 16:3

4и в ризу льняну освящену да облечется, и надраги льняны да будут на теле его, и поясом льняным да опояшется, и клобук льнян да возложит, ризы святы суть: и да омыет водою все тело свое, и да облечется в ня:Select Leviticus 16:4

5и от сонма сынов Израилевых да возмет два козла от коз греха ради, и овна единаго во всесожжение,Select Leviticus 16:5

6и да приведет Аарон телца, иже греха ради своего, и да помолится о себе и о доме своем,Select Leviticus 16:6

7и да возмет два козла, и поставит я пред Господем у дверий скинии свидения:Select Leviticus 16:7

8и да возложит Аарон на оба козла жребия: жребий един Господу и жребий другий отпущению.Select Leviticus 16:8

9И да приведет Аарон козла, на немже паде жребий Господу, и да принесет греха ради:Select Leviticus 16:9

10и козла, на немже паде жребий отпущения, да поставит его жива пред Господем, яко помолитися над ним и яко отпустити его во отпущение, и да отпустит его в пустыню: и возмет козел на ся беззакония их в землю непроходиму.Select Leviticus 16:10

11И да приведет Аарон телца, иже греха ради своего, и да помолится о себе и о доме своем: и да заколет телца, иже греха ради своего.Select Leviticus 16:11

12И да возмет кадилник полн углия огненна от олтаря, иже пред Господем, и да наполнит руце фимиама сложения чиста, и да принесет внутрь завесы:Select Leviticus 16:12

13и да возложит фимиам на огнь пред Господем, и покрыет дым фимиамный очистилище еже на свидениих, и не умрет.Select Leviticus 16:13

14И да возмет от крове телца, и да воскропит перстом на очистилище на востоки: пред лицем очистилище да воскропит седмижды от крове перстом своим.Select Leviticus 16:14

15И да заколет козла иже греха ради, иже за люди, пред Господем: и да внесет от крове его внутрь завесы, и да сотворит крови его, якоже сотвори крови телчи, и да воскропит кровию его на очистилище прямо очистилищу,Select Leviticus 16:15

16и очистит святое от нечистот сынов Израилевых и от неправд их, о всех гресех их: и тако сотворит скинии свидения сотворенней в них посреде нечистоты их.Select Leviticus 16:16

17И всяк человек да не будет в скинии свидения, егда входит молитися во святое, дондеже изыдет: и да помолится о себе и о доме своем и о всем сонме сынов Израилевых.Select Leviticus 16:17

18И изыдет ко олтарю, иже есть пред Господем, и помолится на нем, и да возмет от крове телца и от крове козла, и возложит на роги олтаря окрест:Select Leviticus 16:18

19и да воскропит перстом своим нань седмижды от крове, и очистит его и освятит его от нечистот сынов Израилевых.Select Leviticus 16:19

20И совершит очищая святое и скинию свидения и олтарь, и от жерцех очистит, и приведет козла живаго:Select Leviticus 16:20

21и да возложит Аарон обе руце свои на главу козла живаго, и да исповесть на нем вся беззакония сынов Израилевых и вся неправды их и вся грехи их: и возложит я на главу козла живаго, и отпустит рукою человека уготованнаго в пустыню:Select Leviticus 16:21

22и возмет козел на ся неправды их в землю непроходиму: и да отпустит козла в пустыню.Select Leviticus 16:22

23И да внидет Аарон в скинию свидения, и да совлечет ризы льняны, в няже оболчен бяше, входящу ему во святое, и положит я тамо:Select Leviticus 16:23

24и омыет тело свое водою на месте святе и да облечется в ризы своя, и изшед да сотворит всесожжение свое и всеплодие людское, и да помолится о себе и о доме своем, и о людех якоже и о жерцех:Select Leviticus 16:24

25и тук иже грехов ради да вознесет на олтарь.Select Leviticus 16:25

26И отпустивый козла отпущенаго во отпущение да исперет ризы своя и да омыет плоть свою водою, и по сих да внидет в полк.Select Leviticus 16:26

27И телца иже греха ради, и козла иже греха ради, ихже кровь внесеся на очищение во святое, да изнесут я вне полка и да сожгут я на огни, и кожы их и мяса их и мотыла их:Select Leviticus 16:27

28сожигаяй же я да исперет ризы своя и да омыет тело свое водою, и по сем да внидет в полк.Select Leviticus 16:28

29И будет сие вам законное вечное: в месяц седмый, в десятый день месяца, покорите душы вашя, и всякаго дела да не сотворите, ни туземец, ни пришлец прилежай в вас:Select Leviticus 16:29

30в той бо день помолится о вас, еже очистити вас от всех грехов ваших пред Господем, и чисти будете:Select Leviticus 16:30

31суббота суббот покой да будет сия вам, и покорите душы вашя, законно вечно.Select Leviticus 16:31

32Помолится жрец, егоже аще помажут и егоже аще совершат руце его, еже жрети ему по отце своем, и да облечется в ризу льняну свою, ризу святу,Select Leviticus 16:32

33и да очистит Святое святаго и скинию свидения, и олтарь да очистит, и о жерцех и о всем сонме да помолится.Select Leviticus 16:33

34И будет сие вам законное вечное, еже молитися о сынех Израилевых о всех гресех их, единою в лето да сотворится, якоже заповеда Господь Моисею.Select Leviticus 16:34